ಪಾಸ್ ಪೋರ್ಟ್ ಗಾಗಿ ಗಂಡ- ಹೆಂಡತಿ ನಡುವೆ ಜಗಳ ಕೊಲೆಯಲ್ಲಿ ಅಂತ್ಯ : ಕೊಲೆಗೆ ಸಾಕ್ಷಿಯಾದ 11 ವರ್ಷದ ಮಗಳು

ಪಾಸ್‌ಪೋರ್ಟ್‌ಗಾಗಿ ದಂಪತಿಗಳ ನಡುವೆ ಜಗಳವಾದ ನಂತರ ಗಂಡನೇ  ತನ್ನ ಹೆಂಡತಿಯನ್ನು ಗುಂಡಿಕ್ಕಿ ಕೊಂದಿದ್ದಾನೆ.  ಈ ಕ್ರೂರ ಕೊಲೆಗೆ ಸಾಕ್ಷಿ ಬೇರೆ ಯಾರೂ ಅಲ್ಲ, ಅವರ 11 ವರ್ಷದ ಮಗಳು. ಅಪರಾಧ ಸ್ಥಳದ ಚಿತ್ರಗಳು ಮಹಿಳೆಯ ಶವ ಅಡುಗೆಮನೆಯ ನೆಲದ ಮೇಲೆ ಬಿದ್ದಿರುವುದನ್ನು ತೋರಿಸುತ್ತವೆ. ಉತ್ತರ ಪ್ರದೇಶದ ಗಾಜಿಯಾಬಾದ್‌ನಲ್ಲಿ ನಡೆದ  ಈ ಘಟನೆಯ ಬಗ್ಗೆ ತನಿಖೆ ನಡೆಯುತ್ತಿದ್ದು, ಪೊಲೀಸರು ಪರಾರಿಯಾಗಿರುವ ಆರೋಪಿ ಪತಿ ವಿಕಾಸ್‌ಗಾಗಿ ಹುಡುಕುತ್ತಿದ್ದಾರೆ. ವಿಕಾಸ್ ಮತ್ತು ಅವನ ಪತ್ನಿ ರೂಬಿ ಇಬ್ಬರೂ ಗ್ಯಾಂಗಸ್ಟರ್ ಎಂದು ಹಿಸ್ಟರಿ ಶೀಟ್ ದಾಖಲಾಗಿತ್ತು.  

ಇಂದು ಬೆಳಿಗ್ಗೆ  ವಿಕಾಸ್ ತನ್ನ ಪತ್ನಿ ರೂಬಿಯನ್ನು ಪಾಸ್‌ಪೋರ್ಟ್ ಕೇಳಿದಾಗ  ದಂಪತಿಗಳ ನಡುವೆ ವಾಗ್ವಾದಕ್ಕೆ ಕಾರಣವಾಯಿತು. ಕ್ಷಣಾರ್ಧದಲ್ಲಿ, ವಿಕಾಸ್ ತನ್ನ ಪತ್ನಿ  ರೂಬಿಯನ್ನು ಗುಂಡಿಕ್ಕಿ ಕೊಂದು ಪರಾರಿಯಾಗಿದ್ದಾನೆ. ಘಟನೆಯ ಸಮಯದಲ್ಲಿ ಅವರ 11 ವರ್ಷದ ಮಗಳು ಮನೆಯಲ್ಲಿದ್ದಳು . ಇನ್ನೊಬ್ಬ ಹುಡುಗಿ ಶಾಲೆಯಲ್ಲಿದ್ದಳು. ಪೊಲೀಸರು ಬಂದು ರೂಬಿಯನ್ನು ಆಸ್ಪತ್ರೆಗೆ ಕರೆದೊಯ್ಯುವ ಹೊತ್ತಿಗೆ, ಅವಳು ಮೃತಪಟ್ಟಿದ್ದಳು. ಗ್ಯಾಂಗ್ ಸ್ಟರ್  ದಂಪತಿಗಳು ಒಂದು ವರ್ಷದ ಹಿಂದೆ ಗಾಜಿಯಾಬಾದ್‌ನಲ್ಲಿರುವ ಅಜ್ನಾರಾ ಇಂಟೆಗ್ರಿಟಿ ಎಂಬ ಹೈ ರೈಸ್ ಕಟ್ಟಡಕ್ಕೆ  ಸ್ಥಳಾಂತರಗೊಂಡಿದ್ದಾರೆ ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ. ಅವರು ಎಫ್ ಟವರ್‌ನ ಒಂಬತ್ತನೇ ಮಹಡಿಯಲ್ಲಿ ವಾಸಿಸುತ್ತಿದ್ದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.