ಕೊಹ್ಲಿಯಂತೆ ನಿತೀಶ್ ಕುಮಾರ್​ ದೇಹದ ಮೇಲೆ ಟ್ಯಾಟೂ.. ಹುಲಿ, ಯೋಧನ ಚಿತ್ರದ ಹಿಂದಿನ ರಹಸ್ಯ?

ನಿತೀಶ್​ ಕುಮಾರ್ ರೆಡ್ಡಿ ಟೀಮ್​ ಇಂಡಿಯಾದ ನಯಾ ಯಂಗ್​ ಸ್ಟಾರ್. ಬಾರ್ಡರ್ ಗವಾಸ್ಕರ್ ಟೆಸ್ಟ್​ ಸರಣಿಯಲ್ಲಿ ಅದ್ಭುತ ಪ್ರದರ್ಶನದಿಂದ ಹೊಸ ಹವಾ ಎಬ್ಬಿಸಿರುವ ನಿತೀಶ್​ ಕುಮಾರ್ ಮೈಮೇಲಿರುವ ಟ್ಯಾಟೂಗಳಿಂದ ಕೂಡ ಗಮನ ಸೆಳೆದಿದ್ದಾರೆ. ಆ ಟ್ಯಾಟೂಗಳು ನಿತೀಶ್​ ಕುಮಾರ್ ವಿಶೇಷ ಗುಣವನ್ನೇ ಪರಿಚಯಿಸಿವೆ.

ಟೀಮ್​ ಇಂಡಿಯನ್​ ಕ್ರಿಕೆಟರ್​​ಗಳಿಗೂ ಟ್ಯಾಟೂಗಳಿಗೂ ಒಂದು ರೀತಿ ವಿಶೇಷ ನಂಟಿದೆ. ವಿರಾಟ್​ ಕೊಹ್ಲಿ, ಕೆಎಲ್​ ರಾಹುಲ್​, ಹಾರ್ದಿಕ್​ ಪಾಂಡ್ಯ, ಸೂರ್ಯಕುಮಾರ್ ಯಾದವ್, ಶ್ರೇಯಸ್ ಅಯ್ಯರ್​, ರಿಂಕು ಸಿಂಗ್​, ಹೀಗೆ ಟ್ಯಾಟೂ ಪ್ರಿಯರ ದಂಡೇ ಟೀಮ್​ ಇಂಡಿಯಾದಲ್ಲಿದೆ. ಟ್ಯಾಟೂ ಕ್ರೇಜ್​ ಹೊಂದಿರುವ ಕ್ರಿಕೆಟಿಗರು, ತಮ್ಮ ಕೈಗಳ ಮೇಲೆ, ದೇಹದ ಮೇಲೆ ವಿಶೇಷವಾದ ಹಚ್ಚೆ ಹಾಕಿಸಿಕೊಂಡಿದ್ದಿದೆ. ಈ ಪೈಕಿ ಟೀಮ್ ಇಂಡಿಯಾದ ನಯಾ ಸೆನ್ಸೇಷನ್ ನಿತೀಶ್ ಕುಮಾರ್ ರೆಡ್ಡಿ ಕೂಡ ಒಬ್ಬರು.

ನಿತೀಶ್ ರೆಡ್ಡಿಯ ಬಲಗೈ ಮೇಲಿದೆ ಸ್ಪೆಷಲ್ ಟ್ಯಾಟೊ..!

ವಿರಾಟ್​ ಕೊಹ್ಲಿಯನ್ನೇ ಆರಾಧ್ಯ ದೈವವಾಗಿ ಸ್ವೀಕರಿಸಿರುವ ನಿತೀಶ್ ಕುಮಾರ್ ರೆಡ್ಡಿ, ಫಿಟ್ನೆಸ್, ಡಯಟ್​ ವಿಚಾರದಲ್ಲಿ ಮಾತ್ರವೇ ಅಲ್ಲ. ಟ್ಯಾಟೂ ವಿಚಾರದಲ್ಲೂ ವಿರಾಟ್​​ ಕೊಹ್ಲಿಯನ್ನೇ ಹಿಂಬಾಲಿಸಿದ್ದಾರೆ. ಕೊಹ್ಲಿಯಂತೆ ನಿತೀಶ್ ಕುಮಾರ್, ಬಲಗೈ ಮೇಲೆ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ನಿತೀಶ್​ ಕುಮಾರ್​ ಬಲಗೈ ತೋಳಿನ ಮೇಲ್ಭಾಗದಲ್ಲಿ ಘರ್ಜಿಸ್ತಿರುವ ಹುಲಿ ಇದೆ.

ಕೆಳ ಭಾಗದಲ್ಲಿ ಯೋಧನ ಚಿತ್ರವಿದೆ. ಬರೋಬ್ಬರಿ 13 ಗಂಟೆಗಳನ್ನ ವ್ಯಯಿಸಿ ನಿತೀಶ್​ ರೆಡ್ಡಿ ಈ ಟ್ಯಾಟೋವನ್ನ ಹಾಕಿಸಿಕೊಂಡಿದ್ದಾರಂತೆ. ಬಲಗೈ ಮೇಲಿರುವ ವಿಶೇಷವಾದ ಹಚ್ಚೆಯ ಬಗ್ಗೆ ಖುದ್ದು ನಿತೀಶ್ ಕುಮಾರ್​ ರೆಡ್ಡಿಯೇ ವಿವರಿಸಿದ್ದು ಹಚ್ಚೆ ಪ್ರಾಮುಖ್ಯತೆ, ಪ್ರಭಾವ ಬೀರಿದ ಅಂಶಗಳ ಬಗ್ಗೆ ಉಲ್ಲೇಖಿಸಿದ್ದಾರೆ.

ಈ ಟ್ಯಾಟೂ ಯೋಧ, ಹುಲಿಯನ್ನು ಪ್ರತಿನಿಧಿಸುತ್ತದೆ. ಆಟದ ನಡುವೆ ಈ ಹಚ್ಚೆ ನೋಡಿದಾಗಲೆಲ್ಲಾ, ನಾನು ಒಬ್ಬ ಯೋಧ ಎಂದು ಭಾವನೆ ಬರುತ್ತದೆ. ಒಂದು ಹುಲಿ ಕಾಡಿನಲ್ಲಿ ತನ್ನ ಭೂಭಾಗವನ್ನು ಸ್ಥಾಪಿಸಿದ್ರೆ, ಇತರೆ ಯಾವುದೇ ಪ್ರಾಣಿಗಳ ಪ್ರವೇಶಕ್ಕೆ ಅದು ಅನುಮತಿಸುವುದಿಲ್ಲ. ಆ ಹುಲಿಯಂತೆ ಭಾವಿಸಲು ಇಷ್ಟ ಪಡುತ್ತೇನೆ. ಆಟದಲ್ಲಿದ್ದಾಗ ಕಿಂಗ್​​​ನಂತೆ ಫೀಲ್ ಆಗುತ್ತೇನೆ.

ನಿತೀಶ್ ಕುಮಾರ್, ಆಟಗಾರ

ಟ್ಯಾಟೂ ಹಾಕಿಸಿಕೊಂಡಿದ್ದು, ಅದರ ಬಗ್ಗೆ ವಿವರಣೆ ನೀಡಿದ್ದು ಮಾತ್ರವಲ್ಲ. ಈ ಟ್ಯಾಟೂ ನಿತೀಶ್​ ರೆಡ್ಡಿಯ ಕರಿಯರ್​ನಲ್ಲಿ ಒಳ್ಳೆ ರೋಲ್​ ಪ್ಲೇ ಮಾಡಿದೆ. ಬಾರ್ಡರ್​-ಗವಾಸ್ಕರ್​​ ಸರಣಿಯ ಅದ್ಭುತ ಆಟಕ್ಕೂ ಇದೇ ಸ್ಪೂರ್ತಿ.

ಮೆಲ್ಬರ್ನ್​ನಲ್ಲಿ ವಾರಿಯರ್​ನಂತೆ ಹೋರಾಟ..!

ಬಾರ್ಡರ್ ಗವಾಸ್ಕರ್ ಟೆಸ್ಟ್​ ಸರಣಿಯಲ್ಲಿ ನಿತೀಶ್​ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಟೀಮ್ ಇಂಡಿಯಾ ಪರ ಟಾಪ್​​-2 ರನ್ ಸ್ಕೋರರ್ ಆಗಿ ಹೊರಹೊಮ್ಮಿದ್ದಾರೆ. ಡೆಬ್ಯೂ ಸರಣಿಯಲ್ಲೇ ಆಮೋಘ ಆಟದಿಂದ ಮೆರೆದಾಡಿದ್ದಾರೆ. ವಾರಿಯರ್​ನಂತೆ ಹೋರಾಡುವ ಗುಣ, ಫಿಯರ್​ಲೆಸ್​ ಆ್ಯಟಿಟ್ಯೂಡ್​ ಎಲ್ಲಾ ನಿತೀಶ್​ ಆಟದಲ್ಲಿತ್ತು. ಮೆಲ್ಬರ್ನ್​ನಲ್ಲಿ 191 ರನ್​​ಗೆ 6 ವಿಕೆಟ್ ಕಳೆದುಕೊಂಡಾಗ ಸುಂದರ್ ಜೊತೆ ಕಟ್ಟಿದ ಇನ್ನಿಂಗ್ಸ್,​ 8ನೇ ಕ್ರಮಾಂಕದಲ್ಲಿ ಸಿಡಿಸಿದ ಆ ಸೆಂಚುರಿ ಇದಕ್ಕೆ ಸಾಕ್ಷಿಯಾಗಿದೆ.

ಇದನ್ನೂ ಓದಿ: ರಾಕಿಂಗ್ ಸ್ಟಾರ್ ಯಶ್ ಅಭಿಮಾನಿಗಳಿಗೆ ಗುಡ್​​ನ್ಯೂಸ್​.. ಹುಟ್ಟುಹಬ್ಬಕ್ಕೆ ಗಿಫ್ಟ್ ಇದು

ಕೊಹ್ಲಿ ಕೈ ಮೇಲೆ ಜಪಾನೀಸ್ ಸಮರಾಯ್​ ಟ್ಯಾಟೂ!

ನಿತೀಶ್​ ರೆಡ್ಡಿಯ ಐಡಿಯಲ್​, ವಿರಾಟ್​ ಕೊಹ್ಲಿಗೂ ಟ್ಯಾಟೂ ಕ್ರೇಜ್​ ಇದೆ. ವಿವಿಧ ರೀತಿಯ 14 ಟ್ಯಾಟೂ ಹೊಂದಿರುವ ಕೊಹ್ಲಿಯ ಕೈ ಮೇಲೂ ಸೈನಿಕನ ಟ್ಯಾಟೂ ಇದೆ. ಆದ್ರೆ, ಅದು ಜಪಾನೀಸ್ ಸಮರಾಯ್​ ಟ್ಯಾಟೂ. ಈ ಸಮರಾಯ್‌ಗಳು ಆಧುನಿಕ ಪೂರ್ವ ಜಪಾನ್‌ನ ಯೋಧರಾಗಿದ್ದು, Justice, Courage, ನಿಷ್ಠೆ, ಶಿಸ್ತಿನ ಪ್ರತೀಕ ಎನ್ನಲಾಗುತ್ತೆ. ಹಾಗಾಗಿ ಈ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ.

ವಿರಾಟ್​ ಕೊಹ್ಲಿಯನ್ನೇ ಆದರ್ಶವಾಗಿ ತೆಗೆದುಕೊಂಡು ಕರಿಯರ್​ ಆರಂಭಿಸಿದ ನಿತೀಶ್ ಕುಮಾರ್ ರೆಡ್ಡಿ, ಡೆಬ್ಯೂ ಟೆಸ್ಟ್​ ಸೀರೀಸ್​ನಲ್ಲೇ ಆನ್​ಫೀಲ್ಡ್​ ಆ್ಯಂಡ್ ಆಫ್ ದಿ ಫೀಲ್ಡ್​ನಲ್ಲಿ ಕೊಹ್ಲಿಯ ಫಾಲೋವರ್ ಅನ್ನೋದನ್ನು ನಿರೂಪಿಸಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ