2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್​​​ ಸೀಸನ್

ವರ್ಷದ ಕೊನೆಗೆ 2025ರ ಐಪಿಎಲ್​​ ಮೆಗಾ ಆಕ್ಷನ್​​!

ಮುಂಬೈ ಇಂಡಿಯನ್ಸ್​ ಮುಂದಿನ ಕ್ಯಾಪ್ಟನ್​ ಯಾರು?

2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್​​​ ಸೀಸನ್​​ಗೆ ಈಗಿನಿಂದಲೇ ಭರ್ಜರಿ ತಯಾರಿ ನಡೆಯುತ್ತಿದೆ. ಈ ವರ್ಷದ ಕೊನೆಗೆ 2025ರ ಐಪಿಎಲ್​​ ಮೆಗಾ ಆಕ್ಷನ್​​ ನಡೆಯಲಿದೆ. ಎಲ್ಲಾ ಫ್ರಾಂಚೈಸಿಗಳಿಗೂ ಕ್ಯಾಪ್ಟನ್​ ಸೇರಿ ನಾಲ್ವರು ಆಟಗಾರರನ್ನು ಮಾತ್ರ ರೀಟೈನ್​​ ಮಾಡಿಕೊಳ್ಳುವ ಅವಕಾಶ ಇದೆ. ಹಾಗಾಗಿ ರೋಹಿತ್​ ಶರ್ಮಾ ಮುಂಬೈ ಇಂಡಿಯನ್ಸ್​​ನಲ್ಲೇ ಇರ್ತಾರಾ ಇಲ್ಲವೋ? ಅನ್ನೋ ಚರ್ಚೆ ಜೋರಾಗಿದೆ.

ಇನ್ನು, ಈ ಬಗ್ಗೆ ಟೀಮ್​ ಇಂಡಿಯಾದ ಸ್ಟಾರ್​ ಪ್ಲೇಯರ್​​ ಮೊಹಮ್ಮದ್​ ಶಮಿ ಮಾತಾಡಿದ್ದಾರೆ. ರೋಹಿತ್​ ಶರ್ಮಾ ಮುಂಬೈ ಇಂಡಿಯನ್ಸ್​​ನಲ್ಲಿ ಮುಂದಿನ ಸೀಸನ್​​​ಗೆ ಇರ್ತಾರಾ? ಎಂಬ ಪ್ರಶ್ನೆಗೆ ಶಮಿ ಉತ್ತರ ಹೀಗಿತ್ತು. ಅದು ಮುಂಬೈ ಇಂಡಿಯನ್ಸ್​ ಫ್ರಾಂಚೈಸಿ ನಿರ್ಧಾರ ಎಂದು ಉತ್ತರ ಕೊಟ್ಟರು.

ಕಳೆದ ಸಲ ಹಾರ್ದಿಕ್​ ಪಾಂಡ್ಯ ಕ್ಯಾಪ್ಟನ್​ ಆಗಿದ್ರು. ಈ ಸಲ ಕೂಡ ಹಾರ್ದಿಕ್​ ಅವರೇ ಮುಂಬೈ ಇಂಡಿಯನ್ಸ್​ ತಂಡವನ್ನು ಮುನ್ನಡೆಸಲಿದ್ದಾರೆ. ರೋಹಿತ್​ ಶರ್ಮಾ ಅವರನ್ನು ಉಳಿಸಿಕೊಳ್ಳಬೇಕಾ? ಬೇಡವೇ? ಅನ್ನೋದು ಫ್ರಾಂಚೈಸಿ ನಿರ್ಧಾರ. ಫ್ರಾಂಚೈಸಿಗಳು ಆಟಗಾರರ ಫ್ಯಾನ್​ ಬೇಸ್​ ನೋಡುತ್ತವೆ. ಯಾವಾಗಲೂ ಆಟಗಾರನ ಬಗ್ಗೆ ಯೋಚನೆ ಮಾಡುತ್ತವೆ. ಮುಂಬೈ ಇಂಡಿಯನ್ಸ್​​ ಮೈನ್​ ಬೇಸ್​ ರೋಹಿತ್​ ಶರ್ಮಾ ಫ್ಯಾನ್ಸ್​. ಹಾಗಾಗಿ ರೋಹಿತ್​ ಮತ್ತೆ ಮುಂಬೈ ಕ್ಯಾಪ್ಟನ್​ ಆಗಬಹುದು ಎಂದರು.

ಏನಿದು ವಿವಾದ..?

ರೋಹಿತ್​ ಶರ್ಮಾ ಕ್ಯಾಪ್ಟನ್ಸಿಯಲ್ಲಿ ಮುಂಬೈ ಇಂಡಿಯನ್ಸ್​ ಐದು ಬಾರಿ ಕಪ್​ ಗೆದ್ದಿದೆ. ಈ ಮುಂಬೈ ಇಂಡಿಯನ್ಸ್​​ಗೆ ಹೊಸ ಕ್ಯಾಪ್ಟನ್​​ ಹಾರ್ದಿಕ್​ ಪಾಂಡ್ಯ. ಒಂದು ಸೀಸನ್​​ನಲ್ಲಿ ಕಪ್​ ಗೆಲ್ಲಿಸಿ, ಮತ್ತೊಂದು ಸೀಸನ್​​ನಲ್ಲಿ ಗುಜರಾತ್​ ಟೈಟನ್ಸ್​ ತಂಡವನ್ನು ಫೈನಲ್​ಗೆ ಕರೆದೊಯ್ದಿದ್ದಕ್ಕೆ ಹಾರ್ದಿಕ್​ ಪಾಂಡ್ಯಗೆ ಮುಂಬೈ ಇಂಡಿಯನ್ಸ್​ಗೆ ಕರೆಸಿ ಕ್ಯಾಪ್ಟನ್ಸಿ ನೀಡಲಾಯ್ತು. ಹಾರ್ದಿಕ್​ ಪಾಂಡ್ಯಗಾಗಿ ರೋಹಿತ್​ಗೆ ಕ್ಯಾಪ್ಟನ್ಸಿಯಿಂದ ಕೊಕ್​ ಕೊಡಲಾಗಿತ್ತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ