ಆಲ್​ರೌಂಡರ್​ಗೆ ಬಿಗ್ ಶಾಕ್; IPLಗೆ ಬಂದಿದ್ದಕ್ಕೆ ಮುಂಬೈ ತಂಡದ ಪ್ಲೇಯರ್​​ ಬ್ಯಾನ್!

ಇಂಡಿಯನ್ ಪ್ರೀಮಿಯರ್​ ಲೀಗ್ ಗ್ರ್ಯಾಂಡ್ ಆಗಿ ಓಪನಿಂಗ್ ಪಡೆದು ಯಶಸ್ವಿಯಾಗಿ ಸಾಗುತ್ತಿದೆ. ಭಾರತದಲ್ಲಿ ಐಪಿಎಲ್ ಆರಂಭವಾಗಿ ಕೆಲವು ದಿನಗಳು ಕಳೆದಿವೆ. ಇದೇ ಸಮಯದಲ್ಲಿ ಪಾಕ್​ನಲ್ಲೂ 2025ರ ಪಾಕಿಸ್ತಾನ್ ಸೂಪರ್ ಲೀಗ್ (ಪಿಎಸ್​ಎಲ್​) ಏಪ್ರಿಲ್​ 11 ರಿಂದ ಕಿಕ್ ಸ್ಟಾರ್ಟ್​ ಪಡೆದುಕೊಂಡಿದೆ. ಇದರ ಮಧ್ಯೆ ಪಿಎಸ್​ಎಲ್​ನಿಂದ ಐಪಿಎಲ್​ಗೆ ಬಂದಿರುವ ಆಲ್​ರೌಂಡರ್​ ಒಬ್ಬರನ್ನು ಪಾಕಿಸ್ತಾನ ಕ್ರಿಕೆಟ್​ ಬೋರ್ಡ್​ ಬ್ಯಾನ್ ಮಾಡಿದೆ.

ದಕ್ಷಿಣ ಆಫ್ರಿಕಾದ ಆಲ್​ರೌಂಡರ್ ಕಾರ್ಬಿನ್ ಬಾಷ್ (Corbin Bosch) ಅವರು ಪಿಎಸ್​ಎಲ್​ಗೆ ಗುಡ್​ಬೈ ಹೇಳಿ ಇಂಡಿಯನ್​ ಪ್ರೀಮಿಯರ್ ಲೀಗ್​ಗೆ ಎಂಟ್ರಿ ಕೊಟ್ಟಿದ್ದಾರೆ. ಮುಂಬೈ ಇಂಡಿಯನ್ಸ್​ ತಂಡದಲ್ಲಿದ್ದ ಸೌತ್ ಆಫ್ರಿಕಾದ ಪೇಸ್ ಬೌಲರ್​ ಲಿಜಾಡ್ ವಿಲಿಯಮ್ಸ್ ಇಂಜುರಿಗೆ ಒಳಗಾಗಿದ್ದಾರೆ. ಹೀಗಾಗಿ ಲಿಜಾಡ್ ಇಂಜುರಿಯಿಂದ ಖಾಲಿ ಆಗಿದ್ದ ಸ್ಥಾನಕ್ಕೆ ​ಬದಲಿ ಆಟಗಾರನಾಗಿ ಕಾರ್ಬಿನ್ ಬಾಷ್​​ಗೆ ಸ್ಥಾನ ನೀಡಲಾಗಿದೆ.

ಇದನ್ನೂ ಓದಿ:IPLನಲ್ಲಿ ಒಬ್ಬೊಬ್ಬರಿಗೆ ಒಂದೊಂದು ನ್ಯಾಯ.. ಯಂಗ್ ಪ್ಲೇಯರ್​​ಗೆ ಬ್ಯಾನ್​ ಭೀತಿನಾ?

2025ರ ಪಿಎಸ್​ಎಲ್​ನ ಮೆಗಾ ಆಕ್ಷನ್ ವೇಳೆ​ ಕಾರ್ಬಿನ್ ಬಾಷ್ ಅವರನ್ನು ಡೈಮೆಂಡ್​ ವಿಭಾಗದಲ್ಲಿ ಬಾಬರ್ ಅಜಮ್​ ನೇತೃತ್ವದ ಪೇಶಾವರ್ ಝಲ್ಮಿ ತಂಡದ ಫ್ರಾಂಚೈಸಿ ಖರೀದಿ ಮಾಡಿತ್ತು. ಆದರೆ ಕಾರ್ಬಿನ್ ಬಾಷ್, ಪಿಎಸ್​ಎಲ್​ನ ನಿಯಮಗಳನ್ನು ಗಾಳಿಗೆ ತೂರಿ ಐಪಿಎಲ್​ನ ಮುಂಬೈ ತಂಡವನ್ನು ಸೇರಿಕೊಂಡಿದ್ದಾರೆ ಎಂದು ಹೇಳಲಾಗಿದೆ.

ಇದರಿಂದ ಬೇಸರಗೊಂಡಿರುವ ಪಾಕಿಸ್ತಾನ್ ಕ್ರಿಕೆಟ್​ ಬೋರ್ಡ್​ ಕಾರ್ಬಿನ್ ಬಾಷ್​ಗೆ ಒಂದು ವರ್ಷದವರೆಗೆ ಬ್ಯಾನ್ ಮಾಡಿದೆ. ಅಂದರೆ ಮುಂದಿನ ವರ್ಷದ ಪಿಎಸ್​ಎಲ್​ನಲ್ಲಿ ಬಾಷ್​ ಆಯ್ಕೆಗೆ ಅನರ್ಹರು ಎಂದು ಹೇಳಿದೆ. ಇನ್ನು ಈ ಮಾಹಿತಿ ತಿಳಿಯುತ್ತಿದ್ದಂತೆ ಬಾಷ್​ ಅವರು ಪಾಕಿಸ್ತಾನ್ ಕ್ರಿಕೆಟ್​ ಬೋರ್ಡ್​ಗೆ ಹಾಗೂ ಬಾಬರ್ ಅಜಮ್​ ನೇತೃತ್ವದ ಪೇಶಾವರ್ ಝಲ್ಮಿ ತಂಡದ ಅಭಿಮಾನಿಗಳಿಗೆ ಕ್ಷಮೆಯಾಚನೆ ಮಾಡಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ