ಟೀಮ್ ಇಂಡಿಯಾದಲ್ಲಿ ಯಾರು ಚೆನ್ನಾಗಿ ಬ್ಯಾಟಿಂಗ್ ಮಾಡಲಿಲ್ವಾ?

ಡಕೌಟ್ ಆದ ಭಾರತ ತಂಡದ ಓಪನರ್, ನಾಯಕಿಯು ಆಡಲಿಲ್ಲ

ಸರಣಿಯಲ್ಲಿ 1-1 ರಿಂದ ಸಮಬಲ ಸಾಧಿಸಿರುವ ನ್ಯೂಜಿಲೆಂಡ್​

ಭಾರತದ ಮಹಿಳಾ ತಂಡದ ಜೊತೆಗಿನ ಏಕದಿನ ಪಂದ್ಯದಲ್ಲಿ ನ್ಯೂಜಿಲೆಂಡ್​ ಮಹಿಳಾ ತಂಡ 76 ರನ್​ಗಳಿಂದ ಗೆದ್ದು ಬೀಗಿದೆ. ಈ ಮೂಲಕ ಸರಣಿಯಲ್ಲಿ 1-1 ರಿಂದ ಸಮಬಲ ಸಾಧಿಸಿವೆ.

ಅಹಮದಾಬಾದ್​​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ 50 ಓವರ್​ಗಳ ಪಂದ್ಯದಲ್ಲಿ ನ್ಯೂಜಿಲೆಂಡ್​ ನಾಯಕಿ ಸೋಫಿ ಡಿವೈನ್ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಓಪನರ್ಸ್​ ಆಗಿ ಕ್ರೀಸ್​ಗೆ ಆಗಮಿಸಿದ ಸುಜಿ ಬೇಟ್ಸ್ ಹಾಗೂ ಜಾರ್ಜಿಯಾ ಪ್ಲಿಮ್ಮರ್ ಉತ್ತಮ ಆರಂಭವನ್ನು ನೀಡಿದರು. ಸುಜಿ 58, ಜಾರ್ಜಿಯಾ 41 ರನ್​ಗಳಿಸಿ ತಂಡಕ್ಕೆ ಭದ್ರ ಬುನಾದಿ ಹಾಕಿದರು. ಇದರ ಜೊತೆಗೆ ಕ್ಯಾಪ್ಟನ್ ಸೋಫಿ ಡಿವೈನ್ 79, ಗ್ರೀನ್ 42 ರನ್​ಗಳ ಕೊಡುಗೆಯಿಂದ ಕಿವೀಸ್ 50 ಓವರ್​ಗಳಲ್ಲಿ 9 ವಿಕೆಟ್​ ನಷ್ಟಕ್ಕೆ 259 ರನ್​ಗಳ ಟಾರ್ಗೆಟ್ ನೀಡಿದರು.

ಇದನ್ನೂ ಓದಿ: PhDಗಾಗಿ ₹1 ಕೋಟಿಗೂ ಹೆಚ್ಚು ಖರ್ಚು.. ಹೇಳದೆ, ಕೇಳದೆ ಭಾರತೀಯ ವಿದ್ಯಾರ್ಥಿನ ತೆಗೆದು ಹಾಕಿದ ಆಕ್ಸ್‌ಫರ್ಡ್ ವಿವಿ

ಈ ಗುರಿ ಬೆನ್ನಟ್ಟಿದ ಭಾರತದ ಮಹಿಳಾ ತಂಡ ಆರಂಭದಲ್ಲಿ ದೊಡ್ಡ ಆಘಾತಕ್ಕೆ ಒಳಗಾಯಿತು. ಸ್ಮೃತಿ ಮಂಧಾನ ಡಕೌಟ್ ಆದರು. ಇದು ತಂಡಕ್ಕೆ ಭಾರೀ ಹಿನ್ನಡೆಯಾಯಿತು. ಇದರ ಬಳಿಕ ಶಫಾಲಿ ವರ್ಮಾ ಕೂಡ 11 ರನ್​ಗೆ ಔಟ್ ಆದರು. ಇವರ ನಂತರ ಯಾಸ್ತಿಕಾ ಭಾಟಿಯಾ 12, ಕ್ಯಾಪ್ಟನ್ ಕೌರ್ 24, ಜೆಮಿಮಾ ರಾಡ್ರಿಗಸ್ 17 ಹೀಗೆ ಸಾಲು ಸಾಲಾಗಿ ಔಟ್ ಆಗುತ್ತ ಹೋದರು. ಹೀಗಾಗಿ ಟೀಮ್ ಇಂಡಿಯಾ 47 ಓವರ್​​ಗಳಲ್ಲಿ ಎಲ್ಲ ವಿಕೆಟ್​ ಕಳೆದುಕೊಂಡು ಕೇವಲ 183 ರನ್​ಗಳನ್ನ ಮಾತ್ರ ಗಳಿಸಿತು. ಇದರಿಂದ ನ್ಯೂಜಿಲೆಂಡ್ 76 ರನ್​ಗಳಿಂದ ವಿಜಯ ಸಾಧಿಸಿ, ಸರಣಿಯಲ್ಲಿ 1-1 ಸಮಬಲ ಸಾಧಿಸಿತು.

ಇದನ್ನೂ ಓದಿ:  ಚಾಂಪಿಯನ್​ ತಂಡದ ಕ್ಯಾಪ್ಟನ್​ಗೆ RCB ಗಾಳ.. ಶ್ರೇಯಸ್​ ಅಯ್ಯರ್​ ಖರೀದಿ ಮಾಡುತ್ತಾ ಫ್ರಾಂಚೈಸಿ?

ಇನ್ನೂ ಭಾರತದ ಪರ ರಾಧ ಯಾದವ್ ಅವರು 69 ರನ್​ಗಳನ್ನ ನೀಡಿ 4 ವಿಕೆಟ್​ಗಳನ್ನ ಪಡೆದರು. ದೀಪ್ತಿ ಶರ್ಮಾ 2 ವಿಕೆಟ್ ಪಡೆದರು. ನ್ಯೂಜಿಲೆಂಡ್ ಪರವಾಗಿ ಕೆರ್, ಈಡನ್ ಕಾರ್ಸನ್ ತಲಾ ಎರಡೇರಡು ವಿಕೆಟ್ ಪಡೆದರು. ಕ್ಯಾಪ್ಟನ್ ಸೋಫಿ, ಲೀ ತಹುಹು ತಲಾ ಮೂರು ವಿಕೆಟ್ ಕಬಳಿಸಿ ತಂಡವನ್ನ ಬೇಗ ದಡ ಸೇರಿದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ