ಎಡ್ವಿನಾ ಮೌಂಟ್​ ಬ್ಯಾಟನ್​ಗೆ ಪತ್ರ ಬರೆದಿದ್ರಾ ನೆಹರು? ಸೋನಿಯಾ ಗಾಂಧಿ ಮಾಡಿದ್ದೇನು? ರಾಹುಲ್​ ಗಾಂಧಿಗೆ PMML ಪತ್ರ!

ಎಡ್ವಿನಾ ಮೌಂಟ್​ಬ್ಯಾಟನ್ ಹಾಗೂ ನೆಹರು ನಡುವಿನ ಸ್ನೇಹ ಅನೇಕ ವಿವಾದಗಳನ್ನು ಹೊಂದಿವೆ.ಅನೇಕ ವೇದಿಕೆಗಳಲ್ಲಿ ಅವರ ಸಂಬಂಧದ ಬಗ್ಗೆ ಚರ್ಚೆಯಾಗಿವೆ. ಎಡ್ವಿನಾ ಅವರ ಪುತ್ರಿ ಲೇಡಿ ಪಮೇಲಾ ಹಿಕ್ಸ್​ ಬರೆದ ‘ಡಾಟರ್ ಆಫ್​ ಎಂಪೈರ್‘​ ಪುಸ್ತಕದಲ್ಲಿಯೂ ಕೂಡ ನೆಹರು ಹಾಗೂ ಎಡ್ವಿನಾ ನಡುವಿನ ಸಂಬಂಧ ಹೇಗಿತ್ತು ಎಂಬುದರ ಉಲ್ಲೇಖವಾಗಿತ್ತು. ಈಗ ಇದೇ ಎಡ್ವಿನಾ ಮೌಂಟ್ ಬ್ಯಾಟನ್​ಗೆ ನೆಹರು ಅವರು ಬರೆದ ಪತ್ರಗಳನ್ನು ಸೋನಿಯಾ ಗಾಂಧಿ ತಮ್ಮ ವಶದಲ್ಲಿ ಇಟ್ಟುಕೊಂಡಿದ್ದಾರೆ ದಯವಿಟ್ಟು ಅವುಗಳನ್ನು ಹಿಂದಿರುಗಿಸಿ ಎಂದು ಪ್ರಧಾನಮಂತ್ರಿ ವಸ್ತು ಸಂಗ್ರಹಾಲಯ ಮತ್ತು ಗ್ರಂಥಾಲಯ (PMML) ಕಾಂಗ್ರೆಸ್​ನ ಎಂಪಿ ಹಾಗೂ ವಿಪಕ್ಷ ನಾಯಕ ರಾಹುಲ್ ಗಾಂಧಿಗೆ ಪತ್ರ ಬರೆದಿದೆ. ಈ ವಿಷಯ ಈಗ ರಾಷ್ಟ್ರ ಮಟ್ಟದಲ್ಲಿ ಚರ್ಚೆಯಾಗುತ್ತಿದೆ.

2008ರಲ್ಲಿ ಸೋನಿಯಾ ಗಾಂಧಿಯವರು ನೆಹರು ಮೆಮೊರಿಯಲ್ ಮ್ಯೂಸಿಯಂ ಆ್ಯಂಡ್​ ಲೈಬ್ರರಿಗೆ ನೀಡಲಾಗಿದ್ದ ನೆಹರು ಅವರಿಗೆ ಸಂಬಂಧಿಸಿದ ಪತ್ರಗಳನ್ನು ವಾಫಸ್​ ಪಡೆದಿದ್ದಾರೆ ಎಂಬುದು ಈಗ ತಿಳಿದು ಬಂದಿದೆ ಅವುಗಳನ್ನು ಹಿಂದಿರುಗಿಸಿ ಎಂದು ಪಿಎಂಎಂಎಲ್​ ರಾಹುಲ್ ಗಾಂಧಿಯವರಿಗೆ ಪತ್ರ ಬರೆದಿದೆ.

ಇದನ್ನೂ ಓದಿ:Zakir Hussain; ಝಾಕೀರ್ ಹುಸೇನ್ ಇನ್ನಿಲ್ಲ, ತಬಲಾ ಮಾಂತ್ರಿಕನ ಜೀವನ ಹೇಗಿತ್ತು?

ರಾಹುಲ್ ಗಾಂಧಿಗೆ ಬರೆದಿರುವ ಪತ್ರದಲ್ಲಿ ನೆಹರು ದೇಶ-ವಿದೇಶದ ಅನೇಕರೊಂದಿಗೆ ನಡೆಸಿದ್ದ ಪತ್ರ ವ್ಯವಹಾರಗಳು ಇವೆ. ನೆಹರು ಎಡ್ವಿನಾ ಮೌಂಟ್​ ಬ್ಯಾಟನ್, ಅಲ್ಬರ್ಟ್ ಐನ್​ಸ್ಟನ್, ಅರುನಾ ಅಸಫ್ ಅಲಿ, ಜಯಪ್ರಕಾಶ ನಾರಾಯಣ, ವಿಜಯಲಕ್ಷ್ಮೀ ಪಂಡಿತ್, ಬಾಬು ಜಗಜೀವನ್​ರಾಮ್ ಮತ್ತು ಗೋವಿಂದ ಬಲ್ಲಾಬ್​ ಪಂತ್ ಅವರಿಗೆ ಬರೆದ ಪತ್ರಗಳನ್ನು ಸೋನಿಯಾ ಗಾಂಧಿ ತಮ್ಮ ವಶದಲ್ಲಿಟ್ಟುಕೊಂಡಿದ್ದಾರಂತೆ ಎಂದು ಅಹ್ಮದಾಬಾದ್ ಮೂಲದ ಇತಿಹಾಸಕಾರ ಹಾಗೂ ಪಿಎಂಎಂಎಲ್​ನ ಸದಸ್ಯ ರಿಜ್ವಾನ್ ಖದ್ರಿ ಹೇಳಿದ್ದಾರೆ. ರಾಹುಲ್ ಗಾಂಧಿಯವರಿಗೆ ಪತ್ರ ಬರೆದಿರುವ ಪತ್ರದಲ್ಲಿ, ಹಲವು ಸಂದರ್ಭಗಳಲ್ಲಿ ಹಲವು ಜನರಿಗೆ ನೆಹರು ಬರೆದಿದ್ದ ಪತ್ರಗಳು ಸುಮಾರು 51 ಪೆಟ್ಟಿಗೆಯಲ್ಲಿ ಇದ್ದವು. ಅವುಗಳು ಈಗ ಸೋನಿಯಾ ಗಾಂಧಿ ವಶದಲ್ಲಿದ್ದು ಅವುಗಳನ್ನು ಪುನಃ ನೀಡಬೇಕು ಎಂದು ಹೇಳಲಾಗಿದೆ.

ಸೆಪ್ಟೆಂಬರ್ 9 ರಂದು ಬರೆದ ಪತ್ರದಲ್ಲಿ ಸೋನಿಯಾ ಗಾಂಧಿಯವರ ಹೆಸರನ್ನು ಉಲ್ಲೇಖಿಸಿರುವ ಖದ್ರಿ, ದೇಶದ ಇತಿಹಾಸವಾಗಿ ಆ ಪತ್ರಗಳನ್ನು ನಾವು ಸುಭದ್ರವಾಗಿ ಇಟ್ಟುಕೊಳ್ಳುವುದು ತುಂಬಾ ಪ್ರಮುಖವಾದದ್ದು. ಹೀಗಾಗಿ ಸೋನಿಯಾ ಗಾಂಧಿಯವರು ಆ ಪತ್ರಗಳನ್ನು ವಾಪಸ್ ಕೊಡಲಿ, ಇಲ್ಲವೇ ಕಾಪಿಗಳನ್ನು ಹಂಚಿಕೊಳ್ಳಲಿ ಅಥವಾ ಡಿಜಿಟಲ್​ ಮಾದರಿಯಲ್ಲಿ ಹಿಂದಿರುಗಿಸಲಿ ಎಂದು ಕೇಳಿಕೊಂಡಿದ್ದಾರೆ.
ಈ ಒಂದು ಪತ್ರ ಈಗ ಬಿಜೆಪಿಗೆ ದೊಡ್ಡ ಅಸ್ತ್ರವಾಗಿ ಸಿಕ್ಕಿದೆ. ಬಿಜೆಪಿ ಸಂಸದ ಸಂಬೀತ್ ಪಾತ್ರ ಕಾಂಗ್ರೆಸ್​ ವಿರುದ್ಧ ಈ ವಿಚಾರವಾಗಿ ಗುಡುಗಿದ್ದಾರೆ. ಆ ಪತ್ರಗಳಲ್ಲಿ ಏನಿದೆ ಎಂದು ಈ ದೇಶದ ಜನರಿಗೆ ಗೊತ್ತಾಗಬಾರದೇ? ಎಂದು ಪ್ರಶ್ನಿಸಿದ್ದಾರೆ.

ಇದನ್ನೂ ಓದಿ: ಯತ್ನಾಳ್ ಸೈಲೆಂಟ್, ವಿಜಯೇಂದ್ರ ವೈಲೆಂಟ್​; ದಾವಣಗೆರೆಯಲ್ಲಿ ಶಕ್ತಿ ಪ್ರದರ್ಶನಕ್ಕೆ ಮುಂದಾದ್ರಾ BSY ಪುತ್ರ?

ಈ ಒಂದು ಮೆಮೊರಿಯಲ್ ಪ್ರಮುಖವಾಗಿ ನೆಹರುಗೆ ಸಂಬಂಧಿಸಿದ ದಾಖಲೆಗಳನ್ನು ಹೊಂದಿದೆ. ಜಾಗತಿಕ ನಾಯಕರಿಗೆ ನೆಹರು ಅವರು ಬರೆದ ಪತ್ರಗಳು ಸುಮಾರು 51 ಪೆಟ್ಟಿಗೆಗಳಲ್ಲಿ ಇದ್ದವು ಎಂದು ಹೇಳಲಾಗುತ್ತಿದೆ. 2008ರಲ್ಲಿ ಸೋನಿಯಾ ಗಾಂಧಿ ಯುಪಿಎದ ಅಧ್ಯಕ್ಷರಾದ ಕಾಲದಲ್ಲಿ ಈ ಮ್ಯೂಸಿಯಂಗೆ ಭೇಟಿ ನೀಡಿ ಆ ಪತ್ರಗಳನ್ನು ತೆಗೆದುಕೊಂಡು ತಮ್ಮ ವಶದಲ್ಲಿ ಇಟ್ಟುಕೊಂಡಿದ್ದಾರೆ.

ನೆಹರು ಎಡ್ವಿನಾ ಮೌಂಟ್​ಬ್ಯಾಟನ್​ಗೆ ಬರೆದ ಪತ್ರದ ಬಗ್ಗೆ ತಿಳಿಯಲು ಬಯಸಿದ್ದರು. ಅವುಗಳನ್ನು 2010ರಲ್ಲಿ ಡಿಜಿಟಲ್ ದಾಖಲೆಗಳಾಗಿ ಮಾಡುವ ಸಿದ್ಧತೆ ನಡೆದಿತ್ತು. ಅದಕ್ಕಿಂತ ಮೊದಲು ಸೋನಿಯಾ ಗಾಂಧಿ ಆ ಪತ್ರಗಳನ್ನೆಲ್ಲಾ ತೆಗೆದುಕೊಂಡು ಹೋಗಿದ್ದು ಏಕೆ? ಎಂದು ಪ್ರಶ್ನಿಸಿದ್ದಾರೆ ಸಂಬೀತ್ ಪಾತ್ರ. ಈ ಹಿಂದೆ ನೆಹರು ಮೆಮೊರಿಯಲ್ ಮ್ಯೂಸಿಯಂ ಆ್ಯಂಡ್ ಲೈಬ್ರರಿ ಸೋಸೈಟಿ ಎಂಬ ಹೆಸರಿಲ್ಲಿದ್ದ ಮ್ಯೂಸಿಯಂ ಜೂನ್ 2013ರಲ್ಲಿ ಪ್ರೈಮ್​ ಮಿನಿಸ್ಟರ್ ಮ್ಯೂಸಿಯಂ ಆ್ಯಂಡ್ ಲೈಬ್ರರಿ ಎಂದು ಹೆಸರನ್ನು ಬದಲಾಯಿಸಲಾಗಿತ್ತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ