ಅಂಬಾನಿ ಐಷಾರಾಮಿ ಮನೆಗೆ ಎಷ್ಟು ಸಾವಿರ ಕೋಟಿ ಖರ್ಚು? ತಿಂಗಳ ಕರೆಂಟ್​ ಬಿಲ್​ ಕೇಳಿದ್ರೆ ಶಾಕ್​ ಆಗ್ತೀರಾ!

ಮುಖೇಶ್ ಅಂಬಾನಿ ಎಂದರೆ ನಮಗೆ ಸಡನ್ ಆಗಿ ನೆನಪಾಗೋದು ಆಗರ್ಭ ಶ್ರೀಮಂತ ಎನ್ನುವುದು. ಇವರು ಇತ್ತೀಚೆಗಷ್ಟೇ ಇಡೀ ವಿಶ್ವವೇ ತಿರುಗಿ ನೋಡುವಂತೆ ತಮ್ಮ ಕಿರಿಯ ಮಗನ ವಿವಾಹ ಮಹೋತ್ಸವ ನೆರವೇರಿಸಿದರು. ಇವರು ಮುಂಬೈನಲ್ಲಿ ವಾಸಿಸುವ ಐಷಾರಾಮಿ ನಿವಾಸದ ಕರೆಂಟ್​ ಬಿಲ್​ ಅನ್ನು ಎಷ್ಟು ಕಟ್ಟುತ್ತಾರೆ ಎಂದು ಗೊತ್ತಾದರೆ ನೀವು ಒಮ್ಮೆ ಶಾಕ್ ಆಗೋದು ಪಕ್ಕಾ.

ಇದನ್ನೂ ಓದಿ:₹200 ಕೋಟಿಗೂ ಅಧಿಕ ಮೊತ್ತದ ದೇಣಿಗೆ ನೀಡಿದ ಹಳೆ ವಿದ್ಯಾರ್ಥಿ.. ಭಾರತದ ಇತಿಹಾಸದಲ್ಲೇ ಹೊಸ ದಾಖಲೆ!

ಮುಂಬೈನಲ್ಲಿರುವ 27 ಅಂತಸ್ತಿನ ಐಷಾರಾಮಿ ಮನೆಯಾದ ಆಂಟಿಲಿಯಾದಲ್ಲಿ ಮುಖೇಶ್ ಅಂಬಾನಿ ಫ್ಯಾಮಿಲಿ ಇರುತ್ತದೆ. ಈ 27 ಮಹಡಿ ಬಿಲ್ಡಿಂಗ್ ವಾಸ್ತುಶಿಲ್ಪ ಅದ್ಭುತ ಎನ್ನುತ್ತಾರೆ. ಏಕೆಂದರೆ ಇದರಲ್ಲಿ 3 ಹೆಲಿಪ್ಯಾಡ್​ ಸೇರಿದಂತೆ 168 ಕಾರುಗಳನ್ನು ಒಮ್ಮೆಗೆ ಪಾರ್ಕ್​ ಮಾಡಬಹುದು. ಸ್ವಿಮ್ಮಿಂಗ್ ಪೂಲ್, ಸ್ಪಾ, ಹೆಲ್ತ್​ ಕೇರ್, ದೇವಾಲಯ, ಟೆರೇಸ್​ ಗಾರ್ಡನ್, ಲೆಕ್ಕವಿಲ್ಲದಷ್ಟು ದೊಡ್ಡ ಎಲಿವೇಟರ್‌ಗಳು ಹಾಗೂ ಮನಸ್ಸಿಗೆ ಮುದ ನೀಡುವ ಥಿಯೇಟರ್ ಇದೆ. 1.120 ಎಕರೆಯಷ್ಟು ವ್ಯಾಪಿಸಿದ ಆಂಟಿಲಿಯಾ ಒಳಾಂಗಣ ವಿನ್ಯಾಸ ಸೂರ್ಯ ಹಾಗೂ ಕಮಲದಿಂದ ಪ್ರೇರಿತವಾಗಿದೆ. ಈ ಸುಂದರ ಮಹಲಿನಂತ ಕಟ್ಟಡದಲ್ಲಿ ಯಾವುದೇ ಒಂದು ರೂಮ್​ ಇನ್ನೊಂದು ರೂಮ್​ನಂತೆ ಇಲ್ಲ. ಎಲ್ಲವೂ ಭಿನ್ನ, ವಿಭಿನ್ನವಾಗಿ ಆಕರ್ಷಣೆಯಾಗಿ, ಆಂತರಿಕ ವಿನ್ಯಾಸ ಹೊಂದಿವೆ.

600 ಕಾರ್ಮಿಕರು ಇದನ್ನು ನೋಡಿಕೊಳ್ತಾರೆ, ಇವರ ಸ್ಯಾಲರಿ?

ಆಂಟಿಲಿಯಾವನ್ನು 2006ರಿಂದ 2010ರವರೆಗೆ 15,000 ಕೋಟಿ ರೂಪಾಯಿಗಳ ವೆಚ್ಚದಲ್ಲಿ ಬಹು ಆಕರ್ಷಣೆಯಾಗಿ ನಿರ್ಮಾಣ ಮಾಡಲಾಗಿದೆ. 8 ರಷ್ಟು ತೀವ್ರತೆಯ ಭೂಕಂಪ ತಡೆದುಕೊಳ್ಳುವ ಸಾಮರ್ಥ್ಯ ಹೊಂದಿದೆ. ಅಂದರೆ ಸಾಮಾನ್ಯ ಭೂಕಂಪವಾದರೆ ಈ ಕಟ್ಟಡ ಅಲುಗಾಡುವುದಿಲ್ಲ. ಇಷ್ಟೆಲ್ಲ ವಿಶೇಷತೆ ಹೊಂದಿರುವ ಅದ್ಭುತ ಆಂಟಿಲಿಯಾ ಕಟ್ಟಡದ ಇನ್ನೊಂದು ಅಚ್ಚರಿ ಸಂಗತಿ ಎಂದರೆ ಒಟ್ಟು 600 ಕಾರ್ಮಿಕರು ಇದನ್ನ ನಿತ್ಯ ಸುಂದರವಾಗಿ ಇರುವಂತೆ ನೋಡಿಕೊಳ್ಳುತ್ತಾರೆ. ಹೀಗಾಗಿಯೇ ಪ್ರತಿಯೊಬ್ಬರಿಗೂ ತಿಂಗಳಿಗೆ 1.5 ರಿಂದ 2 ಲಕ್ಷ ರೂ.ಗಳವರೆಗೆ ಸ್ಯಾಲರಿ ನೀಡಲಾಗುತ್ತಿದೆ.

ಇದನ್ನೂ ಓದಿ: ಅಬ್ಬಾ.. ನಿಶ್ಚಿತಾರ್ಥಕ್ಕೆ ಆನ್​ಲೈನ್​ನಲ್ಲಿ ಫುಡ್​ ಆರ್ಡರ್ ಮಾಡಿದ ನವಜೋಡಿ.. ನೆಟ್ಟಿಗರು ಫುಲ್ ಶಾಕ್‌!

ಇದನ್ನೂ ಓದಿ: ಅನುಮಾನಾಸ್ಪದ ರೀತಿಯಲ್ಲಿ ಖ್ಯಾತ ಸಿನಿಮಾ ಡೈರೆಕ್ಟರ್ ಸಾವು.. ಇದು ಆತ್ಮ*ತ್ಯೆಯೋ, ಕೊಲೆಯೋ?

ಈ ಆಂಟಿಲಿಯಾಕ್ಕೆ ಹೈಟೆನ್ಷನ್ ಕರೆಂಟ್ ಕನೆಕ್ಷನ್ ಇದೆ. ಹೀಗಾಗಿ ಭಾರೀ ಮೊತ್ತದಲ್ಲಿ ತಿಂಗಳಿಗೆ ಲಕ್ಷ ಲಕ್ಷ ಕರೆಂಟ್​ ಅನ್ನು ಅಂಬಾನಿ ಫ್ಯಾಮಿಲಿ ಪಾವತಿ ಮಾಡುತ್ತಿದೆ. ಮುಂಬೈಯಲ್ಲಿನ 7000 ಮಿಡಲ್​ ಕ್ಲಾಸ್​ ಫ್ಯಾಮಿಲಿಗಳು ಬಳಕೆ ಮಾಡುವಷ್ಟು ಕರೆಂಟ್ ಅನ್ನು ಈ ಒಂದು ಆಂಟಿಲಿಯಾ ಬೀಲ್ಡಿಂಗ್​ಗೆ ಬಳಕೆ ಮಾಡಲಾಗುತ್ತಿದೆ. ಪ್ರತಿ ತಿಂಗಳು ಸುಮಾರು 6,37,240 ಯೂನಿಟ್ ವಿದ್ಯುತ್ ಅನ್ನು ಇದಕ್ಕೆ ಬಳಸಲಾಗುತ್ತಿದೆ. ಹೀಗಾಗಿ ತಿಂಗಳಿಗೆ ಸುಮಾರು 70 ಲಕ್ಷ ರೂಪಾಯಿಗಳಷ್ಟು ಕರೆಂಟ್​ ಬಿಲ್​ ಅನ್ನು ಅಂಬಾನಿ ಫ್ಯಾಮಿಲಿ ಪಾವತಿ ಮಾಡುತ್ತಿದೆ. ಇದು ಕೆಲವೊಮ್ಮೆ ಇನ್ನೂ ಹೆಚ್ಚಾಗಿರುತ್ತದೆ ಎಂದು ಕೆಲವೊಮ್ಮೆ ಹೇಳಲಾಗುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ