ಎದುರಾಳಿಗಳನ್ನು ಕಾಡಿದ ಟೀಮ್​ ಇಂಡಿಯಾ ಬೌಲರ್ಸ್​​; ಕೇವಲ 251 ರನ್​ಗೆ ನ್ಯೂಜಿಲೆಂಡ್​​ ಆಲೌಟ್​​

ದುಬೈ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​​ನಲ್ಲಿ ನಡೆಯುತ್ತಿರೋ ಐಸಿಸಿ 2025ರ ಚಾಂಪಿಯನ್ಸ್​ ಟ್ರೋಫಿ ಫೈನಲ್​ ಪಂದ್ಯದಲ್ಲಿ ಟೀಮ್​ ಇಂಡಿಯಾಗೆ ನ್ಯೂಜಿಲೆಂಡ್​ ತಂಡ 252 ರನ್​ಗಳ ಗುರಿ ನೀಡಿದೆ.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ಆಸ್ಟ್ರೇಲಿಯಾ ತಂಡದ ಪರ ವಿಲ್​ ಯಂಗ್​ ಮತ್ತು ರಾಚಿನ್​ ರವೀಂದ್ರ ಓಪನಿಂಗ್​ ಮಾಡಿದ್ರು. ವಿಲ್​​ ಯಂಗ್​​ 23 ಎಸೆತಗಳಲ್ಲಿ 2 ಫೋರ್​ ಸಮೇತ 15 ರನ್​​​ ಕಲೆ ಹಾಕಿದರು. ರಾಚಿನ್​ ರವೀಂದ್ರ 29 ಬಾಲ್​ನಲ್ಲಿ 1 ಸಿಕ್ಸರ್​​, 4 ಫೋರ್​ ಸಮೇತ 37 ರನ್​​ ಸಿಡಿಸಿದರು. ಕೇನ್​ ವಿಲಿಯಮ್ಸನ್​ ಕೇವಲ 11 ರನ್​ಗೆ ಔಟಾದ್ರು.

ಡ್ಯಾರಿಲ್‌ ಮಿಚೆಲ್ ಅರ್ಧಶತಕ

ಇನ್ನು, ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ನ್ಯೂಜಿಲೆಂಡ್​ ತಂಡಕ್ಕೆ ಆಸರೆ ಆಗಿದ್ದು ಡ್ಯಾರಿಲ್‌ ಮಿಚೆಲ್. ಇವರು ತಾಳ್ಮೆಯ ಆಟವಾಡಿ 101 ಬಾಲ್​ನಲ್ಲಿ 3 ಫೋರ್​ ಸಮೇತ 63 ರನ್​ ಚಚ್ಚಿದರು.

ಮತ್ತೊಂದೆಡೆ ಟಾಮ್ ಲೇಥಮ್‌ 14, ಗ್ಲೆನ್​ ಫಿಲಿಪ್ಸ್​ 1 ಸಿಕ್ಸರ್​​, 2 ಫೋರ್​​ನೊಂದಿಗೆ 34 ರನ್​​ ಬಾರಿಸಿದರು. ಕ್ಯಾಪ್ಟನ್​ ಮಿಚೆಲ್ ಸ್ಯಾಂಟ್ನರ್‌ 8 ರನ್​ಗೆ ಔಟಾದ್ರು.

ಬ್ರೇಸ್​ವೆಲ್​ ಸ್ಫೋಟಕ ಆಟ

ಮಿಚೆಲ್ ಬ್ರೇಸ್‌ವೆಲ್‌ ಅಬ್ಬರಿಸಿದರು. ಟೀಮ್​ ಇಂಡಿಯಾ ಬೌಲರ್​ಗಳನ್ನು ಕಾಡಿದರು. ಬಿರುಸಿನ ಬ್ಯಾಟಿಂಗ್​ ಮಾಡಿದ ಇವರು 40 ಎಸೆತಗಳಲ್ಲಿ 2 ಸಿಕ್ಸರ್​​, 3 ಫೋರ್​ ಸಮೇತ 53 ರನ್​​​​ ಸಿಡಿಸಿದರು. ನ್ಯೂಜಿಲೆಂಡ್​ ತಂಡ 50 ಓವರ್​ನಲ್ಲಿ 7 ವಿಕೆಟ್​ ನಷ್ಟಕ್ಕೆ 251 ರನ್​​ ಕಲೆ ಹಾಕಿದೆ.

ಇದನ್ನೂ ಓದಿ:ರೋಚಕ ಫೈನಲ್​ ಪಂದ್ಯ; ನ್ಯೂಜಿಲೆಂಡ್​ ವಿರುದ್ಧ ಬಲಿಷ್ಠ ಟೀಮ್​ ಇಂಡಿಯಾ ಕಣಕ್ಕೆ!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ