ಲೇಡಿ ಸೂಪರ್ ಸ್ಟಾರ್ ನಯನತಾರಾಗೆ ಬಿಗ್​ಶಾಕ್​.. ಕೋಟಿ ಕೋಟಿ ಹಣ ಕೇಳಿದ ನಿರ್ಮಾಪಕ, ಯಾಕೆ?

ಖ್ಯಾತ ಬಹುಭಾಷಾ ನಟಿ, ಲೇಡಿ ಸೂಪರ್ ಸ್ಟಾರ್ ನಯನತಾರಾ ದಕ್ಷಿಣ ಭಾರತದಲ್ಲೇ ಅತ್ಯಂತ ಜನಪ್ರಿಯ ನಟಿ. ಇತ್ತೀಚೆಗಷ್ಟೇ ನಯನತಾರಾ ಬಿಯಾಂಡ್ ದಿ ಫೇರಿಟೇಲ್ (Nayanthara: Beyond the Fairytale) ಎನ್ನುವ ಸಾಕ್ಷ್ಯ ಚಿತ್ರದಲ್ಲಿ ಅಭಿನಯ ಮಾಡಿದ್ದರು. ಇದು ನಯನತಾರಾ ಅವರದೇ ಕಥೆ ಆಗಿದೆ. ಆದರೆ ಈ ಸಿನಿಮಾ ರಿಲೀಸ್ ಆಗಿದ್ದೇ ಆಗಿದ್ದು ನಟಿಗೆ ಇನ್ನಿಲ್ಲದಂತೆ ಕಾನೂನು ತೊಡಕುಗಳು ಕಾಡಲಾರಂಭಿಸಿವೆ.

ನಯನತಾರಾ ಬಿಯಾಂಡ್ ದಿ ಫೇರಿಟೇಲ್ ಸಿನಿಮಾದಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯ ಮಾಡಿರುವ ತಮಿಳು ಚಂದ್ರಮುಖಿ ಸಿನಿಮಾದ ಕೆಲ ಕ್ಲಿಪ್​​ಗಳನ್ನು ಬಳಸಿಕೊಂಡಿದ್ದಾರೆ ಎನ್ನಲಾಗಿದೆ. ಆದರೆ ಚಂದ್ರಮುಖಿ ಸಿನಿಮಾದ ಕ್ಲಿಪ್​ಗಳನ್ನು ಉಪಯೋಗಿಸಿಕೊಳ್ಳಬೇಕಾದರೆ ನಯನತಾರಾ ಅವರು ನಿರ್ಮಾಪಕರಾದ ಪ್ರಭು ಹಾಗೂ ಪಾರ್ಥ ಸಾರಥಿ ಗವರ ಅವರ ಅನುಮತಿ ಪಡೆದಿಲ್ಲ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ:BIGG BOSS ಗ್ರ್ಯಾಂಡ್​ ಫಿನಾಲೆಗೆ ಈ ನಾಲ್ವರು ಹೋಗೋದು ಫಿಕ್ಸ್​.. ಟಾಸ್ಕ್​ನಲ್ಲಿ ರಜತ್ ಆಯ್ಕೆ ಸರಿನಾ?

ಸದ್ಯ ಈ ಸಂಬಂಧ ಚಂದ್ರಮುಖಿ ಸಿನಿಮಾದ ನಿರ್ಮಾಪಕರು, ನೆಟ್​​ಫ್ಲಿಕ್ಸ್​ ಹಾಗೂ ನಟಿ ನಯನತಾರಾಗೆ ಕಾನೂನು ಪ್ರಕಾರ ನೋಟಿಸ್ ನೀಡಿದ್ದಾರೆ. ಅನುಮತಿ ಇಲ್ಲದೇ ನಮ್ಮ ಸಿನಿಮಾದ ಕ್ಲಿಪ್​ಗಳನ್ನು ಉಪಯೋಗಿಸಿಕೊಂಡಿದ್ದಕ್ಕೆ 5 ಕೋಟಿ ರೂಪಾಯಿ ಪರಿಹಾರ ನೀಡುವಂತೆ ನೋಟಿಸ್​ನಲ್ಲಿ ತಿಳಿಸಿದ್ದಾರೆ ಎಂದು ಹೇಳಲಾಗಿದೆ.

2024ರ ನವೆಂಬರ್​​ನಲ್ಲಿ ತಮಿಳು ನಟ ಧನುಷ್ ಕೂಡ ಕಾನೂನು ಪ್ರಕಾರ ನಯನತಾರಾಗೆ ನೋಟಿಸ್ ನೀಡಿ 10 ಕೋಟಿ ರೂಪಾಯಿ ಪರಿಹಾರ ಕೇಳಿದ್ದರು. ನಾನು ರೌಡಿ ಧಾನ್ ಎನ್ನುವ ಧನುಷ್ ಅವರ ಸಿನಿಮಾದಲ್ಲಿನ ದೃಶ್ಯಗಳನ್ನು ಅನುಮತಿ ಪಡೆಯದೇ ಬಳಸಿಕೊಂಡಿದ್ದಕ್ಕೆ ಕೋರ್ಟ್​ ಮೊರೆ ಹೋಗಿದ್ದರು. ಇದರ ಬೆನ್ನಲ್ಲೇ ಈಗ ಚಂದ್ರಮುಖಿ ಸಿನಿಮಾದ ನಿರ್ಮಾಪಕರು ನೋಟಿಸ್ ಕೊಟ್ಟು 5 ಕೋಟಿ ರೂಪಾಯಿ ಪರಿಹಾರ ಕೇಳಿದ್ದಾರೆ. ಇನ್ನು ನೋಟಿಸ್ ನೀಡಿರುವ ಕುರಿತು ನಯನತಾರಾ ಮತ್ತು ನೆಟ್​ಫ್ಲಿಕ್ಸ್​ ಸಿಬ್ಬಂದಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ ಎನ್ನಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ