IPL Mega Auction; ಅದೃಷ್ಟ ಲಕ್ಷ್ಮಿ.. ರೋಹಿತ್ ಟೀಮ್ ಸೇರಿದ ಧೋನಿಯ ನೆಚ್ಚಿನ ಬೌಲರ್!

ಐಪಿಎಲ್ 2025 ರ ಮೆಗಾ ಹರಾಜಿನಲ್ಲಿ 2ನೇ ದಿನವು ರೋಮಾಂಚಕ ಬಿಡ್ಡಿಂಗ್ ವಾರ್‌ ನಡೆದಿದೆ. ಈವೆಂಟ್‌ನಲ್ಲಿ ಬಲಗೈ ವೇಗಿ ದೀಪಕ್ ಚಹರ್ ಅವರು ಮುಂಬೈ ಇಂಡಿಯನ್ಸ್‌ ತಂಡದ ಪಾಲಾಗಿದ್ದಾರೆ. ಆಕ್ಷನ್​ ವೇಳೆ ಮುಂಬೈ ಇಂಡಿಯನ್ಸ್ ಮತ್ತು ಪಂಜಾಬ್ ಕಿಂಗ್ಸ್ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು. ಐಪಿಎಲ್‌ನಲ್ಲಿ ಅಗ್ರ ವೇಗಿಗಳಲ್ಲಿ ಒಬ್ಬರಾಗಿರುವ ದೀಪಕ್ ಚಹರ್ ಅವರು ಉತ್ತಮವಾದ ಹಣವನ್ನೇ ಪಡೆದುಕೊಂಡಿದ್ದಾರೆ.

ದೀಪಕ್ ಚಹರ್ ಅವರು 2 ಕೋಟಿ ಮೂಲ ಬೆಲೆಯೊಂದಿಗೆ ತಮ್ಮ ಹೆಸರನ್ನು ನೋಂದಾಯಿಸಿದ್ದರು. ವೇಗದ ಬೌಲರ್​ಗಾಗಿ ಪೈಪೋಟಿಗೆ ಬಿದ್ದ ಮುಂಬೈ ಇಂಡಿಯ್ಸ್​ ಟೀಮ್ 9.25 ಕೋಟಿ ರೂಪಾಯಿ ನೀಡಿ ಕೊಂಡುಕೊಂಡಿದೆ. ಈ ಹಿಂದೆ ಚೆನ್ನೈ ಸೂಪರ್ ಕಿಂಗ್ಸ್‌ನ ಪ್ರಮುಖ ವೇಗದ ಬೌಲರ್​ಗಳಲ್ಲಿ ಒಬ್ಬರಾಗಿದ್ದ ದೀಪಕ್ ಚಹರ್ ಸದ್ಯ ಮುಂಬೈ ಕ್ಯಾಂಪ್ ಅನ್ನು ಸೇರ್ಪಡೆಗೊಂಡಿದ್ದಾರೆ. ಪಂಜಾಬ್ ಕಿಂಗ್ಸ್ ಜೊತೆಗೆ ಜಿದ್ದಿಗೆ ಬಿದ್ದು ಮುಂಬೈ ಇಂಡಿಯನ್ಸ್ ಖರೀದಿ ಮಾಡಿದೆ.

ಇದನ್ನೂ ಓದಿ:IPL Auction; ಓರ್ವ ಕನ್ನಡಿಗ, ಮಹಾರಾಷ್ಟ್ರದ ಈ ಪ್ಲೇಯರ್​ ಅನ್​ಸೋಲ್ಡ್​

ಚಹರ್‌ಗಾಗಿ ಬಿಡ್ಡಿಂಗ್ ಜೋರಾಗಿ ನಡೆದಿತ್ತು. ಪಂಜಾಬ್ ಕಿಂಗ್ಸ್ ಆರಂಭದಲ್ಲಿ ಆಸಕ್ತಿ ತೋರಿಸಿ 8 ಕೋಟಿ ರೂ.ವರೆಗೆ ಹರಾಜು ಕೂಗಿತು. ಈ ವೇಳೆ ಚೆನ್ನೈ ಸೂಪರ್ ಕಿಂಗ್ಸ್ ಕೂಡ ಕೆಲವು ಸಲ ಬಿಡ್‌ ಮಾಡಿತು. ಆದರೆ ಅಂತಿಮವಾಗಿ ಮುಂಬೈ ಇಂಡಿಯನ್ಸ್‌ಗೆ ಹರಾಜಿನಲ್ಲಿ ಗೆಲುವು ಪಡೆಯಿತು. ಒಟ್ಟು ₹9.25 ಕೋಟಿ ನೀಡಿ ದೀಪಕ್ ಚಹರ್ ಅವರನ್ನು ಖರೀದಿ ಮಾಡಿತು. ಚೆನ್ನೈನಲ್ಲಿ ಇರುವಾಗ ಧೋನಿಯ ನೆಚ್ಚಿನ ಬೌಲರ್​ಗಳಲ್ಲಿ ದೀಪಕ್ ಚಹರ್ ಕೂಡ ಒಬ್ಬರಾಗಿದ್ದರು.

ದೀಪಕ್ ಚಹರ್ ಅವರು ಐಪಿಎಲ್​ನಲ್ಲಿ ಒಟ್ಟು 81 ಪಂದ್ಯಗಳನ್ನು ಆಡಿದ್ದು 77 ವಿಕೆಟ್‌ಗಳನ್ನ ಉರುಳಿಸಿದ್ದಾರೆ. ಕಳೆದ ಬಾರಿ ಚೆನ್ನೈ ಟೀಮ್​​ನಲ್ಲಿ ಗಾಯದ ನಡುವೆಯೂ ಉತ್ತಮವಾದ ಪ್ರದರ್ಶನ ನೀಡಿದ್ದರು. ಚೆಂಡನ್ನು ಎರಡೂ ರೀತಿಯಲ್ಲಿ ಸ್ವಿಂಗ್ ಮಾಡುವ ಸಾಮರ್ಥ್ಯ ದೀಪಕ್ ಚಹರ್​ಗಿದೆ. ವಿಶೇಷವಾಗಿ ಪವರ್‌ ಪ್ಲೇನಲ್ಲಿ ದೀಪಕ್ ಚಹರ್ ತಂಡಕ್ಕೆ ಉತ್ತಮವಾದ ಕೊಡುಗೆ ನೀಡಬಲ್ಲರು. ರಾಜಸ್ಥಾನ ರಾಯಲ್ಸ್​ನಲ್ಲಿಯು ದೀಪಕ್ ಬೌಲ್ ಮಾಡಿದ್ದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ