ಗೆಸ್ ಮಾಡಿ.. ಸಾಂತಾ ಕ್ಲಾಸ್​​ನಲ್ಲಿ ಇರುವ ಈ ಸ್ಟಾರ್ ಕ್ರಿಕೆಟ್ ದಿಗ್ಗಜ ಯಾರು..?

ವಿಶ್ವದದ್ಯಾಂತ ಕ್ರಿಸ್​ಮಸ್ ಅನ್ನು ಸಂಭ್ರಮದಿಂದ ಆಚರಣೆ ಮಾಡಲಾಗುತ್ತಿದೆ. ಸಾಂತಾ ಕ್ಲಾಸ್ ಡ್ರೆಸ್​ನಲ್ಲಿ ಕೆಲವರು ಮಕ್ಕಳು, ಜನರ ಜೊತೆ ಖುಷಿ ಖುಷಿಯಿಂದ ಈ ದಿನ ಕಳೆಯುತ್ತಿದ್ದಾರೆ. ಇದೇ ರೀತಿ ಟೀಮ್ ಇಂಡಿಯಾದ ಮಾಜಿ ನಾಯಕ, ಕೂಲ್ ಕ್ಯಾಪ್ಟನ್​ ಎಂದೇ ಖ್ಯಾತಿ ಪಡೆದಿರುವ ಮಹೇಂದ್ರ ಸಿಂಗ್ ಧೋನಿಯವರು ಸಾಂತಾ ಕ್ಲಾಸ್ ಡ್ರೆಸ್ ಧರಿಸಿ ಕುಟುಂಬಕ್ಕೆ ಸರ್ಪ್ರೈಸ್ ನೀಡಿದ್ದಾರೆ.

ಭಾರತದ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಮಾಜಿ ನಾಯಕ ಎಂ.ಎಸ್ ಧೋನಿಯವರು ತಮ್ಮ ಕುಟುಂಬದ ಜೊತೆ ಕ್ರಿಸ್​ಮಸ್ ಅನ್ನು ಸೆಲೆಬ್ರೆಷನ್ ಮಾಡಿದ್ದಾರೆ. ಕ್ರಿಕೆಟ್​​ನಿಂದ ನಿವೃತ್ತಿ ಪಡೆದ ಬಳಿಕ ಬಹುತೇಕ ಸಮಯವನ್ನು ಎಂ.ಎಸ್ ಧೋನಿ ತಮ್ಮ ಕುಟುಂಬದ ಜೊತೆ ಕಳೆಯುತ್ತಿದ್ದಾರೆ. ಸದ್ಯ ಧೋನಿ ಕ್ರಿಸ್​ಮಸ್​ ದಿನ ಸಾಂತಾ ಕ್ಲಾಸ್ ಬಟ್ಟೆಗಳನ್ನು ಹಾಕಿಕೊಂಡು ಹೆಂಡತಿ ಸಾಕ್ಷಿ, ಮಗಳು ಝೀವಾಗೆ ಸರ್ಪ್ರೈಸ್ ನೀಡಿದ್ದಾರೆ.

ಧೋನಿ ಸಾಂತಾ ಕ್ಲಾಸ್​ ರೀತಿ ಡ್ರೆಸ್​ ಧರಿಸಿ ಬಂದಾಗ ಮೊದಲು ಹೆಂಡತಿ, ಮಗಳು ಗುರುತಿಸಿಲ್ಲ. ಯಾರೋ ಆಗಿರಬಹುದು ಬಿಡು ಎಂದು ತಿಳಿದಿದ್ದರು. ಆದರೆ ಬಳಿಕ ಈ ವಿಷ್ಯ ಗೊತ್ತಾದ ಮೇಲೆ ತಬ್ಬಿಕೊಂಡು ಖುಷಿ ಪಟ್ಟಿದ್ದಾರೆ. ಧೋನಿ ಮನೆಯಲ್ಲಿ ಕ್ರಿಸ್​ಮಸ್ ಸೆಲೆಬ್ರೆಷನ್ ಮಾಡಲಾಗಿದ್ದು ಇದರಲ್ಲಿ ಬಾಲಿವುಡ್​ ಸ್ಟಾರ್ ನಟಿ ಕೃತಿ ಸನೋನ್ ಸೇರಿ ಇನ್ನು ಕೆಲವರು ಭಾಗವಹಿಸಿದ್ದಾರೆ.

ಇದನ್ನೂ ಓದಿ:ಬಾಕ್ಸಿಂಗ್ ಡೇ ಟೆಸ್ಟ್ ಎಂದರೇನು.. Ind vs Aus 4ನೇ ಪಂದ್ಯಕ್ಕೆ ಹೀಗೆ ಕರೆಯೋದು ಯಾಕೆ..?

ಈ ಸಂಬಂಧದ ಫೋಟೋಗಳನ್ನು ಸಾಕ್ಷಿ ಧೋನಿಯವರು ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಫೋಟೋಗಳು ಎಲ್ಲೆಡೆ ವೈರಲ್ ಆಗಿದ್ದು ಧೋನಿಯವರನ್ನು ಸಾಂತಾ ಕ್ಲಾಸ್​ನಲ್ಲಿ ನೋಡಿ ಆಭಿಮಾನಿಗಳು ಕೂಡ ಫುಲ್ ಶಾಕ್ ಆಗಿದ್ದಾರೆ. ಬಳಿಕ ಖುಷಿಯಿಂದ ಹ್ಯಾಪಿ ಕ್ರಿಸ್​ಮಸ್​ ಎಂದು ವಿಶ್ ಕೂಡ ಮಾಡುತ್ತಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ