ಭವ್ಯ ಗೌಡ ಒಬ್ಬರೇ ಅಲ್ಲ.. ಕಿರಣ್ ರಾಜ್​​ಗೆ ಜೋಡಿಯಾಗಿ ಮತ್ತೊಬ್ಬ ಸ್ಟಾರ್​ ನಟಿ ಅಚ್ಚರಿ ಎಂಟ್ರಿ!

ಕರ್ಣ.. ಸಿಕ್ಕಾಪಟ್ಟೆ ಚರ್ಚೆ ಆಗ್ತಿರೋ ಧಾರಾವಾಹಿ. ಕಿರಣ್​ ರಾಜ್​ ಮತ್ತೇ ಕಿರುತೆರೆಗೆ ಕಮ್​ಬ್ಯಾಕ್​ ಮಾಡ್ತಿರೋದರ ಜೊತೆಗೆ ಇನ್ನಿಬ್ಬರೂ ಜನಪ್ರಿಯ ನಾಯಕಿಯರು ಮತ್ತೊಮ್ಮೆ ಸೀರಿಯಲ್​ ಲೋಕವನ್ನು ಆಳೋದಕ್ಕೆ ರೆಡಿಯಾಗ್ತಿದ್ದಾರೆ.

ಇದನ್ನೂ ಓದಿ:ರೇಣುಕಾಸ್ವಾಮಿ ಕೇಸ್ ನೆನಪಿಸಿದ ವಿನಯ್ ಗೌಡ, ರಜತ್ ಕಿಶನ್.. ಕೊನೆಗೂ ಸತ್ಯ ಒಪ್ಪಿಕೊಂಡ್ರಂತೆ..!

ಹೌದು, ನಿರ್ಮಾಪಕಿ, ನಿರ್ದೇಶಕಿ ಶ್ರುತಿ ನಾಯ್ಡು ಫ್ಯಾನ್ಸ್​ಗೆ ಭರ್ಜರಿ ಗಿಫ್ಟ್​ ಕೊಡ್ತಿದ್ದಾರೆ. ಒಂದಲ್ಲಾ.. ಎರಡಲ್ಲ.. ಬರೋಬ್ಬರಿ ಮೂವರು ಸ್ಟಾರ್ಸ್​ನ ಒಟ್ಟಿಗೆ ತೆರೆಮೇಲೆ ತರ್ತಿದ್ದಾರೆ. ಈಗಾಗಲೇ ಗೊತ್ತಿರೋ ಹಾಗೇ ಕರ್ಣನ ಪಾತ್ರ ಕಿರಣ್​ ರಾಜ್​ ಅಭಿನಯಿಸ್ತಿದ್ದಾರೆ. ಹಾಗೇ ಈ ಸೀರಿಯಲ್​ನಲ್ಲಿ ಇಬ್ಬರು ನಾಯಕಿಯರು ಇರ್ತಾರೆ ಅಂತ ನಾವು ಹೇಳಿದ್ವಿ. ಒಬ್ಬರನ್ನ ಈಗಾಗಲೇ ರಿವೀಲ್​ ಮಾಡಿದ್ದೀವಿ. ಅವರೇ ಭವ್ಯಾ ಗೌಡ. ಇದೀಗ ಮತ್ತೊಬ್ಬ ನಾಯಕಿ ಯಾರು ಅನ್ನೋ ಎಕ್ಸ್​ಕ್ಲೂಸಿವ್​ ಮಾಹಿತಿ ನ್ಯೂಸ್​ಫಸ್ಟ್​ಗೆ ಲಭಿಸಿದೆ.

ಈಗಾಗಲೇ ಕರ್ಣ ಸೀರಿಯಲ್​ ಶೂಟಿಂಗ್​ ಜೋರಾಗಿಯೇ ನಡೆಯುತ್ತಿದೆ. ಭವ್ಯಾ ಗೌಡ ಡಾಕ್ಟರ್​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇಂಟ್ರಡಕ್ಷನ್​ ಸೀನ್​ಗಳ ಶೂಟಿಂಗ್​ ತುಣುಕುಗಳು ಸೋಷಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡ್ತಿವೆ. ಕರ್ಣ ಮೆಡಿಕಲ್​ ಸ್ಟೂಡೆಂಟ್​ ಆಗಿದ್ದಾಗ ಭವ್ಯಾ ಗೌಡ ಕೂಡ ಅದೇ ಕಾಲೇಜಿನ ವಿದ್ಯಾರ್ಥಿ ಆಗಿರುತ್ತಾಳೆ. ಮಳೆಯಲ್ಲಿ ಡ್ಯಾನ್ಸ್ ಮಾಡ್ತಾ ಎಂಜಾಯ್​ ಮಾಡ್ತಿರೋ ಭವ್ಯಾ ಮೇಲೆ ಕರ್ಣನಿಗೆ ಲವ್​ ಆ್ಯಟ್​ ಫಸ್ಟ್ ಸೈಟ್ ಆಗುತ್ತೆ. ಇಲ್ಲಿಂದ ಕತೆ ಶುರುವಾಗಿತ್ತೆ. ಆ ಮಳೆ.. ರೋಮ್ಯಾಂಟಿಕ್ ಸಾಂಗೂ.. ಇಬ್ಬರೂ ಫೇವರಿಟ್​ ನಾಯಕ-ನಾಯಕಿ. ಇದನ್ನೂ ನೋಡಿದ ಫ್ಯಾನ್ಸ್​ಗೆ ಹಬ್ಬಾನೋ ಹಬ್ಬ. ಇದು ಭವ್ಯಾ ಇಂಟ್ರಡಕ್ಷನ್​ ಆಯ್ತು. ಮತ್ತೋರ್ವ ನಟಿ ಯಾರು ಅಂದ್ರಾ? ಅವರೇ ನಾಗಿಣಿ ಸೀರಿಯಲ್ ಖ್ಯಾತಿಯ ನಮ್ರತಾ ಗೌಡ.

ಹೌದು, ಕರ್ಣನಿಗೆ ರಂಜನಿ ರಾಘವನ್​.. ಇಲ್ಲ ಮೋಕ್ಷಿತಾ ಪೈ ಬರ್ಬೇಕು ಅಂತ ಫ್ಯಾನ್ಸ್ ಆಸೆ ಪಟ್ಟಿದ್ರು. ಇವ್ರು ಇಬ್ಬರೂ ಅಲ್ಲ. ಕರ್ಣನಿಗೆ ಜೋಡಿಯಾಗಿ ಮತ್ತೆ ಬಣ್ಣ ಹಚ್ಚುತಿದ್ದಾರೆ ನಟಿ ನಮ್ರತಾ. ನಾಗಿಣಿ ಸೀರಿಯಲ್​ ಮೂಲಕ ಸೂಪರ್​ ಸಕ್ಸಸ್​ ಕಂಡಿದ್ದ ನಟಿ, ಅಲ್ಲಿಂದ ಬಿಗ್​ ಬಾಸ್​ನತ್ತ ಮುಖ ಮಾಡಿದ್ರು. ಸೀಸನ್​ 10ರಲ್ಲಿ ಸದ್ದು ಮಾಡಿದ್ರು.

ಇದಾದ ಬಳಿಕ ಯಾವುದೇ ಹೊಸ ಪ್ರಾಜೆಕ್ಟ್​ ಅನೌನ್ಸ್​ ಮಾಡಿರಲಿಲ್ಲ ನಟಿ. ಸಿನಿಮಾ ಮಾಡ್ತಾರಾ..? ಸೀರಿಯಲ್​ ಮಾಡ್ತಾರಾ..? ಯಾವುದು ನಮ್ಮು ಪ್ರಾಜೆಕ್ಟ್​ ಅಂತ ಫ್ಯಾನ್ಸ್​​ ಕೇಳ್ತಾನೆ ಇದ್ರು. ಸದ್ಯ ಈ ಪ್ರಶ್ನೆ ಉತ್ತರ ಕರ್ಣ. ಪಾತ್ರ ಯಾವ ರೀತಿ ಇರುತ್ತೆ ಅನ್ನೋದರ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ. ಆದ್ರೆ ಕರ್ಣನ ನಾಯಕಿ ಆಗಿ ನಮ್ರತಾ ತೆರೆಗೆ ಬರ್ತಿರೋ ಕನ್ಫರ್ಮ್​ ಆಗಿದೆ. ಒಟ್ಟಿನಲ್ಲಿ ಕರ್ಣ ಧಾರಾವಾಹಿ ಬಗ್ಗೆ ಕುತೂಹಲ ಹೆಚ್ಚಾಗುತ್ತಿದೆ ವೀಕ್ಷಕರಲ್ಲಿ ಬೆಟ್ಟದಷ್ಟು ನಿರೀಕ್ಷೆ ಹುಟ್ಟು ಹಾಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ