‘ನನ್ನ ಅವಧಿ ಮುಗಿದಿದೆ..’ ಡೊನಾಲ್ಡ್​ ಟ್ರಂಪ್​ಗೆ ಬಿಗ್ ಶಾಕ್ ಕೊಟ್ಟ ಎಲೊನ್ ಮಸ್ಕ್​..!

ಟೆಸ್ಲಾ ಮತ್ತು ಸ್ಪೇಸ್‌ಎಕ್ಸ್ ಮುಖ್ಯಸ್ಥ (Tesla and SpaceX CEO) ಎಲೋನ್ ಮಸ್ಕ್ ಅವರು, ಟ್ರಂಪ್ ಸರ್ಕಾರದ ಸೇವೆಯಿಂದ ಹೊರ ಬರುತ್ತಿರೋದಾಗಿ ಘೋಷಣೆ ಮಾಡಿದ್ದಾರೆ. ಅಮೆರಿಕ ಸರ್ಕಾರದಲ್ಲಿ ವಿಶೇಷ ಸರ್ಕಾರಿ ಉದ್ಯೋಗಿಯಾಗಿ (SGI: pecial government employee) ನನ್ನ 130 ದಿನಗಳ ಅವಧಿ ಕೊನೆಗೊಳ್ಳುತ್ತಿದೆ. ಅವಕಾಶ ನೀಡಿದ್ದಕ್ಕಾಗಿ ಟ್ರಂಪ್​​ಗೆ ಧನ್ಯವಾದಗಳು ಎಂದು ಮಸ್ಕ್​ ಟ್ವೀಟಿಸಿದ್ದಾರೆ.

ಮಸ್ಕ್​ ಕೆಲಸ ಏನಾಗಿತ್ತು..?

ಅಲ್ಲಿನ ಸರ್ಕಾರಿ ದಕ್ಷತೆ ಇಲಾಖೆ (DOGE) ಆಡಳಿತಾತ್ಮಕವಾಗಿ ಬದಲಾಗುತ್ತಿರುತ್ತದೆ. ಅದರಲ್ಲಿ ಟ್ರಂಪ್​ಗೆ ಉನ್ನತ ಸಲಹೆಗಾರನಾಗಿ ಮಸ್ಕ್​ ಸೇವೆ ಸಲ್ಲಿಸುತ್ತಿದ್ದರು. ಮಸ್ಕ್‌ಗೆ ಸರ್ಕಾರಿ ವೆಚ್ಚವನ್ನು ಕಡಿತಗೊಳಿಸುವ ಮತ್ತು ದಕ್ಷತೆಯನ್ನು ಹೆಚ್ಚಿಸುವ ಜವಾಬ್ದಾರಿ ನೀಡಲಾಗಿತ್ತು. ವಿದೇಶಿ ನೆರವು ಮತ್ತು ಸಾರ್ವಜನಿಕ ಪ್ರಸಾರದ ಮೇಲಿನ ವೆಚ್ಚವನ್ನು ಕಡಿಮೆ ಮಾಡಲು ಮಸ್ಕ್​ ಸಲಹೆಗಳನ್ನು ನೀಡ್ತಿದ್ದರು. ಆ ಮೂಲಕ ಮಸ್ಕ್, ಟ್ರಂಪ್ ಸರ್ಕಾರದಲ್ಲಿ ಅಧಿಕಾರದ ವ್ಯವಸ್ಥೆಯನ್ನು ಸುವ್ಯವಸ್ಥೆಗೊಳಿಸಲು ಪ್ರಯತ್ನಿಸುತ್ತಿದ್ದರು.

ಇದನ್ನೂ ಓದಿ: RCB vs PBKS: ಇಂದು ಫೈನಲ್​​ಗೆ ಎಂಟ್ರಿ ನೀಡೋ ತಂಡ ಯಾವುದು..? ಹೇಗಿದೆ ಪಿಚ್​..?

ಅಮೆರಿಕ ಸರ್ಕಾರದಲ್ಲಿ ಅನಾವಶ್ಯಕ ಖರ್ಚು ಕಡಿಮೆ ಮಾಡಲು ಅವಕಾಶ ನೀಡಿದ್ದಕ್ಕಾಗಿ ಅಧ್ಯಕ್ಷ ಟ್ರಂಪ್​ಗೆ ಧನ್ಯವಾದ ಹೇಳಲು ಬಯಸುತ್ತೇನೆ. DOGE ಮಿಷನ್ ಕಾಲಾನಂತರದಲ್ಲಿ ಬಲಗೊಳ್ಳುತ್ತದೆ ಎಂದು ಟ್ವೀಟ್ ಮಾಡಿದ್ದಾರೆ. ಟ್ರಂಪ್ ಸರ್ಕಾರದ ಒನ್ ಬಿಗ್ ಬ್ಯೂಟಿಫುಲ್ ಬಿಲ್ ಆ್ಯಕ್ಟ್​ (One Big Beautiful Bill Act) ಅನ್ನು ಮಸ್ಕ್​ ಟೀಕಿಸಿದ್ದರು. ಬೆನ್ನಲ್ಲೇ ಇಂತಹ ನಿರ್ಧಾರ ಹೊರಬಿದ್ದಿದ್ದು, ಭಾರೀ ಚರ್ಚೆಗೆ ಕಾರಣವಾಗಿದೆ.

ಟ್ರಂಪ್ ಸರ್ಕಾರದ ಬಿಗ್ ಬ್ಯೂಟಿಫುಲ್ ಮಸೂದೆಯು ಬಹು-ಟ್ರಿಲಿಯನ್ ಡಾಲರ್ ತೆರಿಗೆ ವಿನಾಯಿತಿಗಳು, ರಕ್ಷಣಾ ವೆಚ್ಚದಲ್ಲಿ ಭಾರೀ ಹೆಚ್ಚಳ ಮತ್ತು ವಲಸೆ ನಿಯಂತ್ರಣ ಕ್ರಮಗಳಿಗೆ ಸಂಬಂಧಿಸಿದ ವೆಚ್ಚಗಳನ್ನು ಒಳಗೊಂಡಿದೆ. ಈ ಮಸೂದೆಯು DOGEನ ಕೆಲಸವನ್ನು ದುರ್ಬಲಗೊಳಿಸುತ್ತದೆ ಅಂತಾ ಮಸ್ಕ್​ ಟೀಕಿಸಿದ್ದರು. ಮಸ್ಕ್ ನಿರ್ಧಾರವನ್ನು ರಿಪಬ್ಲಿಕನ್​ನ ಕೆಲವು ನಾಯಕರು ಬೆಂಬಲಿಸಿದ್ದಾರೆ.

ಇದನ್ನೂ ಓದಿ: Qualifier-1: ಬೆಂಗಳೂರು ತಂಡ ಸಂಪೂರ್ಣ ಬದಲಾಗಲಿದೆಯೇ..? RCB ಸಂಭಾವ್ಯ ಪ್ಲೇಯಿಂಗ್ 11 ಪಟ್ಟಿ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ