ಕರೆಂಟ್​​ ಬೇಡ; ಬಿಸಿಲು ಸಾಕು; ಒಮ್ಮೆ ರೀಚಾರ್ಜ್​ ಮಾಡಿದ್ರೆ 5 ದಿನ ಬರುತ್ತೆ ಈ ಪವರ್​ ಬ್ಯಾಂಕ್​​

ಸ್ಮಾರ್ಟ್​ಫೋನ್​ ಬ್ಯಾಟರಿ ಖಾಲಿಯಾದಾಗ ಆಪತ್ಭಾಂದವನಾಗಿ ಸಹಾಯ ಮಾಡೋದು ಪವರ್​ ಬ್ಯಾಂಕ್​. ಇದರ ಸಹಾಯದಿಂದ ಸ್ಮಾರ್ಟ್​ಫೋನನ್ನು ಸುಲಭವಾಗಿ ಚಾರ್ಜ್​ ಮಾಡಬಹುದಾಗಿದೆ. ಮಾತ್ರವಲ್ಲದೆ ಓಡಾಟದ ಸಮಯದಲ್ಲಿ ಒಂದು ಕಡೆಯಿಂದ ಮತ್ತೊಂದೆಡೆಗೆ ಸಾಗಿಸಲು ಯೋಗ್ಯವಾಗಿದೆ.

ಸದ್ಯ ಮಾರುಕಟ್ಟೆಯಲ್ಲಿ ನಾನಾ ರೀತಿಯ ಪವರ್​ ಬ್ಯಾಂಕ್​ಗಳಿವೆ. ವಿಶೇಷವಾಗಿ ದೀರ್ಘ ಕಾಲ ಬ್ಯಾಟರಿಯನ್ನು ಹೊಂದಿರುವ ಪವರ್​ ಬ್ಯಾಂಕ್​​ಗಳಿವೆ. ಆದರೆ ಪವರ್​ ಬ್ಯಾಂಕ್​ ಕೂಡ ವಿದ್ಯುತ್ ​ಶಕ್ತಿ ಬೇಕೆ ಬೇಕು. ಇದನ್ನು ಚಾರ್ಜ್​ ಮಾಡಿ ಶಕ್ತಿಯನ್ನು ಸಂಗ್ರಹಿಸಿಟ್ಟುಕೊಳ್ಳಬಹುದಾಗಿದೆ. ಸದ್ಯ ಭಾರತದ ಮಾರುಕಟ್ಟೆಯಲ್ಲಿ ವಿದ್ಯುತ್​​ ಶಕ್ತಿಯ ಅವಶ್ಯಕತೆ ಇಲ್ಲದ ಪವರ್​ ಬ್ಯಾಂಕ್​ ಬಿಡುಗಡೆಗೊಂಡಿದೆ. ಇದು ಸೌರ ಶಕ್ತಿಯಲ್ಲಿ ಚಾರ್ಜ್​ ಆಗುವ ಸಾಮರ್ಥ್ಯವನ್ನು ಹೊಂದಿದೆ.

ಅಂಬ್ರೇನ್​​ ಸೋಲಾರ್​​ 10K ಹೆಸರಿನ ಪವರ್​ ಬ್ಯಾಂಕ್​ ಅನ್ನು ಪರಿಚಯಿಸಿದೆ. ಇದನ್ನು ಭಾರತದ ಮಾರುಕಟ್ಟೆಯಲ್ಲಿ  ಪರಿಚಯಿಸಿದೆ. ಅಂದಹಾಗೆಯೇ ಕಂಪನಿಯು ಪರಿಚಯಿಸಿದೆ ಮೊದಲ ಸೌರ ವಿದ್ಯುತ್​ ಬ್ಯಾಂಕ್​ ಇದಾಗಿದೆ.

ಪವರ್​ ಬ್ಯಾಂಕ್​ ವಿಶೇಷವೇನು?

ನೂತನ ಪವರ್​ ಬ್ಯಾಂಕ್​​ ಪೋರ್ಟಬಲ್​ ಚಾರ್ಜರ್​ನೊಂದಿಗೆ 10,000mAh ಸಾಮರ್ಥ್ಯದೊಂದಿಗೆ ಬಂದಿದೆ. 22.5W ಚಾರ್ಜಿಂಗ್​ ಔಟ್​​ಪುಟ್​ ಅನ್ನು ಬೆಂಬಲಿಸುತ್ತದೆ. ಇದರಲ್ಲಿ ನಾಲ್ಕು ಪ್ಯಾನೆಲ್​ ಇದ್ದು, ಸೂರ್ಯ ಬೆಳಕಿನಡಿ ಇಟ್ಟಾಗ ಚಾರ್ಜ್​ ಆಗುತ್ತದೆ.

ಮಾತ್ರವಲ್ಲದೆ, ಇದರಲ್ಲಿ ಎಲ್​ಇಡಿ ಫ್ಲಾಷ್​​ಲೈಟ್​​, ಡಿಜಿಟಲ್​​ ಡಿಸ್​​ಪ್ಲೇ, ಜೊತೆಗೆ ಬ್ಯಾಟರಿ ಸ್ಥಿತಿಯನ್ನು ಟ್ರ್ಯಾಕ್​​ ಮಾಡಲು ಸಹಾಯ ಮಾಡುತ್ತದೆ. ಅಂಬ್ರೇನ್​​ ಸೋಲಾರ್​​ 10K ಹೆಸರಿನ ಪವರ್​ ಬ್ಯಾಂಕ್​ನಲ್ಲಿ ಯುಎಸ್​​ಬಿ ಟೈಪ್​​-ಎ ಮತ್ತು ಟೈಪ್​ ಸಿ ಎರಡನ್ನೂ ಬೆಂಬಲಿಸುತ್ತದೆ. ಅಚ್ಚರಿಯ ಸಂಗತಿ ಎಂದರೆ ಒಂದು ಬಾರಿ ಪೂರ್ತಿ ರೀಚಾರ್ಜ್​ ಮಾಡಿದರೆ 5 ದಿನದವರೆಗೆ ಬರುತ್ತದೆ.

ಬೆಲೆ ಎಷ್ಟು?

ಅಂಬ್ರೇನ್​​ ಸೋಲಾರ್​​ 10K ಹೆಸರಿನ ಪವರ್​ ಬ್ಯಾಂಕ್ ಅನ್ನು ಪರ್ವತಾರೋಹಿಗಳಿಗೆ, ಪಾದಯಾತ್ರಿಗಳಿಗಾಗಿ ಪರಿಚಯಿಸಲಾಗಿದೆ. ವಿದ್ಯುತ್​ ಇಲ್ಲದ ಕಡೆ ಈ ಪವರ್​ ಬ್ಯಾಂಕ್​ನಲ್ಲಿರುವ ಎಲ್​ಇಡಿ ಫ್ಲಾಶ್​ಲೈಟ್​​ ಉರಿಸಬಹುದಾಗಿದೆ. ಗ್ರಾಹಕರಿಗಾಗಿ ಅಂಬ್ರೇನ್​​ ಸೋಲಾರ್​​ 10K ಹೆಸರಿನ ಪವರ್​ ಬ್ಯಾಂಕ್ ಅನ್ನು 2,799 ರೂಪಾಯಿ ಮಾರಾಟ ಮಾಡುತ್ತಿದೆ. ಆನ್​ಲೈನ್​ ಇ-ಕಾಮರ್ಸ್​ ಮಳಿಗೆಯಲ್ಲೂ ಖರೀದಿಗೆ ಲಭ್ಯವಿದೆ.

ಇದನ್ನೂ ಓದಿ:ಟೀಮ್​ ಇಂಡಿಯಾಗೆ ಭರ್ಜರಿ ಗುಡ್​ನ್ಯೂಸ್​​; ಸ್ಟಾರ್​​ ಪ್ಲೇಯರ್​ ಎಂಟ್ರಿ ಬಗ್ಗೆ ಬಿಗ್​ ಅಪ್ಡೇಟ್​​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ