ದೆಹಲಿಯಲ್ಲಿ ಕಾರ್ ಸ್ಪೋಟಿಸಿದ್ದ ಉಮರ್ ನಬಿಯ ಮನೆ ಧ್ವಂಸ: ಜಮ್ಮು ಕಾಶ್ಮೀರ ಪೊಲೀಸರಿಂದ ಮನೆ ಧ್ವಂಸ!

ಭಾರತದ ನೆಲದಲ್ಲಿ ಭಯೋತ್ಪಾದನೆ ನಡೆಸುವವರಿಗೆ ಕಠಿಣ ಸಂದೇಶ ರವಾನಿಸುವ ಉದ್ದೇಶದಿಂದ ಮನೆ ನೆಲಸಮ ಮಾಡಲಾಗಿದೆ. ಭಯೋತ್ಪಾದನೆ ನಡೆಸವವರನ್ನು ಸಹಿಸಲ್ಲ. ಅವರನ್ನು ಮಟ್ಟ ಹಾಕದೇ ಬಿಡಲ್ಲ ಎಂಬ ಸಂದೇಶವನ್ನು ಈ ಮೂಲಕ ರವಾನಿಸಲಾಗಿದೆ. 
ಈ ಹಿಂದೆ ಪಹಲ್ಗಾಮ್ ದಾಳಿಕೋರರಿಗೆ ನೆರವು ನೀಡಿದವರು ಮತ್ತು ಪಹಲ್ಗಾಮ್ ದಾಳಿಯಲ್ಲಿ ಭಾಗಿಯಾದ ಕಾಶ್ಮೀರದ ಸ್ಥಳೀಯ ಮನೆಗಳನ್ನು ಇದೇ ರೀತಿ ನೆಲಸಮ ಮಾಡಲಾಗಿತ್ತು. 
ಈಗ ದೆಹಲಿಯ ರೆಡ್ ಪೋರ್ಟ್ ಕಾರ್ ಬಾಂಬ್ ಸ್ಪೋಟ ಕೇಸ್ ನಲ್ಲೂ ಅದೇ ತಂತ್ರವನ್ನು ಭಾರತದ ಭದ್ರತಾ ಪಡೆಗಳು  ಅನುಸರಿಸಿವೆ. ಭಯೋತ್ಪಾದನೆ ನಡೆಸುವವರಿಗೆ ಆಶ್ರಯ, ವಾಸಕ್ಕೂ ಮನೆ ಇಲ್ಲದಂತೆ ಮಾಡಲಾಗುತ್ತಿದೆ. ಭಯೋತ್ಪಾದನೆ ನಡೆಸುವವರಿಗೆ ಭಾರತದಲ್ಲಿ ನೆಲೆ ಸಿಗಲ್ಲ. ನೆಲೆ ಕೊಡಬಾರದು ಎಂಬುದು ಭಾರತದ ಭದ್ರತಾ ಪಡೆಗಳು, ಸರ್ಕಾರದ ಕಠಿಣ ನಿಲುವು.