6, 6, 6, 6, 6, 6; ಸಿಡಿಲಬ್ಬರದ ಬ್ಯಾಟಿಂಗ್.. ಕೇವಲ 18 ಬಾಲ್​ಗೆ ಅರ್ಧಶತಕ ಸಿಡಿಸಿದ ಪೂರನ್

ಸನ್​ರೈಸರ್ಸ್​ ಹೈದ್ರಾಬಾದ್ ವಿರುದ್ಧದ ಐಪಿಎಲ್​ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್​ ಪರ ನಿಕೋಲಸ್ ಪೂರನ್ ಮತ್ತೊಮ್ಮೆ ಬ್ಯಾಟಿಂಗ್​ನಲ್ಲಿ ಆರ್ಭಟಿಸಿದ್ದು ಕೇವಲ 18 ಎಸೆತಗಳಲ್ಲಿ ಅರ್ಧ ಶತಕ ಸಿಡಿಸಿದ್ದಾರೆ. ಇದು ಪೂರನ್ ಅವರ ಈ ಸೀಸನ್​​ನಲ್ಲಿ ಅತ್ಯಂತ ವೇಗದ ಹಾಫ್​ಸೆಂಚುರಿ ಆಗಿದೆ.

ಲಕ್ನೋ ಸೂಪರ್ ಜೈಂಟ್ಸ್ ಪರ ಓಪನರ್ ಆಗಿ ಕ್ರೀಸ್​ಗೆ ಆಗಮಿಸಿದ್ದ ಮಿಚೆಲ್ ಮಾರ್ಷ್​ ಹಾಗೂ ಮಾರ್ಕರಮ್​ ಅಂತಹ ಆರಂಭ ಏನು ಪಡೆಯಲಿಲ್ಲ. ಮಾರ್ಕರಮ್ ಕೇವಲ 1 ರನ್​ಗೆ ಔಟ್ ಆಗಿ ಪೆವಿಲಿಯನ್​ಗೆ ನಡೆದರು. ಇವರ ಬಳಿಕ ಕ್ರೀಸ್​ಗೆ ಆಗಮಿಸಿದ ನಿಕೋಲಸ್ ಪೂರನ್, ಮಿಚೆಲ್ ಮಾರ್ಷ್​ಗೆ ಜೊತೆಯಾದರು. ಅಬ್ಬರದ ಬ್ಯಾಟಿಂಗ್​ಗೆ ಮುಂದಾದ ಪೂರನ್, ಬೌಲರ್​ಗಳ ಮೇಲೆ ಎರಗಿದರು.

ಇದನ್ನೂ ಓದಿ: ಠಾಕೂರ್ ಮುಂದೆ SRH ಆಟ ನಡೆಯಲಿಲ್ಲ.. ಬ್ಯಾಟ್​​ನಿಂದ ಅಟ್ಯಾಕ್ ಮಾಡ್ತಿದ್ದವ್ರಿಗೆ ಲಕ್ನೋ ಬೌಲರ್ಸ್ ಕೌಂಟರ್!

ಹೀಗಾಗಿಯೇ ನಿಕೋಲಸ್ ಪೂರನ್ ಅವರು ಕೇವಲ 18 ಎಸೆತಗಳಲ್ಲಿ 4 ಬೌಂಡರಿ ಹಾಗೂ 5 ಭರ್ಜರಿ ಸಿಕ್ಸರ್​ ಸಮೇತ ಅರ್ಧ ಶತಕ ಪೂರೈಸಿದರು. ಹಾಫ್​ ಸೆಂಚುರಿ ಬಳಿಕವೂ ಸಿಡಿಲಬ್ಬರದ ಬ್ಯಾಟಿಂಗ್ ಮುಂದುವರೆಸಿದ ಪೂರಾನ್, ಕೇವಲ 26 ಎಸೆತಗಳಲ್ಲಿ 6 ಬೌಂಡರಿ, 6 ಅಮೋಘವಾದ ಸಿಕ್ಸರ್​ನಿಂದ 70 ರನ್​ ಗಳಿಸಿ ಆಡುವಾಗ ಎಲ್​ಬಿಗೆ ಬಲಿಯಾದರು. ಇದು ಲಕ್ನೋಗೆ ಕೊಂಚ ನಷ್ಟ ಉಂಟು ಮಾಡಿತು.

ಹೈದರಾಬಾದ್​ನ ರಾಜೀವ್ ಗಾಂಧಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದ ಲಕ್ನೋ ಕ್ಯಾಪ್ಟನ್​ ರಿಷಭ್ ಪಂತ್ ಅವರು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿದ್ದರು. ಅದರಂತೆ ಬ್ಯಾಟಿಂಗ್​ಗೆ ಆಗಮಿಸಿದ್ದ ಸನ್​ರೈಸರ್ಸ್ ಹೈದ್ರಾಬಾದ್ 20 ಓವರ್​ಗಳಲ್ಲಿ 9 ವಿಕೆಟ್​​ಗೆ 191 ರನ್​ಗಳ ಟಾರ್ಗೆಟ್ ನೀಡಿತ್ತು. ಆದರೆ ಈ ಟಾರ್ಗೆಟ್ ಅನ್ನು ರೀಚ್ ಮಾಡಿದ ಲಕ್ನೋ ಟೂರ್ನಿಯಲ್ಲಿ ಮೊದಲ ಗೆಲುವು ಪಡೆದಿದೆ.​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ