ವೈಭವ್ ಸೂರ್ಯವಂಶಿ ನೋಡಿ MS ಧೋನಿ ಏನು ಹೇಳಿದರು..? ಹಿಂಗಾ ಕಮೆಂಟ್ ಮಾಡೋದು

ವೈಭವ್ ಸೂರ್ಯವಂಶಿ ಕ್ರಿಕೆಟ್ ಲೋಕದಲ್ಲಿ ಸಂಚಲನ ಸೃಷ್ಟಿಸಿದ ಐಪಿಎಲ್​ನ ಅತ್ಯಂತ ಕಿರಿಯ ಆಟಗಾರ. ರಾಜಸ್ಥಾನ್ ರಾಯಲ್ಸ್​ನ ಯುವ ಆಟಗಾರ ಈಗ ಸೆನ್ಸೇಷನಲ್ ಸ್ಟಾರ್.​ ಗುಜರಾತ್ ಟೈಟನ್ಸ್ ವಿರುದ್ಧ ಅಬ್ಬರಿಸಿದ್ದ ಬಾಲಕ ಕೇವಲ 35 ಎಸೆತದಲ್ಲಿ 11 ಸಿಕ್ಸರ್​ಗಳಿಂದ ಭರ್ಜರಿ ಶತಕ ಬಾರಿಸಿ ಐಪಿಎಲ್​ನಲ್ಲಿ ಐತಿಹಾಸಿಕ ದಾಖಲೆ ಬರೆದಿದ್ದರು. ಇಂತಹ ಯುವ ಬ್ಯಾಟರ್​ಗೆ ಎಂ.ಎಸ್ ಧೋನಿ ಕಮೆಂಟ್ ಮಾಡಿದ್ದಾರೆ.

ಭಾರತ ತಂಡವಾಗಲಿ ಅಥವಾ ಐಪಿಎಲ್​ ತಂಡವಾಗಲಿ ಕೂಲ್ ಕ್ಯಾಪ್ಟನ್ ಎಂದೇ ಖ್ಯಾತಿ ಆಗಿರುವ ಮಹೇಂದ್ರ ಸಿಂಗ್ ಧೋನಿ ಸದ್ಯ ಐಪಿಎಲ್​ನಲ್ಲಿ ಬ್ಯುಸಿ ಇದ್ದಾರೆ. ಧೋನಿ ಅವರು ಯಾರಿಗಾದರೂ ಕಮೆಂಟ್ ಮಾಡೋದು ಅಪರೂಪ. ಯಾರ ಬಗ್ಗೆಯೂ ಎಳ್ಳಷ್ಟು ಮಾತನಾಡದ ಧೋನಿ, ರಾಜಸ್ಥಾನದ ಯುವ ಪ್ಲೇಯರ್​ ಕುರಿತು ಮಾತನಾಡಿದ್ದಾರೆ. ​

ಇದನ್ನೂ ಓದಿ: ಪಂದ್ಯ ಗೆದ್ದ ಖುಷಿಯಲ್ಲಿದ್ದ ಶ್ರೇಯಸ್​ ಅಯ್ಯರ್​​ಗೆ ಬಿಗ್ ಶಾಕ್.. ಚೆನ್ನೈ ಮೈದಾನದಲ್ಲಿ ಆಗಿದ್ದೇನು?

ಮಾರ್ಚ್​ 30 ರಂದು ರಾಜಸ್ಥಾನ್ ಹಾಗೂ ಚೆನ್ನೈ ತಂಡಗಳ ನಡುವೆ ಗುವಾಹಟಿಯಲ್ಲಿ ಪಂದ್ಯ ನಡೆದಿತ್ತು. ಈ ಪಂದ್ಯದಲ್ಲಿ ರಾಜಸ್ಥಾನ್​ ರಾಯಲ್ಸ್​ 6 ರನ್​ಗಳಿಂದ ಗೆದ್ದು ಬೀಗಿತ್ತು. ಇದೇ ಮ್ಯಾಚ್​ ವೇಳೆ ವೈಭವ್​ ಸೂರ್ಯವಂಶಿ ತನ್ನ ಇಷ್ಟದ ಆಟಗಾರ, ಎಂ.ಎಸ್ ಧೋನಿ ಅವರನ್ನು ಮೀಟ್ ಮಾಡಿ ಕೆಲ ಟಿಪ್ಸ್​ಗಳನ್ನು ಪಡೆದಿದ್ದರು.

ಇದಾದ ಮೇಲೆ ರಾಜಸ್ಥಾನ್ ತಂಡದ ವ್ಯವಸ್ಥಾಪಕ ರೋಮಿ ಭಿಂದರ್ ಅವರು ಧೋನಿ ಅವರನ್ನು ಅಲ್ಲೇ ಮೀಟ್​ ಮಾಡಿದ್ದರು. ಈ ವೇಳೆ ಧೋನಿ ಅವರು, ವೈಭವ್​ ಸೂರ್ಯವಂಶಿಯ ಕುರಿತು ರೋಮಿ ಭಿಂದರ್ ಬಳಿ ತಮಾಷೆಯಾಗಿ ಮಾತಾಡಿದ್ದರು. ಧೋನಿ ಮೊದಲು ವೈಭವ್​ ಸೂರ್ಯವಂಶಿಯನ್ನು ಹೊಗಳಿ, ಪ್ರಶಂಸೆ ಕೂಡ ವ್ಯಕ್ತಪಡಿಸಿದ್ದರು. ನಿಮ್ಮ ತಂಡದಲ್ಲಿ ಬೇಬಿಯನ್ನು ಹೊಂದಿದ್ದೀರಿ. ಆದ್ರೆ ಕರಗತ ಹೊಂದಿರುವ ಆಟಗಾರನಂತೆ ಅದ್ಭುತ ಶಾಟ್​ಗಳನ್ನು ಬೇಬಿ ಹೊಡೆಯುತ್ತಾನೆ ಅಂತ ಧೋನಿ ಹೇಳಿದ್ದರು ಎಂದು ರೋಮಿ ಭಿಂದರ್ ಹೇಳಿಕೊಂಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ