ಸತತ 6ನೇ ಬಾರಿಯೂ ಮದ್ರಾಸ್ IITಗೆ ಅಗ್ರಸ್ಥಾನ.. ಟಾಪ್ 10ರಲ್ಲಿ ಬೆಂಗಳೂರು IIScಗೆ ಎಷ್ಟನೇ ಸ್ಥಾನ?

ನವದೆಹಲಿ: NIRF, ನ್ಯಾಷನಲ್ ಇನ್ಸ್​ಟ್ಯೂಷನಲ್​ ಱಂಕಿಂಗ್​ ಫ್ರೇಮ್​ವರ್ಕ್​ 2024ರ ಸಾಲಿನ ಱಂಕಿಂಗ್ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಇಂದು ತನ್ನ ವೆಬ್​ಸೈಟ್​ನಲ್ಲಿ ಱಂಕಿಂಗ್ ಪಟ್ಟಿಯನ್ನು ಬಿಡುಗಡೆ ಮಾಡಿರುವ ಎನ್​ಐಆರ್​ಎಫ್​, ಭಾರತದ ಟಾಪ್​ 10 ಐಐಟಿ ಸಂಸ್ಥೆಗಳ ಪ್ರತಿಭೆಗನುಣವಾಗಿ ಱಂಕ್ ನೀಡಿದೆ.

ನ್ಯಾಷನಲ್ ಇನ್ಸ್​ಟ್ಯೂಷನಲ್ ಱಂಕಿಂಗ್ ಫ್ರೇಮ್ ​ವರ್ಕ್​ ಬಿಡುಗಡೆ ಮಾಡಿರುವ ಱಂಕಿಂಗ್ ಪಟ್ಟಿಯಲ್ಲಿ ಮತ್ತೆ ಮದ್ರಾಸ್ ಐಐಟಿ ಸಂಸ್ಥೆ ಮೊದಲ ಸ್ಥಾನದಲ್ಲಿದೆ. ಸತತ ಆರು ವರ್ಷಗಳಿಂದ ಮದ್ರಾಸ್ ಐಐಟಿ ಕಾಲೇಜು ಮೊದಲ ಱಂಕ್ ಪಡೆಯುವ ಮೂಲಕ ದಾಖಲೆ ಮೆರೆದಿದೆ.

ಇದನ್ನೂ ಓದಿ:IIT ದೆಹಲಿಯಿಂದ 2 ಸಾವಿರಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಪದವಿ.. ಎಷ್ಟು ಮಂದಿಗೆ PhD ನೀಡಿದ್ರು?

ಒಟ್ಟು 10,885 ಐಐಟಿ ಸಂಸ್ಥೆಗಳು 9ನೇ ಆವೃತ್ತಿಯ ಱಂಕಿಂಗ್ ಸ್ಪರ್ಧೆಯಲ್ಲಿ ಭಾಗಿಯಾಗಿದ್ದವು. ಅವುಗಳಲ್ಲಿ ಮದ್ರಾಸ್ ಐಐಟಿ ಎಲ್ಲಾ ವಿಭಾಗಗಳ ಜೊತೆಗೆ ಎಂಜಿನಿಯರಿಂಗ್ ವಿಭಾಗದಲ್ಲಿಯೂ ಕೂಡ ಅಗ್ರಸ್ಥಾನವನ್ನು ಮತ್ತೊಮ್ಮೆ ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿವೆ. 2016ರಿಂದಲೂ ಮೊದಲ ಱಂಕ್​ ಪಡೆದುಕೊಳ್ಳುತ್ತಲೇ ಬಂದಿದೆ. ಅದರಲ್ಲೂ ಎಂಜಿನಿಯರಿಂಗ್ ವಿಭಾಗದಲ್ಲಿ ಮದ್ರಾಸ್ ಐಐಟಿ ತನ್ನ ಅಗ್ರಸ್ಥಾನವನ್ನು ಎಂದಿಗೂ ಬಿಟ್ಟುಕೊಟ್ಟಿಲ್ಲ.

ಇದನ್ನೂ ಓದಿ:ಸ್ಕಾಲರ್​ಶಿಪ್​ಗಾಗಿ ಇನ್ಫೋಸಿಸ್ ಅರ್ಜಿ ಆಹ್ವಾನ.. ಆಯ್ಕೆಯಾದವರಿಗೆ ಎಷ್ಟು ಲಕ್ಷ? ಅರ್ಹತೆಗಳು ಏನು?

ಇನ್ನು ಬೆಂಗಳೂರಿನ ಐಐಎಸ್​ಸಿ ಱಂಕಿಂಗ್​ ಪಟ್ಟಿಯಲ್ಲಿ ಎರಡನೇ ಸ್ಥಾನವನ್ನು ಉಳಿಸಿಕೊಳ್ಳುವ ಮೂಲಕ, ತನ್ನ ಸ್ಥಾನವನ್ನು ಬಿಟ್ಟುಕೊಟ್ಟಿಲ್ಲ. ಬಾಂಬೆ ಐಐಟಿ ಮೂರನೇ ಸ್ಥಾನದಲ್ಲಿದೆ.

ಟಾಪ್​ 10 ಪಟ್ಟಿಯಲ್ಲಿರುವ ಸಂಸ್ಥೆಗಳು

1) ಭಾರತೀಯ ತಂತ್ರಜ್ಞಾನ ಸಂಸ್ಥೆ(IIT) ಮದ್ರಾಸ್ (ಚೆನ್ನೈ)
2 ) ಭಾರತೀಯ ವಿಜ್ಞಾನ ಸಂಸ್ಥೆ (IISc) ಬೆಂಗಳೂರು
3) ಭಾರತೀಯ ತಂತ್ರಜ್ಞಾನ ಸಂಸ್ಥೆ(IIT) ಬಾಂಬೆ (ಮುಂಬೈ)
4) ಭಾರತೀಯ ತಂತ್ರಜ್ಞಾನ ಸಂಸ್ಥೆ(IIT) ದೆಹಲಿ (ನವದೆಹಲಿ)
5) ಭಾರತೀಯ ತಂತ್ರಜ್ಞಾನ ಸಂಸ್ಥೆ(IIT) ಕಾನ್ಪುರ್ (ಉತ್ತರಪ್ರದೇಶ
6) ಭಾರತೀಯ ತಂತ್ರಜ್ಞಾನ ಸಂಸ್ಥೆ(IIT)ಖರಗ್​ಪುರ್ (ಪ.ಬಂಗಾಳ)
7) ಅಖಿಲ ಭಾರತ ವೈದ್ಯಕೀಯ ವಿಜ್ಞಾನ ಸಂಸ್ಥೆ(AIMS) (ದೆಹಲಿ)
8 )ಭಾರತೀಯ ತಂತ್ರಜ್ಞಾನ ಸಂಸ್ಥೆ(IIT) ಗುಹವಾಟಿ (ಅಸ್ಸಾಂ)
9) ಭಾರತೀಯ ತಂತ್ರಜ್ಞಾನ ಸಂಸ್ಥೆ(IIT) ರೂಕ್ರೀ (ಉತ್ತರಾಖಂಡ್)
10)ಜವಹಾರಲಾಲ್ ನೆಹರು ವಿವಿ (JNU) ದೆಹಲಿ (ನವದೆಹಲಿ)

ಹೀಗೆ ಒಟ್ಟು ಹತ್ತು ಐಐಟಿ ಹಾಗೂ ಐಐಎಸ್​ಸಿ ಸಂಸ್ಥೆಗಳು ಟಾಪ್10 ಪಟ್ಟಿಯಲ್ಲಿ ತಮ್ಮ ಹೆಸರನ್ನು ಪಡೆದುಕೊಂಡಿವೆ. ಅದರಲ್ಲೂ ಮದ್ರಾಸ್ ಐಐಟಿ 6ನೇ ಬಾರಿಯೂ ತನ್ನ ಮೊದಲ ಸ್ಥಾನ ಕಾಪಾಡಿಕೊಳ್ಳುವ ಮೂಲಕ, ತನ್ನ ವಿಶ್ವಾರ್ಹತೆಯನ್ನು ಮತ್ತೊಮ್ಮೆ ಸಾಬೀತು ಪಡೆಸಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ