ಓಪನಿಂಗ್​ ಮೊದಲ ದಿನವೇ ಮುದ್ದು ಸೊಸೆ ಸೀರಿಯಲ್​ನಲ್ಲಿ ಮೆಗಾ ಟ್ವಿಸ್ಟ್; ಏನದು?

ಕಲರ್ಸ್​ ಕನ್ನಡ ವಾಹಿನಿಯ ಬಹು ನಿರೀಕ್ಷಿತ ಧಾರಾವಾಹಿ ಮುದ್ದು ಸೊಸೆ. ತ್ರಿವಿಕ್ರಮ್​ ಹಾಗೂ ಪ್ರತಿಮಾ ಮುಖ್ಯ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಈಗಾಗಲೇ ಮೊದಲ ಸಂಚಿಕೆ ಪ್ರಸಾರ ಕಂಡಿದೆ. ಧಾರಾವಾಹಿ ಒಪನಿಂಗ್​ನಲ್ಲೇ ನಟಿ, ನಿರ್ಮಾಪಕಿ ಮೇಘಾ ಶೆಟ್ಟಿ ಎಂಟ್ರಿ ಕೊಟ್ಟಿದ್ದಾರೆ.

ಇದನ್ನೂ ಓದಿ:ಉದ್ಯಮಿ ಜೊತೆಗೆ ವೈಷ್ಣವಿ ಗೌಡ ನಿಶ್ಚಿತಾರ್ಥ; ಇಲ್ಲಿವೆ 10 ಗ್ರ್ಯಾಂಡ್​ ಫೋಟೋಸ್!

ಅವರೇ ಪಾತ್ರಗಳನ್ನ ಪರಿಚಯ ಮಾಡಿಕೊಡ್ತಾ ಹೋಗ್ತಾರೆ. ಚನ್ನಪಟ್ಟಣ ಸುತ್ತಮುತ್ತದ ಗೆದ್ದೆ, ತೋಟಗಳಲ್ಲಿ ಶೂಟಿಂಗ್​ ನಡೆದಿದೆ. ಪ್ರಕೃತಿ ಮಡಿಲಲ್ಲಿ ಮಂಡ್ಯ ಗತ್ತಲ್ಲಿ ತ್ರಿವಿಕ್ರಮ್​ ಪಾತ್ರ ತೆರೆದುಕೊಳ್ಳುತ್ತೆ. ನಾಯಕನ ಕುಟುಂಬ ಊರಿಗೆ ನ್ಯಾಯ ಹೇಳೋ ದೊಡ್ಡಮನೆ. ಭದ್ರೇಗೌಡನಿಗೆ ಅಪ್ಪ ಶಿವರಾಮೇಗೌಡನೇ ಪ್ರಪಂಚ. ಹೆಣ್ಮಕ್ಕಳ ಓದಿಗೆ ಪ್ರಾಮುಖ್ಯತೆ ಕೊಡ್ತಿದ್ದ ಶಿವರಾಮೇಗೌಡನಿಗೆ ಮಗಳು ಪ್ರೀತಿ ಮಾಡಿ ಕದ್ದು ಮದುವೆ ಆಗಿರೋ ಸುದ್ದಿ ಆಘಾತ ತರುತ್ತೆ.

ಅಲ್ಲಿಂದ ಕಾಲೇಜು ಮೆಟ್ಟಿಲು ಹತ್ತಿದ ಹೆಣ್ಮಕ್ಕಳೆಲ್ಲಾ ಕೆಟ್ಟವ್ರು ಅನ್ನೋ ಭಾವನೆ ಶುರುವಾಗಿ ಬಿಡುತ್ತೆ. ವಿದ್ಯ ಬಗ್ಗೆ ಅರಿವೇ ಇಲ್ಲದ ಮಗ ಭದ್ರೇಗೌಡನಿಗೆ ಕಮ್ಮಿ ಓದಿರೋ ಮುದ್ದು ಹುಡುಗಿನ ಹುಡುಕೋದೇ ಅಪ್ಪನ ಆಸೆ, ಮಗನಿಗೆ ಅಪ್ಪ ಎಲೆಕ್ಷನ್​ನಲ್ಲಿ ಗೆದ್ದು ಬೀಗ್ಬೇಕು ಅನ್ನೋ ಕನಸು. ಇನ್ನೂ, ನಾಯಕಿ ವಿದ್ಯಾಗೆ ಡಾಕ್ಟರ್​ ಆಗೋ ಕನಸು.

ಅಪ್ಪ ಕುಡಿತಕ್ಕೆ ದಾಸನಾಗಿರ್ತಾನೆ. ಇಬ್ಬರೂ ಹೆಣ್ಮಕ್ಕಳ ಭವಿಷ್ಯನ ಪಣಕ್ಕಿಟ್ಟು ಮೋಜು, ಮಸ್ತಿಯಲ್ಲೇ ಮೂಳಗಿರ್ತಾನೆ. ಜಾಣೆ ಆಗಿರೋ ವಿದ್ಯಾಗೆ ವಿದ್ಯೆ ಅನ್ನೋದು ಕನಸಾಗಿಯೇ ಉಳಿಯುತ್ತಾ? ಇಲ್ಲ ಎಲ್ಲವನ್ನ ಮೀರಿ ಡಾಕ್ಟರ್​ ಆಗ್ತಾಳಾ ಅನ್ನೋದೇ ಸ್ಟೋರಿ ಲೈನ್​. ಮೊದಲ ಸಂಚಿಕೆ ಭರವಸೆ ಮೂಡಿಸಿದೆ. ನಾಯಕ, ನಾಯಕಿಗೆ ಮಂಡ್ಯ ಭಾಷೆ ಕೊಂಚ ಕಷ್ಟ ಅನ್ಸುತ್ತೆ. ಈ ಕೊರತೆನ ಪೋಷಕ ಪಾತ್ರಗಳು ತೂಗಿಸಿಕೊಂಡು ಹೋಗ್ತವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ