ಲೈಫ್​​ಟೈಮ್​​ ಪಾನಿಪುರಿ ಫ್ರೀ; ಗೋಲಗಪ್ಪ ವ್ಯಾಪಾರಿ ಭರ್ಜರಿ ಆಫರ್​​​; ನೀವು ಓದಲೇಬೇಕಾದ ಸ್ಟೋರಿ!

ಭಾರತದ ಅತ್ಯಂತ ಜನಪ್ರಿಯ ಸ್ಟ್ರೀಟ್ ಫುಡ್‌ ಪಾನಿಪುರಿ. ಇದನ್ನು ಗೋಲಗಪ್ಪ ಎಂದು ಕೂಡ ಕರೆಯಲಾಗುತ್ತದೆ. ಪಾನಿಪುರಿ ಎಂದರೆ ಎಲ್ಲರಿಗೂ ಅಚ್ಚುಮೆಚ್ಚು. ಈಗ ಮಹಾರಾಷ್ಟ್ರದ ಗೋಲಗಪ್ಪ ವ್ಯಾಪಾರಿಯೊಬ್ಬರು ಪಾನಿಪುರಿ ಪ್ರಿಯರಿಗೆ ವಿಶೇಷ ಆಫರ್ ಒಂದು​ ಕೊಟ್ಟಿದ್ದಾರೆ.

ಏನಿದು ಆಫರ್​?

ಗೋಲಗಪ್ಪ ವ್ಯಾಪಾರಿ ಜನರಿಗೆ ನೀಡಿರೋ ವಿಶೇಷ ಆಫರ್​ ಹೀಗಿದೆ. ಗ್ರಾಹಕರು ಒಂದು ಸಲ 99 ಸಾವಿರ ನೀಡಿದ್ರೆ ಸಾಕು ಜೀವನಪೂರ್ತಿ ಎಷ್ಟು ಬೇಕಾದ್ರೂ ಪಾನಿಪುರಿ ತಿನ್ನಬಹುದು. ಒಮ್ಮೆ ಹಣ ನೀಡಿದ್ರೆ ಮತ್ಯಾವತ್ತೂ ತಮ್ಮ ಜೀವಿತಾವಧಿಯಲ್ಲಿ ಗೋಲಗಪ್ಪ ತಿನ್ನಲು ಹಣ ನೀಡಬೇಕಿಲ್ಲ ಎಂಬುದು ಆಫರ್​​.

99 ಸಾವಿರ ನೀಡಿದ ಮೇಲೆ ಗ್ರಾಹಕರು ಯಾವುದೇ ಸಮಯದಲ್ಲಿ ಬಂದು ಎಷ್ಟು ಬೇಕಾದರೂ ಗೋಲ್ಗಪ್ಪಗಳನ್ನು ತಿನ್ನಬಹುದು. ಈ ರೀತಿ ವಿಶೇಷ ಆಫರ್​ ನೀಡಿದ್ದು ಮತ್ಯಾರು ಅಲ್ಲ, ಬದಲಿಗೆ ನಾಗ್ಪುರದ ವಿಜಯ್ ಮೇವಾಲಾಲ್ ಗುಪ್ತಾ ಅನ್ನೋ ವ್ಯಾಪಾರಿ.

ಏನಂದ್ರು ವಿಜಯ್?

ನಾನು ಪ್ರತಿ ದಿನ ಸಂಜೆ 6 ಗಂಟೆಗೆ ಸ್ಟಾಲ್ ಓಪನ್ ಮಾಡುತ್ತೇನೆ. ಜನರಿಗೆ ಪಾನಿಪುರಿ ಎಂದರೆ ಇಷ್ಟ. ಒಂದೇ ಬಾರಿ ದೊಡ್ಡ ಮೊತ್ತದ ಹಣ ಪಾವತಿಸಿ ಜೀವನ ಪರ್ಯಂತ ಲಾಭ ಪಡೆಯಬಹುದು. ಪಾನಿಪುರಿ ಅಂದ್ರೆ ಎಲ್ಲರ ಬಾಯಲ್ಲಿ ನೀರು ಬರುತ್ತೆ. ಜನರಿಗೆ ಪಾನಿಪುರಿ ಮೇಲಿರೋ ಪ್ರೀತಿಯೇ ನಾನು ಈ ಆಫರ್​​ ನೀಡಲು ಕಾರಣ ಎಂದಿದ್ದಾರೆ.

ಇದನ್ನೂ ಓದಿ:6,6,6,6,6,6,6; ಸ್ಫೋಟಕ ಶತಕ ಸಿಡಿಸಿದ ರೋಹಿತ್​ ಶರ್ಮಾ; ಯುವರಾಜ್​ ಸಿಂಗ್​​ ದಾಖಲೆ ಉಡೀಸ್​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ