ದೆಹಲಿಯಲ್ಲಿ ಸ್ವಾಟ್ ಮಹಿಳಾ ಕಮ್ಯಾಂಡೋ ಹತ್ಯೆ : ಕಾರಣವೇನು ? ಹಂತಕ ಯಾರು ಗೊತ್ತಾ?

ದೆಹಲಿ ಪೊಲೀಸ್ ಇಲಾಖೆಯ  27 ವರ್ಷದ ಸ್ವಾಟ್ ಕಮಾಂಡೋ ಮೇಲೆ ಆಕೆಯ ಪತಿ ಕ್ರೂರವಾಗಿ ಹಲ್ಲೆ ನಡೆಸಿ ಭಾರವಾದ ಡಂಬ್ಬೆಲ್ ನಿಂದ ತಲೆಗೆ ಹೊಡೆದ ಪರಿಣಾಮ ಆಕೆ ಸಾವನ್ನಪ್ಪಿದ್ದಾಳೆ. ಕಾಜಲ್ ಚೌಧರಿ ಪತಿಯಿಂದಲೇ ಹತ್ಯೆಯಾದ ಸ್ವಾಟ್ ಕಮ್ಯಾಂಡೋ ಆಗಿದ್ದಾರೆ. 

ಜನವರಿ 22 ರಂದು ರಕ್ಷಣಾ ಸಚಿವಾಲಯದಲ್ಲಿ ಗುಮಾಸ್ತನಾಗಿರುವ ಆಕೆಯ ಪತಿ ಅಂಕುರ್ ಹಲ್ಲೆ ನಡೆಸಿದ್ದಾನೆ. ಹಣಕಾಸಿನ ವಿಷಯವಾಗಿ ಆಗಾಗ್ಗೆ ಕಮ್ಯಾಂಡೋ ಆಗಿರುವ ಕಾಜಲ್ ಚೌಧರಿ ಮತ್ತು ಪತಿ ಅಂಕುರ್‌ ನಡುವೆ  ಜಗಳಗಳು ಉಲ್ಬಣಗೊಂಡಿದ್ದರಿಂದ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಮಂಗಳವಾರ ಚಿಕಿತ್ಸೆಯ ಸಮಯದಲ್ಲಿ ಸಾವನ್ನಪ್ಪಿದ್ದಾಳೆ.

ಪಾರ್ಲಿಮೆಂಟ್ ಸ್ಟ್ರೀಟ್ ಪೊಲೀಸ್ ಠಾಣೆಯಲ್ಲಿ ಕಾನ್‌ಸ್ಟೆಬಲ್ ಆಗಿರುವ ಚೌಧರಿ ಅವರ ಸಹೋದರ ನಿಖಿಲ್, ಆಕೆಯ ಮೇಲೆ ಹಲ್ಲೆ ನಡೆದ ದಿನ ತನ್ನ ಸಹೋದರಿ ತನಗೆ ಕರೆ ಮಾಡಿದ್ದಳು ಎಂದು ಹೇಳಿದ್ದಾರೆ. ತಾನು ತನ್ನ ಸಹೋದರಿಯೊಂದಿಗೆ ಫೋನ್‌ನಲ್ಲಿ ಮಾತನಾಡುತ್ತಿದ್ದಾಗ ಅಂಕುರ್ ಆಕೆಗೆ ಡಂಬ್ಬೆಲ್ ನಿಂದ ಹೊಡೆಯಲು ಪ್ರಾರಂಭಿಸಿದ್ದಾಗಿ ಅವರು ಹೇಳಿದರು. ಕೆಲವು ನಿಮಿಷಗಳ ನಂತರ, ಅಂಕುರ್ ದೂರವಾಣಿ ಮೂಲಕ ಹಲ್ಲೆಯ ಬಗ್ಗೆ ಸ್ಪಷ್ಟವಾಗಿ ತಿಳಿಸಿದ್ದಾನೆ.

ಕಾಜಲ್‌ ಚೌಧರಿ ಅವರ ಅತ್ತೆ ಮತ್ತು ಇಬ್ಬರು ಅತ್ತಿಗೆಯರು ನಿರಂತರವಾಗಿ ವರದಕ್ಷಿಣೆ ಕಿರುಕುಳ ನೀಡುತ್ತಿದ್ದಾರೆ ಎಂದು ನಿಖಿಲ್‌ ಆರೋಪಿಸಿದ್ದಾರೆ.

ಅಂಕುರ್ ವಿರುದ್ಧ ಕೊಲೆ ಪ್ರಕರಣ ದಾಖಲಾಗಿದ್ದು, ಆತನನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಕಳುಹಿಸಲಾಗಿದೆ.

ಕಾಜಲ್‌ ಚೌಧರಿ ಅವರನ್ನು 2022 ರಲ್ಲಿ ದೆಹಲಿ ಪೊಲೀಸ್ ಇಲಾಖೆಗೆ ನೇಮಿಸಲಾಯಿತು ಮತ್ತು ಪ್ರಸ್ತುತ ವಿಶೇಷ ಶಸ್ತ್ರಾಸ್ತ್ರಗಳು ಮತ್ತು ತಂತ್ರಗಳು (SWAT) ತಂಡದಲ್ಲಿ ನಿಯೋಜಿಸಲಾಗಿದೆ. ಅವರು 2023 ರಲ್ಲಿ ದೆಹಲಿ ಕಂಟೋನ್ಮೆಂಟ್‌ನಲ್ಲಿ ನಿಯೋಜಿಸಲ್ಪಟ್ಟಿದ್ದ ಅಂಕುರ್ ಅವರನ್ನು ವಿವಾಹವಾದರು ಮತ್ತು ವರದಿಯ ಪ್ರಕಾರ ದಂಪತಿಗೆ ಒಂದೂವರೆ ವರ್ಷದ ಮಗನಿದ್ದಾನೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ