ಮೈಸೂರು ಚಾಮುಂಡಿ ದೇವಿಯ ಸೀರೆಗಳ ಕಳ್ಳತನ ಆರೋಪ; ನಾಡದೇವತೆ ಸನ್ನಿಧಿಯಲ್ಲಿ ಹೊಸ ಸಂಚಲನ

ನಾಡ ಅಧಿದೇವತೆ ಚಾಮುಂಡಿ ತಾಯಿಯ ಸನ್ನಿಧಾನದಲ್ಲಿ ಅವ್ಯವಹಾರ ಸದ್ದು ಮಾಡ್ತಿದೆ. ದೇವರ ಸೀರೆಗೆ ಕನ್ನ ಹಾಕಿದೆ ಆರೋಪ ಕೇಳಿ ಬಂದಿದೆ. ಈ ಬಗ್ಗೆ ಸಾಮಾಜಿಕ ಹೋರಾಟಗಾರರು ದೂರು ಸಲ್ಲಿಸಿದ್ದಾರೆ. ನಾಡಿನ ಅಧಿದೇವತೆ ಎಂದರೆ ಕೇವಲ ರಾಜ್ಯ, ಜಿಲ್ಲೆಯವರಿಗಷ್ಟೇ ಅಲ್ಲದೇ ಹೊರ ರಾಜ್ಯ, ವಿದೇಶಗರಿಗೂ ಭಕ್ತಿ-ಪ್ರೀತಿ. ತಮ್ಮ ಇಷ್ಟಾರ್ಥ ಸಿದ್ಧಿಗಾಗಿ ಹರಕೆ ಕಟ್ಟಿಕೊಳ್ಳೋದು ಸರ್ವೆ-ಸಾಮಾನ್ಯ.

ಇದನ್ನೂ ಓದಿ: ಮೆಹಂದಿ ಮಾಸುವ ಮುನ್ನವೇ ಶೂಟಿಂಗ್​ ಸೆಟ್​ಗೆ ಬಂದ ಚಿನ್ನುಮರಿ ಜಾಹ್ನವಿ; ಫ್ಯಾನ್ಸ್​ ಫುಲ್​ ಖುಷ್

ತಮ್ಮ ಕಷ್ಟ ಕಾರ್ಪಣ್ಯ ದೂರವಾದಾಗ ಹರಕೆಗಳನ್ನ ಈಡೇರಿಸುವುದೂ ರೂಢಿ-ಸಂಪ್ರದಾಯ. ಭಕ್ತರು ಸಲ್ಲಿಸಿದ ಹರಕೆ ದೇವರ ಪಾಲಾಗ್ತಿದೆಯೋ.. ಅಥವಾ ಚಾಮುಂಡೇಶ್ವರಿ ಕಾರ್ಯದರ್ಶಿ ಪಾಲಾಗ್ತಿದೆಯೋ ಅನ್ನೋ ಅನುಮಾನ ಈ ವಿಡಿಯೋ ನೋಡಿದ ಭಕ್ತರಿಗೆ ಮೂಡ್ದೆ ಇರಲ್ಲ. ಚಾಮುಂಡೇಶ್ವರಿ ಬೆಟ್ಟದ ಕಾರ್ಯದರ್ಶಿ ರೂಪಾ, ನಾಡ ಅಧಿದೇವತೆಗೆ ಉಡಿಸುವ ಸೀರೆಗಳನ್ನ ಕದ್ದೊಯ್ಯುತ್ತಿದ್ದಾರೆ ಅಂತ ಹೋರಾಟಗಾರ ಸ್ನೇಹಮಯಿ‌ ಕೃಷ್ಣ ಮೈಸೂರಿನ ಕೆ.ಆರ್.ಠಾಣೆಯಲ್ಲಿ ದೂರು ಸಲ್ಲಿಸಿದ್ದು, ತಪ್ಪಿತಸ್ಥರ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿದ್ದಾರೆ.

ಆದರೆ, ಇದೆಲ್ಲಾ ಸುಳ್ಳು.. ಇದು ಪಿತೂರಿ. ಎಲ್ಲಾ ಕಡೆ ಸಿಸಿಟಿವಿ ಇದೆ. ಯಾವುದೇ ಕಳ್ಳತನ ನಡೆದಿಲ್ಲ. ಅದರಲ್ಲಿ ಇದ್ದದ್ದು ಫೈಲ್ಸ್​ಗಳು ಮಾತ್ರ. ಈ ಸಂಬಂಧ ಸಿಬ್ಬಂದಿಯೊಬ್ಬರನ್ನ ಅಮಾನತು ಮಾಡಿ ತನಿಖೆಗೆ ನಾನೇ ಆದೇಶ ಮಾಡಿದ್ದೀನಿ ಅನ್ನೋದು ಕಾರ್ಯದರ್ಶಿ ರೂಪಾ ಹೇಳಿದ್ದಾರೆ. ಅತ್ತ ವಿಡಿಯೋ ಸಮೇತ ಆರೋಪ ಅಂತ ವಾದ ಮಾಡ್ತಿದ್ರೆ, ಇತ್ತ ಅದೆಲ್ಲ ಸುಳ್ಳು ಅಂತಾ ರೂಪಾ ಅವರ ಪ್ರತಿವಾದವಾಗಿದೆ. ಈ ಕುರಿತು ಸೂಕ್ತ ತನಿಖೆ ಅವಶ್ಯಕವಿದ್ದು, ಪ್ರಕರಣದ ಸತ್ಯಾಸತ್ಯತೆ ಹೊರಬಂದು ಭಕ್ತರ ಅನುಮಾನಕ್ಕೆ ಇತಿಶ್ರೀ ಹೇಳಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ