ಮೈಸೂರು ದರ್ಭಾಂಗ್​ ಎಕ್ಸ್​ಪ್ರೆಸ್​​ ಅಪಘಾತ; ಹೊತ್ತಿ ಉರಿದ ಟ್ರೇನ್, ಅಸಲಿಗೆ ಆಗಿದ್ದೇನು..?

ಒಂದೇ ವಾರದಲ್ಲಿ ತಮಿಳುನಾಡಿನಲ್ಲಿ ಮೂರು ದುರಂತ ಸಂಭವಿಸಿರೋದು ವಿಪರ್ಯಾಸವೇ ಸರಿ. ಮೊನ್ನೆ ಏರ್‌ ಶೋ ವೇಳೆ ಕಾಲ್ತುಳಿತದಿಂದ 5 ಮಂದಿ ಸಾವನ್ನಪ್ಪಿದ್ರು. ಮಧ್ಯಾಹ್ನ ಏರ್‌ಇಂಡಿಯಾ ವಿಮಾನ ತುರ್ತು ಲ್ಯಾಂಡಿಂಗ್‌ ಆಗಿ ಮಹಾ ದುರಂತ ತಪ್ಪಿತ್ತು. ಈಗ ಪ್ಯಾಸೆಂಜರ್ ರೈಲು ಗೂಡ್ಸ್ ರೈಲಿಗೆ ಡಿಕ್ಕಿ ಹೊಡೆದಿದೆ, ಇದು ಎದೆ ಬಡಿತ ಹೆಚ್ಚಿಸಿದೆ.

ತಮಿಳುನಾಡಿನ ತಿರುವಳ್ಳೂರು ಬಳಿ ನಿಂತಿದ್ದ ಗೂಡ್ಸ್ ಟ್ರೇನ್​ಗೆ ಡಿಕ್ಕಿಹೊಡೆದ ಪ್ಯಾಸೆಂಜರ್ ರೈಲು ಮೈಸೂರಿಂದ 10.30ಕ್ಕೆ ಹೊರಡಬೇಕಿತ್ತು. ನಾಲ್ಕು ನಿಮಿಷ ತಡವಾಗಿ 10.34ಕ್ಕೆ ಹೊರಟಿದೆ. ಮಧ್ಯಾಹ್ನ 1.50ಕ್ಕೆ ಬೆಂಗಳೂರಿಗೆ ಬಂದಿತ್ತು. ಅಲ್ಲಿಂದ ಹೊರಟ ರೈಲು ರಾತ್ರಿ 8.30ರ ಸುಮಾರಿಗೆ ಹೊರಟ ರೈಲು ಡಿಕ್ಕಿಯಾದ ರಭಸಕ್ಕೆ ಮೈಸೂರು-ದರ್ಭಾಂಗ್ ಎಕ್ಸ್ 2 ಬೋಗಿಗಳಿಗೆ ಬೆಂಕಿ ತಗುಲಿದ್ದು, ಸುಟ್ಟು ಭಸ್ಮವಾಗಿದೆ.

ಇದನ್ನೂ ಓದಿ:ಎರಡು ಟ್ರೈನ್​ಗಳ ಮಧ್ಯೆ ಭೀಕರ ಅಪಘಾತ; ಪ್ರಯಾಣಿಕರಿಗೆ ಗಂಭೀರ ಗಾಯ; ಆಗಿದ್ದೇನು?

ಕರ್ನಾಟಕದಿಂದ 1 ಸಾವಿರಕ್ಕೂ ಹೆಚ್ಚು ಪ್ರಯಾಣಿಕರು ಪ್ರಯಾಣ ಬೆಳೆಸಿದ್ದು, ಬೆಂಗಳೂರಿನಿಂದ ನಾಗಪುರಕ್ಕೆ ಹೊರಟ್ಟಿದ್ದ 45 ಮಂದಿ ಕನ್ನಡಿಗರು ಅಪಘಾತದಿಂದ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಡಿಕ್ಕಿ ಹೊಡೆದ ಪರಿಣಾಮ 3 ಬೋಗಿಗಳು ಹೊತ್ತಿ ಉರಿದು, 50ಕ್ಕೂ ಹೆಚ್ಚು ಜನರಿಗೆ ಗಂಭೀರ ಗಾಯಗಳಾಗಿವೆ. 6 ಬೋಗಿಗಳು ಹಳಿ ತಪ್ಪಿರುವ ಮಾಹಿತಿ ಸಿಕ್ಕಿದೆ. ಅವಘಡದಿಂದ ಪಾರಾಗಲು ಜನರು ರೈಲಿನ ಕಿಟಕಿಯಿಂದ ಹೊರ ಬಂದಿದ್ದಾರೆ. ಅಪಘಾತ ಸ್ಥಳಕ್ಕೆ ವೈದ್ಯಕೀಯ ಸಿಬ್ಬಂದಿ, ರೈಲ್ವೇ ಸಿಬ್ಬಂದಿ ದೌಡಾಯಿಸಿದ್ದು, ರಕ್ಷಣಾ ಕಾರ್ಯ ರಾತ್ರಿಯಿಡಿ ನಡೆದಿದೆ.

‘ಸಹಾಯ’ವಾಣಿ

• ರೈಲಿನಲ್ಲಿರುವ ತಮ್ಮವರ ಸಂಪರ್ಕಿಸಲು ಸಹಾಯವಾಣಿ
• ಸಹಾಯವಾಣಿ ಸಂಖ್ಯೆ: 044-25354151
• ಮೈಸೂರು ಕಂಟ್ರೋಲ್ ರೂಂ ಸಂಖ್ಯೆ: 97311 43981
• ಮೈಸೂರು ಕಂಟ್ರೋಲ್ ರೂಂ ಸಂಖ್ಯೆ: 0821-242 2400
• ರೈಲು ಸಹಾಯವಾಣಿ ಸಂಖ್ಯೆ: 044-2435 4995
• ಸಹಾಯವಾಣಿ: 044-2535 4151, 044-2435 4995
• ಚೆನ್ನೈ ವಿಭಾಗ ಸಹಾಯವಾಣಿ: 044-2533 0952
• ಚೆನ್ನೈ ವಿಭಾಗ ಸಹಾಯವಾಣಿ: 044-2533 0953

ತಮಿಳುನಾಡು ಸರ್ಕಾರದಿಂದ ರಕ್ಷಣಾ ಕಾರ್ಯಾಚರಣೆ ಮುಂದುವರೆದಿದ್ದು, ಈ ದುರಂತದ ಬಳಿಕ ಎರಡೂ ದಿಕ್ಕಿನ ಎಲ್ಲಾ ರೈಲು ಸಂಚಾರ ಸ್ಥಗಿತವಾಗಿದೆ. ದಕ್ಷಿಣ ರೈಲ್ವೆಯ ಹಿರಿಯ ಅಧಿಕಾರಿಗಳಿಂದ ಪರಿಶೀಲನೆ ಮುಂದುವರೆದಿದೆ. ಸೇಫ್ ಅಗಿರುವವರಿಗೆ ಫುಡ್ ಸಪ್ಲೈ.. ಗಾಯಗೊಂಡವರನ್ನ ಆಸ್ಪತ್ರೆಗೆ.. ಅಂತಾ ತಮಿಳುನಾಡು ಸರ್ಕಾರದಿಂದ ಬೆಂಬಲ ನೀಡಲಾಗುತ್ತಿದೆ. ಈ ಬಗ್ಗೆ ಟ್ವೀಟ್​ ಮಾಡಿ ತಮಿಳುನಾಡಿನ ಸಿಎಂ ಎಂ.ಕೆ ಸ್ಟಾಲಿನ್ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ:ಗ್ರಾಹಕರಿಗೆ ಭರ್ಜರಿ ಗುಡ್​ನ್ಯೂಸ್​​; ಇನ್ಮುಂದೆ ಸಿಗಲಿದೆ ಫ್ರೀ ಡೇಟಾ; ಈ ಸೌಲಭ್ಯ ಪಡೆಯೋದು ಹೇಗೆ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ