ಕಿಂಗ್​ಫಿಶರ್ ಟವರ್​ನಲ್ಲಿ ₹50 ಕೋಟಿ ಫ್ಲಾಟ್ ಖರೀದಿ ಮಾಡಿದ ನಾರಾಯಣಮೂರ್ತಿ; ಐಷಾರಾಮಿ ಮನೆಯಲ್ಲಿ ಏನೇನಿದೆ?

ಇನ್ಫೋಸಿಸ್ ಸಹ ಸಂಸ್ಥಾಪಕ ಇನ್ಫೋಸಿಸ್ ನಾರಾಯಣಮೂರ್ತಿಯವರು ಹೊಸದಾಗಿ ಒಂದು ಬಂಗಲೆಯನ್ನು ಖರೀದಿ ಮಾಡಿದ್ದಾರೆ ಅದರ ಮೊತ್ತ ಬರೋಬ್ಬರಿ 50 ಕೋಟಿ ರೂಪಾಯಿ. ಕಿಂಗ್ ಫಿಶರ್ ಟವರ್​ನಲ್ಲಿ 4 ಬೆಡ್​ರೂಮ್​ಗಳ ಬಂಗಲೆಯನ್ನು ಖರೀದಿ ಮಾಡಿದ್ದಾರೆ ಇನ್ಫೋಸಿಸ್ ನಾರಾಯಣ ಮೂರ್ತಿ.

ಕಿಂಗ್​ ಫಿಶರ್ ಟವರ್​ನಲ್ಲಿ 16ನೇ ಅಂತಸ್ತಿನಲ್ಲಿ ಮನೆ ಖರೀದಿಸಿದ್ದಾರೆ ನಾರಾಯಣ ಮೂರ್ತಿ. ಈ ಒಂದು ಬಂಗಲೆ ಸುಮಾರು 8,400 ಸ್ಕ್ವೇರ್​ಫೀಟ್​ ಅಳತೆಯಲ್ಲಿ ಹರಡಿಕೊಂಡಿದೆ. 4 ಬೆಡ್​ರೂಮ್​ಗಳು ಹಾಗೂ 5 ಪಾರ್ಕಿಂಗ್ ಮೀಸಲುಗಳು ಸೌಕರ್ಯವನ್ನು ಹೊಂದಿದೆ.
ಈ ಒಂದು ಬಂಗಲೆ ಖರೀದಿ ವೇಳೆ ಪ್ರತಿ ಸ್ಕ್ವೇರ್ ಫೀಟ್​ಗೆ 59,500 ರೂಪಾಯಿ ದರ ನಿಗದಿಯಾಗಿತ್ತಂತೆ. ಈ ಒಂದು ಕಿಂಗ್​ ಫಿಶರ್​ ಟವರ್​ನ್ನು ಮದ್ಯದ ದೊರೆ ವಿಜಯ ಮಲ್ಯ ಅವರು ನಿರ್ಮಿಸಿದ್ದು 34 ಮಹಡಿಗಳ ಈ ಅಪಾರ್ಟ್​ಮೆಂಟ್​ನಲ್ಲಿ ಒಟ್ಟು 81 ಬಂಗಲೆಗಳು ಇವೆ ಎನ್ನಲಾಗಿದೆ.
ಇದೇ ಮೊದಲ ಬಾರಿಗೆ ನಾರಾಯಣ ಮೂರ್ತಿ ಫ್ಯಾಮಿಲಿ ಕಿಂಗ್​ಫಿಶರ್ ಟವರ್​ಗೆ ಹೋಗುತ್ತಿಲ್ಲ. ನಾಲ್ಕು ವರ್ಷಗಳ ಹಿಂದೆ ಸುಧಾ ಮೂರ್ತಿಯವರು 23ನೇ ಮಹಡಿಯಲ್ಲಿ 29 ಕೋಟಿ ರೂಪಾಯಿ ನೀಡಿ ಒಂದು ಫ್ಲ್ಯಾಟ್​ನ್ನು ಖರೀದಿಸಿದ್ದರು.

ಇದನ್ನೂ ಓದಿ:ಕನ್ನಡಿಗರ ಹೃದಯ ಗೆದ್ದ ದೀಪಿಕಾ ಪಡುಕೋಣೆ.. ಬೆಂಗಳೂರಲ್ಲಿ ದಿಲ್ಜಿತ್‌ಗೆ ಕನ್ನಡ ಪಾಠ; ವಿಡಿಯೋ ಸಖತ್ ವೈರಲ್‌!

ಸಚಿವ ಕೆ.ಜೆ.ಜಾರ್ಜ್​ ಅವರ ಪುತ್ರ ರಾನಾ ಜಾರ್ಜ್​ ಕೂಡ 35 ಕೋಟಿ ರೂಪಾಯಿ ಕೊಟ್ಟು ಇದೇ ಕಿಂಗ್​ಫಿಶರ್ ಟವರ್​ನಲ್ಲಿ ಫ್ಯಾಟ್ ಖರೀದಿ ಮಾಡಿದ್ದರು. ಈ ಕಿಂಗ್​ ಫಿಶರ್ ಟವರ್ 2010ರಲ್ಲಿ ಲಾಂಚ್ ಆಗಿತ್ತು. ಪ್ರತಿ ಸ್ಕ್ವೇರ್ ಫೀಟ್​ಗೆ 22 ಸಾವಿರ ರೂಪಾಯಿಗೆ ಈ ಅಪಾರ್ಟ್​ಮೆಂಟ್​ನ್ನು ಖರೀದಿಸಲಾಗಿತ್ತು. ಸದ್ಯ ಅದರ ದರ ಡಬಲ್ ಆಗಿದ್ದು. ಐಷಾರಾಮಿ ಬಂಗಲೆ ಕೊಂಡುಕೊಳ್ಳಬೇಕು ಎಂದು ಕನಸು ಕಂಡವರು ಕಿಂಗ್ ಫಿಶರ್ ಟವರ್​ನತ್ತ ದೃಷ್ಟಿ ಬೀರುತ್ತಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ