ಪ್ರಿಯಕರನ ಜೊತೆ ಇದ್ದಿದ್ದನ್ನು ನೋಡಿದಕ್ಕೆ ಮಗನನ್ನೇ ಕೊಂದ ತಾಯಿ! ಆರೋಪಿಗೆ ಈಗ ಜೀವಾವಧಿ ಶಿಕ್ಷೆ!

ಮಧ್ಯಪ್ರದೇಶದ ಗ್ವಾಲಿಯರ್‌ನಲ್ಲಿ ಒಂದು ಆತಂಕಕಾರಿ ಪ್ರಕರಣ ಬೆಳಕಿಗೆ ಬಂದಿದೆ.  ಮಹಿಳೆಯೊಬ್ಬರಿಗೆ ತನ್ನ ಐದು ವರ್ಷದ ಮಗನನ್ನು ಕೊಂದ ಆರೋಪದ ಮೇಲೆ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ. ಪ್ರಾಸಿಕ್ಯೂಷನ್ ಪ್ರಕಾರ, ಈ ಘಟನೆ ಏಪ್ರಿಲ್ 28, 2023 ರಂದು ನಡೆದಿದೆ.  ಪೊಲೀಸ್ ಕಾನ್‌ಸ್ಟೆಬಲ್ ಧ್ಯಾನ್ ಸಿಂಗ್ ರಾಥೋಡ್ ಅವರ ಪತ್ನಿ ಜ್ಯೋತಿ ರಾಥೋಡ್, ತನ್ನ ನೆರೆಯ ಉದಯ್ ಇಂಡೋಲಿಯಾ ಜೊತೆ ಸಂಬಂಧ ಹೊಂದಿದ್ದರು ಎಂದು ಆರೋಪಿಸಲಾಗಿದೆ. ಜ್ಯೋತಿಯ ಮಗ ಜತಿನ್, ತನ್ನ ತಾಯಿ ಉದಯ್ ಜೊತೆ ಚಕ್ಕಂದ ಆಡುವ  ಸ್ಥಿತಿಯಲ್ಲಿ ಇರುವುದನ್ನು ನೋಡಿದ್ದಾನೆ ಎಂದು ತನಿಖಾಧಿಕಾರಿಗಳು ತಿಳಿಸಿದ್ದಾರೆ.

ಜತಿನ್ ತಾನು ಕಂಡದ್ದನ್ನು (ತನ್ನ ತಂದೆ ಧ್ಯಾನ್‌ಗೆ) ಬಹಿರಂಗಪಡಿಸಬಹುದೆಂದು ಭಯಪಟ್ಟ ಜ್ಯೋತಿ ಭಯಾನಕ ಹೆಜ್ಜೆ ಇಟ್ಟಳು. ತನ್ನ ಐದು ವರ್ಷದ ಮಗನನ್ನು ಕಟ್ಟಡದ ಎರಡು ಅಂತಸ್ತಿನ ಛಾವಣಿಯಿಂದ ಎಸೆದಳು. ಜತಿನ್ ಜೀವನ್ಮರಣದ ನಡುವೆ ಹೋರಾಟ ನಡೆಸಿದ್ದ.  ಆದರೆ 24 ಗಂಟೆಗಳಲ್ಲಿ ಸಾವನ್ನಪ್ಪಿದನು.

ಪ್ರಕರಣವನ್ನು ಆರಂಭದಲ್ಲಿ ಅಪಘಾತ ಎಂದು ಪರಿಗಣನೆ
ಆರಂಭದಲ್ಲಿ, ಜತಿನ್ ಸಾವನ್ನು ಮೇಲ್ಛಾವಣಿಯಿಂದ ಬಿದ್ದು ಸಂಭವಿಸಿದ ಅಪಘಾತ ಎಂದು ಪರಿಗಣಿಸಲಾಗಿತ್ತು. ಆದರೆ ಸತ್ಯವನ್ನು ಸಮಾಧಿಯಾಗಿಡಲು ಸಾಧ್ಯವಾಗಲಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಅಪರಾಧ ನಡೆದ ಹದಿನೈದು ದಿನಗಳ ನಂತರ, ಜ್ಯೋತಿ ಮನನೊಂದು ಧ್ಯಾನ್‌ಗೆ ತಪ್ಪೊಪ್ಪಿಕೊಂಡಳು.

ತನ್ನ ಮಗನ ಮರಣದ ನಂತರ, ಏನೋ ಭೀಕರವಾಗಿ ತಪ್ಪಾಗಿದೆ ಎಂದು ಧ್ಯಾನ್‌ಗೆ ಅನುಮಾನ ಬರಲು ಪ್ರಾರಂಭಿಸಿತ್ತು. ಜ್ಯೋತಿ ಏನಾಯಿತು ಎಂದು ಒಪ್ಪಿಕೊಂಡ ಅನೇಕ ಆಡಿಯೋ ಮತ್ತು ವಿಡಿಯೋ ಸಂಭಾಷಣೆಗಳನ್ನು ಅವರು ರೆಕಾರ್ಡ್ ಮಾಡಿದ್ದಾರೆ ಮತ್ತು ಅವರ ಮನೆಯಲ್ಲಿ ಅಳವಡಿಸಲಾದ ಸಿಸಿಟಿವಿ ಕ್ಯಾಮೆರಾಗಳಿಂದ ದೃಶ್ಯಾವಳಿಗಳನ್ನು ಸಹ ಸಂಗ್ರಹಿಸಿದ್ದಾರೆ. 

ಈ ದೋಷಾರೋಪಣೆಯ ಸಾಕ್ಷ್ಯಗಳೊಂದಿಗೆ ಧ್ಯಾನ್ ಪೊಲೀಸರನ್ನು ಸಂಪರ್ಕಿಸಿ ದೂರು ದಾಖಲಿಸಿದರು. ಜ್ಯೋತಿಯ ಪ್ರಿಯಕರನನ್ನು ಆರೋಪಿ ಎಂದು ಹೆಸರಿಸಲಾಯಿತು ಆದರೆ ನಂತರ ಖುಲಾಸೆಗೊಳಿಸಲಾಯಿತು

ಪೊಲೀಸರು ಪ್ರಕರಣ ದಾಖಲಿಸಿ ಜ್ಯೋತಿ ಮತ್ತು ಆಕೆಯ ಪ್ರಿಯಕರ ಉದಯ್ ಅವರನ್ನು ಆರೋಪಿಗಳೆಂದು ಹೆಸರಿಸಿದರು. ತನಿಖೆಯ ನಂತರ, ನ್ಯಾಯಾಲಯದಲ್ಲಿ ಆರೋಪಪಟ್ಟಿ ಸಲ್ಲಿಸಲಾಯಿತು. ವಿಚಾರಣೆಯ ಸಮಯದಲ್ಲಿ, ನ್ಯಾಯಾಲಯವು ಪ್ರಸ್ತುತಪಡಿಸಿದ ಸಾಕ್ಷ್ಯಗಳ ಆಧಾರದ ಮೇಲೆ ಜ್ಯೋತಿಯನ್ನು ತಪ್ಪಿತಸ್ಥೆ ಎಂದು ಘೋಷಿಸಿ ಜೀವಾವಧಿ ಶಿಕ್ಷೆ ವಿಧಿಸಿತು.
ಉದಯ್ ವಿರುದ್ಧ ಸಾಕ್ಷ್ಯಾಧಾರಗಳ ಕೊರತೆಯನ್ನು ಉಲ್ಲೇಖಿಸಿ ನ್ಯಾಯಾಲಯವು ಅವರನ್ನು ಖುಲಾಸೆಗೊಳಿಸಿತು.

ಪತಿಯ ದೂರಿನ ನಂತರ ಪ್ರಕರಣವನ್ನು ದಾಖಲಿಸಲಾಗಿದೆ ಎಂದು ಥಾಟಿಪುರ ಪೊಲೀಸ್ ಠಾಣೆಯ ಉಸ್ತುವಾರಿ ಕಮಲ್ ಕಿಶೋರ್ ಹೇಳಿದ್ದಾರೆ ಮತ್ತು ತನಿಖೆಯು ಸಿಸಿಟಿವಿ ಪರಿಶೀಲನೆ ಸೇರಿದಂತೆ ಪತ್ನಿಯ ಪಾತ್ರದ ಕಡೆಗೆ ತೋರಿಸಿದೆ.

ಜ್ಯೋತಿಯನ್ನು ಅಪರಾಧಿ ಎಂದು ಘೋಷಿಸಲು ನ್ಯಾಯಾಲಯವು ಸಾಂದರ್ಭಿಕ ಸಾಕ್ಷ್ಯಗಳನ್ನು ಅವಲಂಬಿಸಿದೆ ಎಂದು ಸರ್ಕಾರಿ ವಕೀಲ ಧರ್ಮೇಂದ್ರ ಶರ್ಮಾ ಹೇಳಿದರು. ಆದರೆ ಎರಡನೇ ಆರೋಪಿಗೆ ಅನುಮಾನದ ಲಾಭವನ್ನು ನೀಡಲಾಯಿತು.


ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ