ಗಂಡನನ್ನು ಕೊಂದು ರಾತ್ರಿ ಇಡೀ ಸೆಕ್ಸ್ ವಿಡಿಯೋ ನೋಡಿದ ಪತ್ನಿ!! ಆರೋಪಿ ಪತ್ನಿ ಬಂಧನ

ಆಂಧ್ರಪ್ರದೇಶದಲ್ಲಿ ಒಂದು ಕಳವಳಕಾರಿ ಕೊಲೆ ಪ್ರಕರಣ ಬೆಳಕಿಗೆ ಬಂದಿದ್ದು, ಗುಂಟೂರು ಜಿಲ್ಲೆಯ ಚಿಲುವೂರು ಗ್ರಾಮದಲ್ಲಿ ತನ್ನ ಪ್ರಿಯಕರನ ಸಹಾಯದಿಂದ ತನ್ನ ಪತಿಯನ್ನು ಕೊಂದ ಆರೋಪದ ಮೇಲೆ ಮಹಿಳೆಯೊಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.   ನಂತರ ಆಕೆಯು  ಪತಿಯ ಶವ ಪಕ್ಕದಲ್ಲಿರುವಾಗ,  ಆಕೆ ಅಶ್ಲೀಲ ವೀಡಿಯೊಗಳನ್ನು ಮೊಬೈಲ್ ನಲ್ಲಿ  ವೀಕ್ಷಿಸಿದ್ದಾಳೆ.
ಪೊಲೀಸರ ಪ್ರಕಾರ, ಆರೋಪಿ ಲಕ್ಷ್ಮಿ ಮಾಧುರಿ, ವೃತ್ತಿಯಲ್ಲಿ ಈರುಳ್ಳಿ ವ್ಯಾಪಾರಿಯಾಗಿದ್ದ ತನ್ನ ಪತಿ ಲೋಕಂ ಶಿವ ನಾಗರಾಜು ಅವರ ಕೊಲೆಯನ್ನು ಪ್ಲ್ಯಾನ್ ಮಾಡಿ ಮಾಡಿದ್ದಾಳೆ. 
ಘಟನೆಯ ರಾತ್ರಿ, ಮಾಧುರಿ ನಾಗರಾಜುಗೆ ಬಿರಿಯಾನಿ ತಯಾರಿಸಿ, ಅದನ್ನು ಒಂದು ವಸ್ತುವಿನೊಂದಿಗೆ ಬೆರೆಸಿ ಗಾಢ ನಿದ್ರೆಗೆ ಜಾರಿಸಿದ್ದಾಳೆ ಎಂದು ತನಿಖಾಧಿಕಾರಿಗಳು ಬಹಿರಂಗಪಡಿಸಿದ್ದಾರೆ.
ಗಂಡ ನಿದ್ದೆಗೆ ಜಾರಿದ ನಂತರ ಕೊಲೆಯ ಯೋಜನೆಯ ಮುಂದಿನ ಹಂತವನ್ನು ಪ್ರಾರಂಭಿಸಲಾಯಿತು.
ರಾತ್ರಿ 11.30 ರ ಸುಮಾರಿಗೆ, ಮಾಧುರಿಯ ಪ್ರಿಯಕರ ಎಂದು ಗುರುತಿಸಲ್ಪಟ್ಟ ಗೋಪಿ ದಂಪತಿಗಳ ನಿವಾಸಕ್ಕೆ ಆಗಮಿಸಿದ್ದಾನೆ . ಗೋಪಿ,  ನಾಗರಾಜುನನ್ನು ಅವನ ಎದೆಯ ಮೇಲೆ ಕುಳಿತು  ಹಿಡಿದುಕೊಂಡಿದ್ದಾನೆ.  ಆಗ ಮಾಧುರಿ ದಿಂಬನ್ನು ಬಳಸಿ ತನ್ನ ಪತಿಯನ್ನು ಉಸಿರುಗಟ್ಟಿಸಿ ಕೊಲೆ ಮಾಡಿದ್ದಾಳೆ. ಇದರಿಂದ  ನಾಗರಾಜು ಸ್ಥಳದಲ್ಲೇ ಸಾವನ್ನಪ್ಪಿದ್ದಾನೆ.  ಲೋಕಂ ಶಿವ ನಾಗರಾಜ್ ಇನ್ನು ಜೀವಂತವಾಗಿಲ್ಲ ಎಂದು ಖಚಿತಪಡಿಸಿಕೊಂಡ ನಂತರ, ಗೋಪಿ ಮನೆಯಿಂದ ಹೊರಟುಹೋದನು, ಮಾಧುರಿಯನ್ನು ಶವದೊಂದಿಗೆ ಒಂಟಿಯಾಗಿ ಬಿಟ್ಟು ಹೋದನು.

ನಂತರ ನಡೆದ ಘಟನೆ ತನಿಖಾಧಿಕಾರಿಗಳನ್ನು ಮತ್ತಷ್ಟು ಗಾಬರಿಗೊಳಿಸಿತು. ಸಹಾಯ ಪಡೆಯುವ ಅಥವಾ ನೆರೆಹೊರೆಯವರಿಗೆ ತಿಳಿಸುವ ಬದಲು, ಮಾಧುರಿ ರಾತ್ರಿಯಿಡೀ ಮನೆಯಲ್ಲಿಯೇ ಇದ್ದಳು. 
ಈ ಸಮಯದಲ್ಲಿ, ಅವಳು ತನ್ನ ಗಂಡನ ಶವದ ಬಳಿ ಕುಳಿತು  ಮೊಬೈಲ್ ನಲ್ಲಿ ರಾತ್ರಿ ಪೂರ್ತಿ ಅಶ್ಲೀಲ ವೀಡಿಯೊಗಳನ್ನು ವೀಕ್ಷಿಸುತ್ತಿದ್ದಳು ಎಂದು ಪೊಲೀಸರು ಹೇಳಿದ್ದಾರೆ. ಮಾಧುರಿಯ ಮೊಬೈಲ್ ಪೋನ್ ವಶಕ್ಕೆ ಪಡೆದು ಪರಿಶೀಲಿಸಿದಾಗ, ರಾತ್ರಿ ಇಡೀ ಸೆಕ್ಸ್ ವಿಡಿಯೋ ನೋಡಿರುವುದು ಬೆಳಕಿಗೆ ಬಂದಿದೆ. 
ಕೊಲೆ ಬಗ್ಗೆ ಅಕ್ಕಪಕ್ಕದವರ ಕೊಟ್ಟ ಮಾಹಿತಿ ಆಧಾರದ ಮೇಲೆ ಹಾಗೂ ಶವದ ಪೋಸ್ಟ್ ಮಾರ್ಟಂ ವರದಿ ಆಧಾರದ ಮೇಲೆ ಪತ್ನಿ ಮಾಧುರಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಆರೋಪಿ ಮಾಧುರಿ ತಾನೇ, ತನ್ನ ಗಂಡನನ್ನು ಕೊಂದಿದ್ದಾಗಿ ಒಪ್ಪಿಕೊಂಡಿದ್ದಾಳೆ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ