ನಾಳಿದ್ದು ವಿಶ್ವ ಸಿನಿಮಾ ದಿನಾಚರಣೆ ವಿಶೇಷ

ಬರೀ 99 ರೂಪಾಯಿಗೆ ಸಿನಿಮಾ ನೋಡುವ ಅವಕಾಶ

4 ಸಾವಿರ ಸ್ಕ್ರೀನ್​​ಗಳಲ್ಲಿ ಸಿನಿಮಾ ನೋಡುವ ಆಯ್ಕೆ!

ವಿಶ್ವ ಸಿನಿಮಾ ದಿನಾಚರಣೆ ನಾಳೆಯೊಂದೇ ಬಾಕಿಯಿದೆ. ಅದಕ್ಕೆಂದೇ ಮಲ್ಟಿಫ್ಲೆಕ್ಸ್​​​ ಅಸೋಸಿಯೇಷನ್​​ ಆಫ್​ ಇಂಡಿಯಾ (MAI) ವಿಶ್ವ ಸಿನಿಮಾ ದಿನಾಚರಣೆಗಾಗಿ ಸಿದ್ಧತೆ ನಡೆಸುತ್ತಿದೆ. ಈಗಾಗಲೇ ಆಫರ್​ ತೆರೆದಿಟ್ಟಿದ್ದು, ಸಿನಿ ರಸಿಕರು ಬರೀ 99 ರೂಪಾಯಿಗೆ ಮಲ್ಟಿಫ್ಲೆಕ್ಸ್​​ನಲ್ಲಿ ಸಿನಿಮಾ ವೀಕ್ಷಿಸಬಹುದು ಎಂದಿದೆ.

ಸೆಪ್ಟೆಂಬರ್​​ 20 ರಂದು ವಿಶ್ವ ಸಿನಿಮಾ ದಿನಾಚರಣೆಯನ್ನಾಗಿ ಆಚರಿಸಲಾಗುತ್ತದೆ. ಈ ವಿಶೇಷ ದಿನದಂದು ಸಿನಿಮಾ ಪ್ರಿಯರು ಬರೀ 99 ರೂಪಾಯಿಗೆ ಸಿನಿಮಾ ನೋಡುವ ಅವಕಾಶ ತೆರೆದಿಟ್ಟಿದೆ. ಪಿವಿಆರ್​​ ಐನೋಕ್ಸ್​​, ಸಿನಿಪೊಲೀಸ್​​, ಮೀರಜ್​, ಮೂವಿ ಟೈಂ ಮತ್ತು ಡಿಲೈಟ್​​ ಮೂಲಕ ಸುಮಾರು 4 ಸಾವಿರ ಸ್ಕ್ರೀನ್​​ಗಳಲ್ಲಿ ಸಿನಿಮಾ ವೀಕ್ಷಿಸಬಹುದಾಗಿದೆ.

ಇದನ್ನೂ ಓದಿ: ಬಿಗ್​ ಬಾಸ್​ ಮಾಜಿ ವಿನ್ನರ್​​ಗೆ​​​ ಬೆದರಿಕೆ ಕರೆ.. ಭದ್ರತೆ ಹೆಚ್ಚಿಸಿದ ಪೊಲೀಸರು

ಮಲ್ಟಿಫ್ಲೆಕ್ಸ್​​​ ಅಸೋಸಿಯೇಷನ್​​ ಆಫ್​ ಇಂಡಿಯಾ ಈ ಕುರಿತಾಗಿ,‘ವಿಶೇಷ ದಿನದಂದು ಎಲ್ಲಾ ವಯಸ್ಸಿನವರು ಮಲ್ಟಿಫ್ಲೆಕ್ಸ್​ನಲ್ಲಿ ಸಿನಿಮಾ ವೀಕ್ಷಿಸಬಹುದಾಗಿದೆ. ಈ ವರ್ಷ ಬಹುಚಲನಚಿತ್ರಗಳ ಅದ್ಭುತ ಯಶಸ್ಸನ್ನು ಆಚರಿಸುತ್ತಿದೆ. ಈ ಯಶಸ್ಸಿಗೆ ಕಾರಣರಾದ ಸಿನಿಪ್ರೀಯರಿಗೆ ಹೃತ್ಪೂರ್ವಕ ಧನ್ಯವಾದಗಳು. ಜೊತೆಗೆ ಸ್ಥಳೀಯ ಸಿನಿಮಾ ಥಿಯೇಟರ್ ಹೋಗಿ ಸಿನಿಮಾ ವೀಕ್ಷಿಸಿ. ಇದು ಮುಕ್ತ ಆಹ್ವಾನ’ ಎಂದು ಹೇಳಿದೆ.

ಜೊತೆಗೆ ಇದು ‘ರಾಷ್ಟ್ರೀಯ ಸಿನಿಮಾ ದಿನದ 3ನೇ ಆವೃತ್ತಿ. ಹಿಂದಿನ 2 ಆವೃತ್ತಿಗಳು 6 ಮಿಲಿಯನ್​ಗಿಂತಲೂ ಹೆಚ್ಚು ಪ್ರವೇಶಗಳನ್ನು ದಾಖಲಿಸಿವೆ’ ಎಂದು ಹೇಳಿದೆ.

ಯಾವ ಸಿನಿಮಾವನ್ನು ವೀಕ್ಷಿಸಬಹುದು?

ಸಿನಿ ಪ್ರಿಯರಿಗೆ ಹಲವು ಆಯ್ಕೆಗಳಿವೆ. ಬ್ಲಾಕ್​ಬಸ್ಟರ್​, ಸೀಕ್ವೆಲ್​ ಮತ್ತು ಟೈಮ್​ಲೆಸ್​ ಕ್ಲಾಸಿಕ್​ ಸಿನಿಮಾ ವೀಕ್ಷಿಸಬಹುದಾಗಿದೆ. ಯುಧ್ರಾ, ಕಹಾನ್​ ಶುರು ಕಹಾನ್​​ ಖತಮ್​, ನವ್ರಾ ಮಜಾ ನವಸಾಚಾ-2, ಸುಚಾ ಸೂರ್ಮಾ, ನೆವರ್​ ಲೆಟ್​​ ಗೋ, ಟ್ರಾನ್ಸ್​ಫಾರ್ಮರ್ಸ್​ ಒನ್​​ ಸಿನಿಮಾ ನೋಡಬಹುದಾಗಿದೆ.

ಇದನ್ನೂ ಓದಿ: ಭಾರತದ ಶ್ರೀಮಂತ ಬಾಲನಟಿ.. ಈಕೆಯ ಬಳಿ ಇದೆ ದುಬಾರಿ ಆಸ್ತಿ, 40 ಲಕ್ಷದ ಐಷಾರಾಮಿ ಕಾರು

ಕಳೆದ ವಾರ ಬಿಡುಗಡೆಗೊಂಡ ದಿ ಬಂಕಿಂಗ್​​ ಹ್ಯಾಮ್​​ ಮರ್ಡರ್ಸ್​, ಅರ್ದಾರ್ಸ್​​ ಸರ್ಬತ್​​​ ದೇ ಭಲೇ ದಿ ಸಿನಿಮಾಗಳನ್ನು ವೀಕ್ಷಿಸಬಹುದಾಗಿದೆ.

ಇದರ ಜೊತೆಗೆ ಆಗಸ್ಟ್​ 15ರಿಂದ ಬಿಡುಗಡೆಯಾಗಿ ಬಾಕ್ಸ್​ ಆಫೀಸನ್ನು ಧೂಳಿಪಟ ಮಾಡುತ್ತಿರುವ ಸ್ತ್ರೀ-2, ತುಂಬದ್​ (2018), ವೀರ್​ ಝಾರಾ (2004) ಮರು ಬಿಡುಗಡೆಯಾಗಿದೆ​​.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ