ಕಿಂಗ್ ಕೊಹ್ಲಿ, ಸೂರ್ಯ ಅಲ್ಲವೇ ಅಲ್ಲ.. 2025ರ ಆರೆಂಜ್ ಕ್ಯಾಪ್ ಪಡೆದ ಸ್ಟಾರ್ ಬ್ಯಾಟರ್ ಯಾರು?

ಪ್ರತಿ ಬಾರಿಯಂತೆ ಈ ಸಲನೂ ಐಪಿಎಲ್​ ಯಶಸ್ವಿಯಾಗಿ ನಡೆಯುತ್ತಿದ್ದು 10 ತಂಡದ ಆಟಗಾರರು ತಮ್ಮ ತಮ್ಮ ಪ್ರದರ್ಶನ ನೀಡುತ್ತಿದ್ದಾರೆ. ಕಳೆದ ಬಾರಿ ಚಾಂಪಿಯನ್ ಆಗಿದ್ದ ಕೋಲ್ಕತ್ತಾ ನೈಟ್​ ರೈಡರ್ಸ್ ಈ ಸಲ ಪ್ರದರ್ಶನ ನೀಡುವಲ್ಲಿ ವಿಫಲವಾಗುತ್ತಿದೆ. ಕೋಲ್ಕತ್ತಾ ವಿರುದ್ಧ ಬ್ಯಾಟಿಂಗ್​ನಲ್ಲಿ ಆರ್ಭಟಿಸಿದ್ದ ನಿಕೋಲಸ್ ಪೂರನ್ ಹಾಗೂ ಮಿಚೆಲ್ ಮಾರ್ಷ್ ನಡುವೆ​ ಆರೆಂಜ್​​ ಕ್ಯಾಪ್​​ಗಾಗಿ ಪೈಪೋಟಿ ನಡೆದಿದೆ.

ಕೆಕೆಆರ್ ವಿರುದ್ಧ ನಡೆದ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್​ ಪರ ಓಪನರ್ ಆಗಿದ್ದ ಮಿಚೆಲ್ ಮಾರ್ಚ್​ ಅಬ್ಬರದ ಬ್ಯಾಟಿಂಗ್ ಮಾಡಿದ್ದರು. ಈ ಪಂದ್ಯದಲ್ಲಿ ಮಾರ್ಷ್​ 48 ಎಸೆತಕ್ಕೆ 81 ರನ್​ ಸಿಡಿಸಿ ಆರೆಂಜ್ ಕ್ಯಾಪ್ ಪಡೆದಿದ್ದರು. ಆದರೆ ಇದರ ಬೆನ್ನಲ್ಲೇ 3ನೇ ಕ್ರಮಾಂಕದಲ್ಲಿ ಕ್ರೀಸ್​ಗೆ ಆಗಮಿಸಿದ ನಿಕೋಲಸ್ ಪೂರನ್ ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶನ ಮಾಡಿದರು.

ನಿಕೋಲಸ್ ಪೂರನ್ ಸಿಡಿಲಬ್ಬರದ ಬ್ಯಾಟಿಂಗ್​ನಿಂದ ಕೆಕೆಆರ್ ಬೌಲರ್ಸ್​ಗಳಿಗೆ ಬೆಂಡೆತ್ತಿದರು. ಹೀಗಾಗಿಯೇ ಕೇವಲ 36 ಬಾಲ್​ಗಳಲ್ಲಿ 8 ಭರ್ಜರಿ ಸಿಕ್ಸರ್​ಗಳಿಂದ 87 ರನ್​ಗಳ ಗಳಿಸಿ ಅಜೇಯರಾಗಿ ಉಳಿದರು. ಸದ್ಯ 2025ರ ಐಪಿಎಲ್​ ಟೂರ್ನಿಯಲ್ಲಿ ಅತ್ಯಧಿಕ ರನ್​ ಗಳಿಸಿದವರಲ್ಲಿ ನಿಕೋಲಸ್ ಪೂರನ್ ಮೊದಲ ಸ್ಥಾನದಲ್ಲಿದ್ದು ಆರೆಂಜ್ ಕ್ಯಾಪ್ ಪಡೆದುಕೊಂಡಿದ್ದಾರೆ.

ಇದನ್ನೂ ಓದಿ: ಹೀನಾಯ ಸ್ಥಿತಿಗೆ ತಲುಪಿದ ಚೆನ್ನೈ ಸೂಪರ್ ಕಿಂಗ್ಸ್​.. ಫಿನಿಷರ್ ಪಾತ್ರ ನಿರ್ವಹಿಸುವಲ್ಲಿ ಧೋನಿ ಮತ್ತೆ ಫೇಲ್..!

ಈ ಟೂರ್ನಿಯಲ್ಲಿ ಮಿಚೆಲ್ ಮಾರ್ಷ್​ 265 ರನ್​ಗಳನ್ನು ಗಳಿಸಿ 2ನೇ ಸ್ಥಾನದಲ್ಲಿದ್ರೆ, ನಿಕೋಲಸ್ ಪೂರನ್ 288 ರನ್​ಗಳಿಂದ ಮೊದಲ ಸ್ಥಾನದಲ್ಲಿದ್ದಾರೆ. ಈ ಇಬ್ಬರಿಗೂ ಕೇವಲ 23 ರನ್​ಗಳ ಅಂತರ ಮಾತ್ರ ಇದೆ. ಯಾವುದೇ ಸಮಯದಲ್ಲಿ ಇದು ಬದಲಾವಣೆ ಆಗಬಹುದು. ಆದರೆ ಆರೆಂಜ್ ಕ್ಯಾಪ್ ಮಾತ್ರ ಲಕ್ನೋ ಟೀಮ್​ನಲ್ಲಿ ಉಳಿಯಲಿದೆ. ಏಕೆಂದರೆ ಈ ಇಬ್ಬರು ಬ್ಯಾಟರ್ಸ್​ ಲಕ್ನೋ ತಂಡದವರು ಆಗಿದ್ದಾರೆ.

ಇನ್ನುಳಿದಂತೆ ಪೂರನ್, ಮಾರ್ಷ್​ ಬಳಿಕ 3ನೇ ಸ್ಥಾನದಲ್ಲಿ ಮುಂಬೈ ತಂಡದ ಪ್ಲೇಯರ್ ಸೂರ್ಯಕುಮಾರ್ ಇದ್ದಾರೆ. ಇವರು ಈವರೆಗೆ 199 ರನ್​ಗಳನ್ನು ಗಳಿಸಿದ್ದಾರೆ. ಈ ಬಾರಿಯ ರನ್​ ಗಳಿಕೆಯಲ್ಲಿ ವಿರಾಟ್ ಕೊಹ್ಲಿ ಕೊಂಚ ಹಿಂದಿದ್ದಾರೆ. ಕೆಕೆಆರ್ ಜೊತೆ 59, ಸಿಎಸ್​ಕೆ ವಿರುದ್ಧ 31, ಗುಜರಾತ್ ಜೊತೆ 7 ಹಾಗೂ ಮುಂಬೈ ವಿರುದ್ಧ 67 ರನ್​ಗಳಿಂದ ಒಟ್ಟು 167 ರನ್​ಗಳನ್ನು ಗಳಿಸಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ