0.12 ಸೆಕೆಂಡ್, MS ಧೋನಿ ಸೂಪರ್ ಫಾಸ್ಟ್​ ಸ್ಟಂಪ್ ಔಟ್.. ಸೂರ್ಯ ಕುಮಾರ್ ಬೇಸರ! -Video

ವಿಕೆಟ್ ಕೀಪಿಂಗ್​ನಲ್ಲಿ ನಾನೇ ಚಾಣಕ್ಷ ಎನ್ನುವುದನ್ನು ಮಹೇಂದ್ರ ಸಿಂಗ್ ಧೋನಿ ಮತ್ತೆ ಸಾಬೀತು ಪಡಿಸಿದ್ದಾರೆ. ಮುಂಬೈ ಇಂಡಿಯನ್ಸ್ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಕೇವಲ 0.12 ಸೆಕೆಂಡ್ಸ್​ ಒಳಗೆ ಸೂರ್ಯಕುಮಾರ್ ಅವರನ್ನು ಎಂ.ಎಸ್ ಧೋನಿ ಸ್ಟಂಪ್ ಔಟ್ ಮಾಡಿದ್ದಾರೆ.

ಚೆನ್ನೈನ ಎಂ.ಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಐಪಿಎಲ್ ಟ್ರೋಫಿಯ 3ನೇ ಪಂದ್ಯದಲ್ಲಿ ಚೆನ್ನೈ ತಂಡ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಅಂದುಕೊಂಡಂತೆ ಮುಂಬೈ ಇಂಡಿಯನ್ಸ್​ ಬ್ಯಾಟ್ಸ್​​ಮನ್​ಗಳ ಮೇಲೆ ಚೆನ್ನೈ ಸೂಪರ್ ಕಿಂಗ್ಸ್​ ಬೌಲರ್ಸ್​ ಸವಾರಿ ಮಾಡಿದರು. ರೋಹಿತ್ ಶರ್ಮಾ ಡಕೌಟ್ ಆಗುವ ಮೂಲಕ ತಂಡಕ್ಕೆ ಭಾರೀ ಹೊಡೆತ ಬಿತ್ತು. ಇದರ ಬೆನ್ನಲ್ಲೇ ತಂಡದ ಮೊತ್ತ 21 ಇರುವಾಗ ರಿಕಲ್ಟನ್ ಕೂಡ ಬೋಲ್ಡ್ ಆದ್ರು. ವಿಲ್ ಜಾಕ್ಸ್ ಬಂದಷ್ಟೇ ವೇಗದಲ್ಲಿ ಪೆವಿಲಿಯನ್ ಸೇರಿದರು.

36 ರನ್​ಗೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಮುಂಬೈ ಪರ ಕ್ರೀಸ್​ಗೆ ಆಗಮಿಸಿದ ಕ್ಯಾಪ್ಟನ್​ ಸೂರ್ಯಕುಮಾರ್ ಯಾದವ್ ಹಾಗೂ ತಿಲಕ್ ವರ್ಮಾ ಒಳ್ಳೆಯ ಬ್ಯಾಟಿಂಗ್​ನಿಂದ ತಂಡವನ್ನು ಉತ್ತಮ ಹಂತಕ್ಕೆ ತೆಗೆದುಕೊಂಡು ಹೋಗುತ್ತಿದ್ದರು. 26 ಎಸೆತಗಳಲ್ಲಿ ಎರಡು ಬೌಂಡರಿ, ಒಂದು ಸಿಕ್ಸರ್​ನಿಂದ 29 ರನ್​ ಬಾರಿಸಿ ಸೂರ್ಯಕುಮಾರ್ ಆಡುತ್ತಿದ್ದರು.

ಇದನ್ನೂ ಓದಿ: ಕಿಶನ್, ಹೆಡ್​ ಮಿಂಚಿನ ಬ್ಯಾಟಿಂಗ್; ಹೈದ್ರಾಬಾದ್ ಬಿಗ್ ಟಾರ್ಗೆಟ್ ಮುಂದೆ ತಲೆ ಬಾಗಿದ ರಾಜಸ್ಥಾನ್​

ಈ ವೇಳೆ 11ನೇ ಓವರ್​ ಬೌಲಿಂಗ್ ಮಾಡಲು ಬಂದ ನೂರ್ ಅಹ್ಮದ್ ಮೊದಲ ಬೌಲ್ ಹಾಕಿದರು. ಇದರ ನಂತರ ಇನ್ನೊಂದು ಬಾಲ್ ಹಾಕಿದರು. ಇದನ್ನು ಸಿಕ್ಸರ್​ಗೆ ಬಾರಿಸಲು ಕ್ರೀಸ್​ ಲೈನ್​ ದಾಟಿ ಹೋದ ಸೂರ್ಯಕುಮಾರ್ ವಿಫಲವಾದರು. ಆದ್ರೆ ವಿಕೆಟ್ ಹಿಂದಿದ್ದ ಎಂ.ಎಸ್ ಧೋನಿ ಕೇವಲ 0.12 ಸೆಕೆಂಡ್ಸ್ (ಅಂದರೆ ಸೆಕೆಂಡ್​ನಲ್ಲಿ 12 ಸೆಕೆಂಡ್ಸ್ ಎನ್ನಬಹುದು​)​ ಒಳಗೆ ಸೂರ್ಯಕುಮಾರ್ ಅವರನ್ನು ಸ್ಟಂಪ್ ಔಟ್ ಮಾಡಿದ್ದಾರೆ. ಸೂರ್ಯ ಹಿಂದಿರುಗಿ ನೋಡದೇ ಬೇಸರಲ್ಲೇ ಪೆವಿಲಿಯನ್ ಅತ್ತ ನಡೆದರು.

ಸದ್ಯ ಎಂ.ಎಸ್ ಧೋನಿ ಸ್ಟಂಪ್ ಮಾಡಿರುವ ವಿಡಿಯೋ, ಫೋಟೋಗಳು ಎಲ್ಲೆಡೆ ವೈರಲ್ ಆಗುತ್ತಿದ್ದು, ಫ್ಯಾನ್ಸ್​ ಸೂಪರ್ ಫಾಸ್ಟ್ ಎಂದು ಕರೆಯುತ್ತಿದ್ದಾರೆ. ಇನ್ನು ಈ ಟೂರ್ನಿಯಲ್ಲಿ ಆಡುತ್ತಿರುವ ರೋಹಿತ್ ಶರ್ಮಾ ಮೊದಲ ಪಂದ್ಯದಲ್ಲೇ ಡಕೌಟ್ ಆಗಿದ್ದಾರೆ. ಹೀಗಾಗಿ ಮುಂಬೈ ಇಂಡಿಯನ್ಸ್ 20 ಓವರ್​ಗಳಲ್ಲಿ​ 9 ವಿಕೆಟ್​ಗಳಿಗೆ 155 ರನ್ ಮಾತ್ರ ಗಳಿಸಿದೆ.

best in the business thala ms Dhoni

Stumping in 0.12 seconds 🥵#MSDhoni𓃵#CSKvsMIpic.twitter.com/MFZR0voZ7y

— 𝐧𝐨𝐛𝐛𝐢𝐞𝐬𝐪𝐮𝐞² (@RibelRana07) March 23, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ