ವಿಶ್ವಟೆಸ್ಟ್ ಚಾಂಪಿಯನ್‌ಶಿಪ್‌ ಫೈನಲ್​​​; ದಿಢೀರ್​ ನಿವೃತ್ತಿ ಘೋಷಿಸಿ ಶಾಕ್​ ಕೊಟ್ಟ ಸ್ಟಾರ್​ ಕ್ರಿಕೆಟರ್​​

ನ್ಯೂಜಿಲೆಂಡ್​​ ತಂಡದ ಮಾಜಿ ಕ್ಯಾಪ್ಟನ್​ ರೈಟ್​ ಹ್ಯಾಂಡ್​ ಸ್ಟಾರ್​ ಬೌಲರ್​ ಟಿಮ್​​ ಸೌಥಿ. ಇವರು ದಿಢೀರ್​​ ಟೆಸ್ಟ್​ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿ ಶಾಕ್​ ನೀಡಿದ್ದಾರೆ. ತವರಿನಲ್ಲಿ ನಡೆಯಲಿರೋ ಇಂಗ್ಲೆಂಡ್​ ವಿರುದ್ಧದ ಟೆಸ್ಟ್​ ಸರಣಿ ನಂತರ ತಮ್ಮ ಟೆಸ್ಟ್​ ಕ್ರಿಕೆಟ್​​ ವೃತ್ತಿ ಜೀವನ ಕೊನೆಗೊಳಿಸುವೆ ಎಂದಿದ್ದಾರೆ.

ನವೆಂಬರ್ 28ನೇ ತಾರೀಕಿನಿಂದ ಇಂಗ್ಲೆಂಡ್ ಮತ್ತು ನ್ಯೂಜಿಲೆಂಡ್ ನಡುವಿನ 3 ಪಂದ್ಯಗಳ ಟೆಸ್ಟ್ ಸರಣಿ ಶುರುವಾಗಲಿದೆ. ಟಿಮ್ ಸೌಥಿ ತಮ್ಮ ಕೊನೆಯ ಟೆಸ್ಟ್ ಪಂದ್ಯವನ್ನು ಡಿಸೆಂಬರ್ 14ಕ್ಕೆ ಆಡಲಿದ್ದಾರೆ. ಕೊನೆಯ ಟೆಸ್ಟ್​ ಪಂದ್ಯ ಡಿಸೆಂಬರ್ 14-18ರ ನಡುವೆ ಹ್ಯಾಮಿಲ್ಟನ್‌ನ ಸೆಡನ್ ಪಾರ್ಕ್‌ನಲ್ಲಿ ನಡೆಯಲಿದೆ.

ಟಿಮ್​ ಸೌಥಿ ಕ್ರಿಕೆಟ್​ ಸಾಧನೆ

ಇನ್ನು, ಸ್ಟಾರ್​ ಬೌಲರ್​​ ಟಿಮ್ ಸೌಥಿ ತಮ್ಮ ಕ್ರಿಕೆಟ್​ ಕರಿಯರ್​​ನಲ್ಲೇ ಒಟ್ಟು 1124 ವಿಕೆಟ್ ಪಡೆದಿದ್ದಾರೆ. ನ್ಯೂಜಿಲೆಂಡ್​ ತಂಡದ ಪರ 104 ಟೆಸ್ಟ್​ ಪಂದ್ಯ ಆಡಿದ್ದು, 385 ವಿಕೆಟ್‌ ತೆಗೆದಿದ್ದಾರೆ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಕಿವೀಸ್ ಪರ ಅತಿಹೆಚ್ಚು ವಿಕೆಟ್ ಪಡೆದ ಎರಡನೇ ಬೌಲರ್ ಆಗಿದ್ದಾರೆ. ಟಿಮ್ ಸೌಥಿ 104 ಟೆಸ್ಟ್, 161 ಏಕದಿನ ಮತ್ತು 125 ಟಿ20 ಪಂದ್ಯ ಆಡಿದ್ದಾರೆ. ಮೂರು ಮಾದರಿ ಕ್ರಿಕೆಟ್​ನಲ್ಲೂ 770 ವಿಕೆಟ್‌ ಪಡೆದಿದ್ದಾರೆ.

ಮೂರು ಮಾದರಿಯಲ್ಲೂ ಅಮೋಘ ಪ್ರದರ್ಶನ

ಟಿಮ್ ಸೌಥಿ ಕಿವೀಸ್ ಪರ 3 ಮಾದರಿ ಕ್ರಿಕೆಟ್‌ನಲ್ಲಿ ಅದ್ಭುತ ಪ್ರದರ್ಶನ ನೀಡುತ್ತಿದ್ದಾರೆ. ಈಗ ಟೆಸ್ಟ್ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದು, ಕೇವಲ ಒಂದು ಸೀರೀಸ್​ ಮಾತ್ರ ಆಡಲಿದ್ದಾರೆ. ಒಂದು ವೇಳೆ ನ್ಯೂಜಿಲೆಂಡ್​​​ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಫೈನಲ್​ಗೆ ಹೋದರೆ ಜೂನ್​​ನಲ್ಲಿ ನಡೆಯಲಿರೋ ಕೊನೆ ಪಂದ್ಯಕ್ಕೆ ಹಾಜರಾಗುವುದಾಗಿ ತಿಳಿಸಿದ್ದಾರೆ.

ಇದನ್ನೂ ಓದಿ: ‘ಮೋದಿಯೇ ಸ್ಫೂರ್ತಿ, ನಾವು ವಾರಕ್ಕೆ 70 ಗಂಟೆ ಕೆಲಸ ಮಾಡಲೇಬೇಕು’- ಇನ್ಫೋಸಿಸ್ ನಾರಾಯಣ ಮೂರ್ತಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ