ನೀಲಿ ಅಣಬೆಗಳ ಸಂರಕ್ಷಣೆಗೆ ಮುಂದಾದ ಅಧಿಕಾರಿಗಳು

ನೀಲಿ ಅಣಬೆಗಳಲ್ಲಿ ಕೆಲವು ತುಂಬಾ ವಿಷಕಾರಿ ಆಗಿವೆಯಂತೆ

ವೈವಿಧ್ಯತೆಗೆ ಹೆಸರುವಾಸಿ ಆಗಿರುವ ಕಾಘಜನಗರ ಅರಣ್ಯ

ತೆಲಂಗಾಣದ ಕಾಘಜ್​​ನಗರ (Kaghaznagar) ಅರಣ್ಯ ಪ್ರದೇಶದಲ್ಲಿ ಅಪರೂಪದ ನೀಲಿ ಅಣಬೆಗಳು (Blue mushroom: Entoloma hochstetteri) ಪತ್ತೆಯಾಗಿವೆ. ಬ್ಲೂ ಮಶ್ರೂಮ್ ನ್ಯೂಜಿಲೆಂಡ್​​ನಲ್ಲಿ ಹೆಚ್ಚಾಗಿ ಕಾಣ ಸಿಗುತ್ತವೆ. ಬಹಳ ವರ್ಷಗಳ ಬಳಿಕ ಈ ನೀಲಿ ಅಣಬೆ ಭಾರತದಲ್ಲಿ ಪತ್ತೆಯಾಗಿರೋದು ಅಚ್ಚರಿಗೆ ಕಾರಣವಾಗಿದೆ.

ಅರಣ್ಯಾಧಿಕಾರಿ ವಿಜಯ್ ಈ ಬಗ್ಗೆ ಪ್ರತಿಕ್ರಿಯಿಸಿ, ಬೆಂಪಳ್ಳಿ ಅರಣ್ಯದಲ್ಲಿ ಅಪರೂಪದ ಅಣಬೆಗಳು ಕಂಡಿವೆ. ಮುಂಗಾರು ಮಳೆ ಶುರುವಾಗುತ್ತಿದ್ದಂತೆ ಭೂಮಿಯಿಂದ ಅಣಬೆಗಳು ಏಳುತ್ತವೆ. ಅಂತೆಯೇ, ಈ ಭಾಗದ ಅರಣ್ಯದಲ್ಲಿ ಬ್ಲೂ ಮಶ್ರೂಮ್ ಎದ್ದಿರೋದನ್ನು ನಮ್ಮ ಅಧಿಕಾರಿಗಳು ಪತ್ತೆ ಹಚ್ಚಿದ್ದಾರೆ ಎಂದು ತಿಳಿಸಿದ್ದಾರೆ.

ನೀಲಿ ಅಣಬೆಗಳು ವಿಷಕಾರಿ 

ಛತ್ರಿ ಆಕಾರದಲ್ಲಿ ಮೊಳಕೆ ಒಡೆದಿರುವ ಅಣಬೆಗಳನ್ನು ಕಾಪಾಡಿಕೊಳ್ಳುವ ಪ್ರಯತ್ನ ನಡೆದಿದೆ. ಭಾರತದಲ್ಲಿ ಮೊದಲ ಬಾರಿಗೆ 1989ರಲ್ಲಿ ಈ ಅಣಬೆಗಳನ್ನು ಪತ್ತೆ ಹಚ್ಚಲಾಗಿತ್ತು. ಒಡಿಶಾದ ಅರಣ್ಯ ಪ್ರದೇಶದಲ್ಲಿ ಪತ್ತೆ ಆಗಿದ್ದವು. ಇವುಗಳು ನ್ಯೂಜಿಲೆಂಡ್​ನಲ್ಲಿ ಹೆಚ್ಚಾಗಿದ್ದು, ವಿವಿಧ ಪ್ರಭೇದದ ಅಣಬೆಗಳು ಅಲ್ಲಿ ಕಾಣಲು ಸಿಗುತ್ತವೆ. ನೀಲಿ ಬಣ್ಣದ ಕೆಲವು ಅಣಬೆಗಳು ವಿಷಕಾರಿಯಾಗಿದ್ದು, ಇಲ್ಲಿ ಪತ್ತೆಯಾಗಿರುವ ಅಣಬೆಯಲ್ಲಿ ವಿಷ ಅಡಗಿದ್ಯಾ ಅನ್ನೋದು ಇನ್ನೂ ತಿಳಿದುಬಂದಿಲ್ಲ.

ಕಾಘಜ್​​ನಗರ ಅರಣ್ಯ ಪ್ರದೇಶವು ವೈವಿಧ್ಯಮಯಕ್ಕೆ ಹೆಸರುವಾಸಿಯಾಗಿದೆ. 2022 ಜನವರಿಯಲ್ಲಿ Indian Muntjac (ಕುರಿ) ಪತ್ತೆಯಾಗಿತ್ತು. ಬರೋಬ್ಬರಿ 25 ವರ್ಷಗಳ ಬಳಿಕ ಬರ್ಕಿಂಗ್ ಡೀರ್ ಪತ್ತೆಯಾಗಿತ್ತು. ಡಿಸೆಂಬರ್ 2022ರ ಚಳಿಗಾಲದ ಸಂದರ್ಭದಲ್ಲಿ ಆಗ್ನೇಯ ಯೂರೋಪ್​​ ಮತ್ತು ಇರಾನ್​​ನಲ್ಲಿ ಕಾಣಸಿಗುವ ಕಪ್ಪು ತಲೆಯ ಬಂಟಿಂಗ್ ಬರ್ಡ್​​ ವಲಸೆ ಬಂದಿದ್ದವು.

2016 ಸೆಪ್ಟೆಂಬರ್​ನಲ್ಲಿ ಅಪರೂಪದ ಪೇಂಟೆಡ್ ಫ್ರಾಗ್ (Uperodon taprobanicus) ಪತ್ತೆಯಾಗಿತ್ತು. ಬೆಜ್ಜೂರು ಅರಣ್ಯ ಪ್ರದೇಶದ ಮರವೊಂದರ ಮೇಲೆ ಈ ಅಪರೂಪದ ಕಪ್ಪೆ ಪತ್ತೆಯಾಗಿತ್ತು. ಇದು ಆ ಅರಣ್ಯ ಪ್ರದೇಶದ ವೈವಿದ್ಯತೆಯ ಶ್ರೀಮಂತಿಕೆಯನ್ನು ಹೆಚ್ಚಿಸಿತ್ತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ