ದೆಹಲಿ ರೆಡ್ ಪೋರ್ಟ್ ಬಳಿ ಸ್ಪೋಟದ ಲೈವ್ ಅಪ್ ಡೇಟ್ಸ್

9.17 PM: 
 ಸ್ಪೋಟದ ಸ್ಥಳಕ್ಕೆ  ಪೋರೆನ್ಸಿಕ್ ಟೀಮ್ ಆಗಮಿಸಿದ್ದು, ಸ್ಪೋಟದ ಸ್ಥಳದಲ್ಲಿ ಸಾಕ್ಷ್ಯಗಳನ್ನು ಸಂಗ್ರಹಿಸುತ್ತಿದೆ. ಸ್ಪೋಟದ ಸ್ಥಳದಲ್ಲಿ ಸಿಕ್ಕ ವಸ್ತುಗಳನ್ನು ಸಂಗ್ರಹಿಸುತ್ತಿದೆ. ಸ್ಪೋಟಕ್ಕೆ ಏನು ಕಾರಣ ಅನ್ನುವುದಕ್ಕೆ ಪೋರೆನ್ಸಿಕ್ ಟೀಮ್ ಸಂಗ್ರಹಿಸುವ ಸಾಕ್ಷ್ಯಗಳು ಬಹಳ ಪ್ರಮುಖ ಪಾತ್ರ ವಹಿಸುತ್ತಾವೆ. ಸ್ಪೋಟಕ್ಕೆ ಯಾವೆಲ್ಲಾ ಸಾಮಗ್ರಿಗಳನ್ನು ಬಳಸಲಾಗಿದೆ ಎಂಬುದು ಪೋರೆನ್ಸಿಕ್ ಟೀಮ್ ಸಂಗ್ರಹಿಸುವ ಸಾಕ್ಷ್ಯಗಳಿಂದ ತಿಳಿದು ಬರುತ್ತೆ . 

9.20 PM: 
ನಾನು ಓಡಿ ಹೋದೆ ಮತ್ತು ಸ್ಪೋಟದ ಬಳಿಕ ಬಹಳಷ್ಟು ಜನರು ಓಡಿದ್ದೇವು.  ಓಡಿ ಹೋಗುವಾಗ ನಾನು ಮೂರು ಭಾರಿ ಬಿದ್ದೆ.  ಸ್ಪೋಟ ಭಾರಿ ತೀವ್ರವಾಗಿತ್ತು. ಭೂಮಿಯೇ ನಡುಗಿದಂತೆ ಆಯಿತು. ಜನರು ಸುರಕ್ಷಿತವಾಗಿರಲು ಓಡುವಾಗ ಒಬ್ಬರ ಮೇಲೆ ಒಬ್ಬರು ಬಿದ್ದರು. ನನಗೆ  ಏನು ಅನ್ನಿಸಿತು ಅಂದರೇ, ಎರಡನೇ ಸ್ಪೋಟವಾದರೇ, ನಾವೆಲ್ಲಾ ಸಾಯುತ್ತೇವೆ ಎಂದು  ಅನ್ನಿಸಿತು ಎಂದು ಸ್ಥಳದಲ್ಲಿದ್ದ ಪ್ರತ್ಯಕ್ಷದರ್ಶಿ ವ್ಯಕ್ತಿಯೊಬ್ಬರು ಮಾಧ್ಯಮಗಳ ಜೊತೆ ಮಾತನಾಡುತ್ತಾ ಹೇಳಿದ್ದಾರೆ. 

9.40 PM
ದೆಹಲಿ ರೆಡ್ ಪೋರ್ಟ್ ಬಳಿ ಸಂಭವಿಸಿದ ಸ್ಪೋಟದಲ್ಲಿ ಮೃತರಿಗೆ ಸಿಎಂ ಸಿದ್ದರಾಮಯ್ಯ ಶ್ರದ್ದಾಂಜಲಿ ಸಲ್ಲಿಸಿದ್ದಾರೆ. ಮೈಸೂರಿನಲ್ಲಿರುವ ಸಿಎಂ ಸಿದ್ದರಾಮಯ್ಯ ಮೃತರಿಗೆ ಸಂತಾಪ ಸೂಚಿಸಿದ್ದಾರೆ.  

9.48 PM
ದೆಹಲಿ ರೆಡ್ ಪೋರ್ಟ್ ಬಳಿ ಸಂಭವಿಸಿದ ಸ್ಪೋಟದಲ್ಲಿ ಸಾವನ್ನಪ್ಪಿದವರ ಸಂಖ್ಯೆ 13 ಕ್ಕೇರಿಕೆಯಾಗಿದೆ.

9.49 PM
ದೆಹಲಿ ರೆಡ್ ಪೋರ್ಟ್ ಬಳಿ ಸಂಭವಿಸಿದ ಸ್ಪೋಟದಲ್ಲಿ ಗಾಯಗೊಂಡವರನ್ನು ದೆಹಲಿಯ ಲೋಕನಾಯಕ ಜಯಪ್ರಕಾಶ ನಾರಾಯಣ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಎಲ್‌ಎನ್‌ಜೆಪಿ ಆಸ್ಪತ್ರೆಗೆ ಕೇಂದ್ರ ಗೃಹ ಸಚಿವ ಅಮಿತ್ ಶಾ  ಭೇಟಿ ನೀಡಿ ಗಾಯಾಳುಗಳ ಆರೋಗ್ಯ ವಿಚಾರಿಸಿದ್ದಾರೆ. ವೈದ್ಯರಿಂದ ಗಾಯಾಳುಗಳ ಸ್ಥಿತಿ ಬಗ್ಗೆ ಅಮಿತ್ ಶಾ ಮಾಹಿತಿ ಪಡೆದಿದ್ದಾರೆ. 

9.50 PM
ದೆಹಲಿ ಸ್ಪೋಟದ ಬಗ್ಗೆ ಪ್ರಧಾನಿ ಮೋದಿ ಟ್ವೀಟ್ ಮಾಡಿದ್ದಾರೆ. ಪರಿಸ್ಥಿತಿ ಬಗ್ಗೆ ಅಮಿತ್ ಶಾ ಮತ್ತು ಅಧಿಕಾರಿಗಳಿಂದ ಅವಲೋಕನ ನಡೆಯುತ್ತಿದೆ ಎಂದು ಪ್ರಧಾನಿ ಮೋದಿ  ಟ್ವೀಟ್ ಮಾಡಿದ್ದಾರೆ.  ಮೃತರಿಗೆ ಪ್ರಧಾನಿ ಮೋದಿ ಸಂತಾಪ ಸೂಚಿಸಿದ್ದಾರೆ. 

9.53 PM
ದೆೆಹಲಿ ಸ್ಪೋಟದಲ್ಲಿ ಇದುವರೆಗೂ 13 ಮಂದಿ ಸಾವನ್ನಪ್ಪಿದ್ದಾರೆ. 30 ಮಂದಿ ಗಾಯಗೊಂಡಿದ್ದಾರೆ. 

9.54 PM
ರೆಡ್ ಪೋರ್ಟ್ ಎದುರು ಐ20 ಕಾರಿನಲ್ಲಿ ಮೊದಲಿಗೆ ಸ್ಪೋಟವಾಗಿದೆ ಎಂಬ ಮಾಹಿತಿ ಪೊಲೀಸರಿಗೆ ಲಭ್ಯವಾಗಿದೆ. ಕಾರಿನಲ್ಲಿದ್ದವರು ಕೂಡ ಸ್ಪೋಟದಿಂದ ಸಾವನ್ನಪ್ಪಿದ್ದಾರೆ. ಕಾರಿನಲ್ಲಿ ಮೂವರು ಇದ್ದರು ಎಂಬ ಪ್ರಾಥಮಿಕ ಮಾಹಿತಿ ಪೊಲೀಸರಿಗೆ ಲಭ್ಯವಾಗಿದೆ. 

9.55 PM
ರೆಡ್ ಪೋರ್ಟ್ ಬಳಿ ಸಂಭವಿಸಿದ ಸ್ಪೋಟವು ಉದ್ದೇಶಪೂರ್ವಕವಾಗಿಲ್ಲದೇ ಇರಬಹುದು ಎಂಬ ಶಂಕೆಯೂ ವ್ಯಕ್ತವಾಗುತ್ತಿದೆ. ಬೇರೆ ಸ್ಥಳದಲ್ಲಿ ದೊಡ್ಡ ಸ್ಪೋಟ ನಡೆಸಲು ಕಾರಿನಲ್ಲಿ ಸ್ಪೋಟಕ ಸಾಗಿಸುತ್ತಿದ್ದಿರಬಹುದು. ಇಲ್ಲವೇ ಬೇರೆಡೆ ಸ್ಪೋಟಕ ಸಂಗ್ರಹಿಸಿಡಲು ಸಾಗಿಸುತ್ತಿದ್ದಿರಬಹುದು,  ಆಕಸ್ಮಿಕವಾಗಿ ರೆಡ್ ಪೋರ್ಟ್ ಎದುರು ಟ್ರಾಫಿಕ್ ಸಿಗ್ನಲ್ ನಲ್ಲಿ ಆಕಸ್ಮಿಕ ಸ್ಪೋಟವಾಗಿರಬಹುದು ಎಂಬ ಶಂಕೆಯೂ ಕೂಡ ಪೊಲೀಸರಿಂದ ವ್ಯಕ್ತವಾಗುತ್ತಿದೆ.  ಕಾರಿನಲ್ಲಿದ್ದ ಮೂವರು ಕೂಡ ಸ್ಪೋಟದಲ್ಲಿ ಸಾವನ್ನಪ್ಪಿದ್ದಾರೆ. 
9.59
ದೆಹಲಿ ಪೊಲೀಸರು ಓರ್ವ ಶಂಕಿತನನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. ವಿವಿಧ ತನಿಖಾ ಸಂಸ್ಥೆಗಳು ಏಕಕಾಲಕ್ಕೆ ಸ್ಪೋಟದ ಬಗ್ಗೆ ತನಿಖೆ ನಡೆಸುತ್ತಿವೆ. ರೆಡ್ ಪೋರ್ಟ್ ಬಳಿಯ ಮೆಟ್ರೋ ಸ್ಟೇಷನ್ ಬಳಿಯ ಸಿಸಿಟಿವಿಯ ದೃಶ್ಯಗಳನ್ನು ವಿಶ್ಲೇಷಣೆ ನಡೆಸಲಾಗುತ್ತಿದೆ. 

10 PM
ದೆಹಲಿ ಸ್ಪೋಟದ ಹಿನ್ನಲೆಯಲ್ಲಿ ದೇಶದ ಅನೇಕ ನಗರಗಳಲ್ಲಿ ಹೈ ಆಲರ್ಟ್ ಘೋಷಿಸಲಾಗಿದೆ. ಕೋಲ್ಕತ್ತಾ, ಬಿಹಾರ, ಮಧ್ಯಪ್ರದೇಶ, ಹೈದರಾಬಾದ್, ಡೆಹ್ರಾಡೂನ್, ಹರಿಯಾಣ, ಉತ್ತರ ಪ್ರದೇಶ ರಾಜ್ಯಗಳಲ್ಲಿ ಹೈ ಆಲರ್ಟ್ ಘೋಷಿಸಲಾಗಿದೆ.  ಭದ್ರತಾ ತಪಾಸಣೆಯನ್ನು ಕೂಡ ಹೆಚ್ಚಿಸಲಾಗಿದೆ. 

10.02 PM

ಸ್ಪೋಟ ಸಂಭವಿಸಿದ ಐ20 ಕಾರ್ ಹರಿಯಾಣ ರಾಜ್ಯದ ರಿಜಿಸ್ಟ್ರೇಷನ್ ನಂಬರ್ ಹೊಂದಿತ್ತು ಎಂದು ಸ್ಥಳದಲ್ಲಿದ್ದ ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ.