ಅಂಟಾರ್ಟಿಕಾದಲ್ಲೊಂದು ರಹಸ್ಯ ದ್ವಾರ! ವೈರಲ್ ಆದ ಫೋಟೋದ ಅಸಲಿ ಸಂಗತಿಯೇನು?

ಅಂಟಾರ್ಟಿಕ ಅಂದ್ರೆ ಸುತ್ತಲೂ ಹಬ್ಬಿರುವ ಹಿಮಾವೃತ ಪ್ರದೇಶವೇ ನಮಗೆ ಎಲ್ಲೆಲ್ಲಿಯೂ ಕಾಣುತ್ತದೆ. ಅಂಟಾರ್ಟಿಕ ಖಂಡದ ಈ ಹಿಮಾವೃತ ಪ್ರದೇಶದಲ್ಲಿ ನೂರಾರು ರಹಸ್ಯಗಳನ್ನು ಭೇದಿಸದೇ ಮನುಷ್ಯ ಈಗಲೂ ಕಂಗಾಲಾಗಿದ್ದಾನೆ. ತನ್ನ ಒಡಲಲ್ಲಿ ಹೀಗೆ ಹಲವು ರಹಸ್ಯಗಳನ್ನು ಅಡಗಿಸಿಕೊಂಡಿರುವ ಅಂಟಾರ್ಟಿಕಾದಲ್ಲಿ ಈಗ ಒಂದು ದ್ವಾರ ದೊಡ್ಡದಾಗಿ ಸದ್ದು ಮಾಡುತ್ತಿದೆ. ಈ ರಹಸ್ಯ ದ್ವಾರದ ಕುರಿತು ಸೋಷಿಯಲ್ ಮೀಡಿಯಾಗಳಲ್ಲಿ ದೊಡ್ಡ ಚರ್ಚೆಯೇ ನಡೆಯುತ್ತಿದೆ.

ಇದನ್ನೂ ಓದಿ:ಗೆದ್ದ ಮಗಳ ತಬ್ಬಿ ಕಣ್ಣೀರು ಹಾಕಿದ ಅಬುಧಾಬಿ ರಾಜಕುಮಾರ; ತಂದೆ ಮಮತೆ ಕಂಡು ಭಾವುಕರಾದ ಜನ

ಕೆಲವು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಅಂಟಾರ್ಟಿಕಾದಲ್ಲಿರುವ ಈ ಒಂದು ರಹಸ್ಯ ದ್ವಾರದ ಬಗ್ಗೆ ದೊಡ್ಡ ಚರ್ಚೆಯಾಗುತ್ತಿದೆ. ಈ ಒಂದು ರಹಸ್ಯ ದ್ವಾರದ ಬಗ್ಗೆ ಹಲವು ಊಹಾಪೋಹಗಳು ತೆರೆದುಕೊಳ್ಳುತ್ತಿವೆ. ಹಿಮಾವೃತ ಪ್ರದೇಶದಲ್ಲಿ ಗೂಗಲ್ ಮ್ಯಾಪ್​ನಲ್ಲಿ ಕಂಡು ಬಂದಿರುವ ಈ ರಹಸ್ಯ ದ್ವಾರ, ಬಂಕರ್​ಗಳನ್ನು ತಲುಪಲು ಅಂತ  ನಿರ್ಮಾಣವಾದ ರಹಸ್ಯ ರಸ್ತೆಯ ಮಹಾದ್ವಾರ ಎಂದು ಹೇಳಲಾಗುತ್ತಿದೆ. ಸ್ಯಾಟ್​ಲೈಟ್ ಫೋಟೋದಲ್ಲಿ ಹಿಮಚ್ಛಾದಿತ ಪ್ರದೇಶದಲ್ಲಿ ಕಂಡು ಬಂದಿರುವ ದ್ವಾರದಂತಹ ಚಿತ್ರವನ್ನು ಕಂಡು ಜನರು ಇದು ಬಂಕರ್​ಗೆ ಲಿಂಕ್ ಆಗುವ ರಹಸ್ಯಮಾರ್ಗದ ದ್ವಾರ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ:ಭಾರತದ ಮೇಲೆ ಮತ್ತೆ ವಿಷ ಕಾರಿದ ಕೆನಡಾ; ವಿದೇಶಾಂಗ ಸಚಿವೆಯಿಂದ ದೊಡ್ಡ ಹೇಳಿಕೆ

ಆದರೆ ವಿದೇಶಿ ಮಾಧ್ಯಮಗಳು ವರದಿ ಮಾಡಿರುವ ಪ್ರಕಾರ ಇದೊಂದು ಮಂಜುಗಡ್ಡಯಷ್ಟೇ ಅದರ ಹಿಂದೆ ಯಾವ ರಹಸ್ಯವೂ ಇಲ್ಲ ಎಂದು ಹೇಳುತ್ತಿವೆ. ಸದ್ಯ ರಹಸ್ಯದ್ವಾರ ಎಂದು ಕರೆಯಲ್ಪಡುತ್ತಿರುವ ಆ ಒಂದು ಚಿತ್ರದಲ್ಲಿ ಇರುವುದು ಜಸ್ಟ್ ಒಂದು ಐಸ್​ಬರ್ಗ್​. ಬೃಹತ್ತ ಮಂಜುಗಡ್ಡೆ ಈಗ ಕರಗುತ್ತಿದೆ. ಇದರಿಂದಾಗಿಯೇ ಅದು ಒಂದು ದ್ವಾರದ ರೂಪ ಪಡೆದುಕೊಂಡಿದೆ. ಇದರ ಹಿಂದೆ ಬೇರಾವ ರಹಸ್ಯವೂ ಇಲ್ಲ ಎನ್ನುತ್ತಿದ್ದಾರೆ ತಜ್ಞರು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ