ಗಡಿಯಲ್ಲಿ ನ್ಯೂಸ್ ಫಸ್ಟ್ ವರದಿ ಮಾಡುವಾಗಲೇ ಫೈರಿಂಗ್.. ಮೂವರು ಉಗ್ರರು ಫಿನಿಶ್; ಸ್ಫೋಟಕ ದೃಶ್ಯ!

ಶ್ರೀನಗರ: ಟ್ರಾಲ್​ನ ನಾದರ್​ನ ಮನೆಯೊಂದರಲ್ಲಿ ಇಬ್ಬರು ಉಗ್ರರು ಅಡಗಿರುವ ಮಾಹಿತಿ ಇದ್ದು ಭಾರತೀಯ ಸೇನೆ ಕಾರ್ಯಾಚರಣೆ ನಡೆಸುತ್ತಿದೆ. ಈ ವೇಳೆ ನ್ಯೂಸ್​ಫಸ್ಟ್​ ವರದಿಗಾರ ಜಗದೀಶ್​ ಖಾಶಂಪುರ ರಿಪೋರ್ಟ್​ ಮಾಡುವಾಗ ಲೈವ್​ನಲ್ಲಿ ಫೈರಿಂಗ್ ನಡೆದಿದೆ.

ಕಣಿವೆ ರಾಜ್ಯದಲ್ಲಿ ಆಪರೇಷನ್ ಕೆಲ್ಲರ್ ಮುಂದುವರೆದಿದ್ದು ಈಗಾಗಲೇ ಮೂವರು ಭಯೋತ್ಪಾದಕರನ್ನು ಹೊಡೆದುರುಳಿಸಲಾಗಿದೆ. ಪಹಲ್ಗಾಮ್​ನಲ್ಲಿ ಗುಂಡಿನ ದಾಳಿ ಮಾಡಿದ್ದ ಉಗ್ರರ ಜೊತೆ ನಂಟು ಹೊಂದಿದ್ದ ಶಂಕಿತ ಭಯೋತ್ಪಾದಕ ಆಸೀಫ್ ಅಹ್ಮದ್ ಶೇಖ್​ನನ್ನು ಟ್ರಾಲ್​ನ ನಾದರ್​ನಲ್ಲಿ ಸೇನೆ ಹೊಡೆದು ಹಾಕಿದೆ.

ಪಹಲ್ಗಾಮ್​ನಲ್ಲಿ ಭಯೋತ್ಪಾದಕರು ಅಟ್ಯಾಕ್ ಮಾಡುವಾಗ ಆಸೀಫ್ ಅಹ್ಮದ್ ಸಹಾಯ ಮಾಡಿದ್ದನು. ಜೊತೆಗೆ ಅವರಿಗೆ ಆಯುಧ ಸರಬರಾಜು ಮಾಡುವಲ್ಲಿ ಸಹಕಾರಿ ಆಗಿದ್ದನು. ಈ ಬಗ್ಗೆ ಮಾಹಿತಿ ಪಡೆದು ಸೇನೆ ಇಂದು ಕಾರ್ಯಾಚರಣೆ ನಡೆಸುತ್ತಿದ್ದು ಈಗಾಗಲೇ ಒಟ್ಟು 3 ಉಗ್ರರ ಹೊಡೆದುರುಳಿಸಿದೆ.

ನ್ಯೂಸ್ ಫಸ್ಟ್ ಕನ್ನಡ ಚಾನೆಲ್ ವರದಿಗಾರ ಜಗದೀಶ್​ ಖಾಶಂಪುರ ಅವರು ರಿಪೋರ್ಟ್ ಮಾಡುವಾಗ ಲೈವ್​ನಲ್ಲಿ ಫೈರಿಂಗ್ ನಡೆದಿದೆ. ಭಯೋತ್ಪಾಕರ ವಿರುದ್ಧ ಭಾರತೀಯ ಯೋಧರು ಕಾರ್ಯಾಚರಣೆ ನಡೆಸುವಾಗ ಕನ್ನಡದ ಏಕೈಕ ಸುದ್ದಿ ವಾಹಿನಿ ನ್ಯೂಸ್​ಫಸ್ಟ್​ ಚಾನೆಲ್ ಯುದ್ಧ ಭೂಮಿಯಿಂದಲೇ ಲೈವ್ ವರದಿ ಪ್ರಕಟ ಮಾಡಿದೆ.

ಬೆಳಗ್ಗೆಯಿಂದಲೂ ಆಪರೇಷನ್ ಕೆಲ್ಲರ್​ ಕಾರ್ಯಾಚರಣೆಯಲ್ಲಿ ನಿರಂತರ ಗನ್​ ಸೌಂಡ್​ ಕೇಳುತ್ತಿದೆ. ಪಹಲ್ಗಾಮ್​ನಲ್ಲಿ ದಾಳಿ ಮಾಡಿದ ಭಯೋತ್ಪಾದಕರಿಗೆ ಸಹಾಯ ಮಾಡಿದಂತವರನ್ನು ಹೊಡೆದುರುಳಿಸುವ ಕೆಲಸ ಮಾಡಲಾಗುತ್ತಿದೆ. ಆಸೀಫ್ ಅಹ್ಮದ್ ಶೇಕ್​ನನ್ನ ಮುಗಿಸಿದ್ದು ಅಮೀರ್ ನಾಸೀರ್ ವಾನಿಯನ್ನ ಕೂಡ ಹೊಡೆದು ಹಾಕಲಾಗಿದೆ.

ಸಿಆರ್​ಪಿಎಫ್​ ಬೆಟಾಲಿಯನ್- 11 ಈ ಕಾರ್ಯಾಚರಣೆಯನ್ನು ಮಾಡುತ್ತಿದೆ. 36 ಗಂಟೆಗಳಿಂದ ನಿರಂತರ ಕಾರ್ಯಾಚರಣೆ ಮಾಡುತ್ತಿದೆ. ಈ ಭಯೋತ್ಪಾದಕರ ಹಿಟ್​ ಲಿಸ್ಟ್​ನಲ್ಲಿ ಒಟ್ಟು 14 ಜನರು ಇದ್ದು ಇವರು ಪಹಲ್ಗಾಮ್​ನ​ಲ್ಲಿ ಕೃತ್ಯ ಎಸಗಿದವರಿಗೆ ಸಹಾಯ ಮಾಡಿದವರು ಆಗಿದ್ದಾರೆ. ಇದರಲ್ಲಿ 6 ಜನರನ್ನು ಮುಗಿಸಲಾಗಿದೆ. ಉಳಿದ 8 ಉಗ್ರರನ್ನು ಪತ್ತೆ ಹಚ್ಚಿ ಹೊಡೆಯುವ ಕಾರ್ಯಾಚರಣೆ ನಡೆಯುತ್ತಿದೆ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ