ಟೀಮ್​ ಇಂಡಿಯಾದ ಯುವ ಬ್ಯಾಟರ್​​ಗೆ ನಾಯಕತ್ವ ಪಟ್ಟ; ರಿಯಾನ್​ ಪರಾಗ್​ಗೆ ಮಹತ್ವದ ಜವಾಬ್ದಾರಿ

ಟೀಮ್​ ಇಂಡಿಯಾದ ಯುವ ಸ್ಟಾರ್​​​​ ಆಲ್​​ರೌಂಡರ್​ ರಿಯಾನ್ ಪರಾಗ್. ಇವರು ಈಗಷ್ಟೇ ಗಾಯದಿಂದ ಚೇತರಿಸಿಕೊಂಡು ಭರ್ಜರಿ ಕಮ್​ಬ್ಯಾಕ್​​ ಮಾಡಲು ಮುಂದಾಗಿದ್ದಾರೆ. ಹೀಗಾಗಿ ರಿಯಾನ್​​ ಪರಾಗ್​​ ರಣಜಿ ಟ್ರೋಫಿ ಆಡಲು ಅಸ್ಸಾಂ ತಂಡ ಸೇರಿಕೊಂಡಿದ್ದಾರೆ.

ಜನವರಿ 30ನೇ ತಾರೀಕಿನಿಂದ ಸೌರಾಷ್ಟ್ರ ಮತ್ತು ಅಸ್ಸಾಂ ಮಧ್ಯೆ ರಣಜಿ ಪಂದ್ಯ ಶುರುವಾಗಲಿದೆ. ಈ ಪಂದ್ಯದಲ್ಲಿ ಅಸ್ಸಾಂ ತಂಡವನ್ನು ರಿಯಾನ್​ ಪರಾಗ್​ ಲೀಡ್​ ಮಾಡಲಿದ್ದಾರೆ. ಬರೋಬ್ಬರಿ 3 ತಿಂಗಳ ನಂತರ ರಿಯಾನ್​ ಪರಾಗ್​​ ಅಬ್ಬರಿಸಲು ಮುಂದಾಗಿದ್ದಾರೆ.

ಕಳೆದ ವರ್ಷ ಅಕ್ಟೋಬರ್​​ ತಿಂಗಳಲ್ಲಿ ರಿಯಾನ್​ ಪರಾಗ್​ ಕೊನೆಯದಾಗಿ ಮೈದಾನದಲ್ಲಿ ಕಾಣಿಸಿಕೊಂಡಿದ್ದರು. ಇವರು ಬಾಂಗ್ಲಾದೇಶ ವಿರುದ್ಧದ ಮೂರನೇ ಟಿ20ಯಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದೇ ಕೊನೆಯ ಪಂದ್ಯ.

ರಿಯಾನ್​ ಪರಾಗ್​ಗೆ ತೀವ್ರ ಗಾಯ

ಇನ್ನು, ರಿಯಾನ್ ಪರಾಗ್ ಭುಜದ ಗಾಯದಿಂದ ತೀವ್ರವಾಗಿ ಬಳಲುತ್ತಿದ್ದರು. ಹೀಗಾಗಿ ಇವರಿಗೆ ಸರ್ಜರಿ ಅಗತ್ಯ ಇತ್ತು. ಗಾಯದ ಕಾರಣದಿಂದಲೇ ರಿಯಾನ್​ ಇಂಗ್ಲೆಂಡ್​​ ವಿರುದ್ಧದ ಸರಣಿ ಮತ್ತು ಚಾಂಪಿಯನ್ಸ್ ಟ್ರೋಫಿಯಿಂದ ಹೊರಗುಳಿಯಬೇಕಾಗಿದೆ.

ಇವರು 2024ರಲ್ಲಿ ಜಿಂಬಾಬ್ವೆ ವಿರುದ್ಧ ಅಂತರಾಷ್ಟ್ರೀಯ ಕ್ರಿಕೆಟ್​ಗೆ ಡೆಬ್ಯೂ ಮಾಡಿದ್ದರು. ಇದುವರೆಗೂ ಟೀಮ್​​ ಇಂಡಿಯಾ ಪರ 10 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ತಮ್ಮ ಸ್ಫೋಟಕ ಬ್ಯಾಟಿಂಗ್ ಮತ್ತು ಸ್ಪಿನ್ ಬೌಲಿಂಗ್‌ಗೆ ಹೆಸರು ವಾಸಿಯಾಗಿದ್ದಾರೆ.

ಕಳೆದ ರಣಜಿ ಟ್ರೋಫಿಯಲ್ಲೂ ರಿಯಾನ್​ ಅಮೋಘ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದರು. ತಾನು ಆಡಿದ್ದ 6 ಇನ್ನಿಂಗ್ಸ್​ನಲ್ಲಿ 75.60 ಸರಾಸರಿಯಲ್ಲಿ 378 ರನ್ ಗಳಿಸಿದ್ದರು. ಅದರಲ್ಲೂ ರಿಯಾನ್​​ ಬರೋಬ್ಬರಿ 20 ಸಿಕ್ಸರ್​ ಬಾರಿಸಿ ದಾಖಲೆ ಬರೆದಿದ್ದರು.

ಇದನ್ನೂ ಓದಿ:ಟೀಂ ಇಂಡಿಯಾದಲ್ಲಿ ಒಂದು ಸಿಂಹ.. ಕಾಲಿಟ್ಟ ಎರಡೂವರೆ ವರ್ಷದಲ್ಲಿ ಎಲ್ಲರೂ ಸೈಡ್​​ಲೈನ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್