IND vs AUS; ಪ್ಲೇಯಿಂಗ್​- 11ರಲ್ಲಿ ಯಂಗ್ ಬ್ಯಾಟರ್ ಆಡೋದು ಡೌಟ್​.. ಕಾರಣವೇನು?

ಬಾರ್ಡರ್​​ ಗವಾಸ್ಕರ್ ಟ್ರೋಫಿಯ 4ನೇ ಪಂದ್ಯ ಟೀಮ್ ಇಂಡಿಯಾಕ್ಕೆ ಅತ್ಯಂತ ಮುಖ್ಯವಾಗಿದೆ. ಟ್ರೋಫಿಯಲ್ಲಿ ಭಾರತ- ಆಸಿಸ್​ ತಲಾ 1-1 ಗೆದ್ದುಕೊಂಡಿದ್ದು 3ನೇ ಟೆಸ್ಟ್​ ಪಂದ್ಯ ಡ್ರಾ ಆಗಿದೆ. ಟೀಮ್ ಇಂಡಿಯಾ ಈ ಪಂದ್ಯವನ್ನು ಗೆಲ್ಲಲೇಬೇಕಾದ ಅನಿವಾರ್ಯತೆ ಇದೆ. ಆದರೆ ಪ್ಲೇಯಿಂಗ್​​- 11ರಲ್ಲಿ ಯಾವ್ಯಾವ ಆಟಗಾರರು ಆಡುತ್ತಾರೆ ಎನ್ನುವುದು ಕುತೂಹಲವಾಗಿದ್ದು ಯಂಗ್ ಬ್ಯಾಟರ್ ನಿತೀಶ್​ ಕುಮಾರ್ ಆಡುವುದು ಡೌಟ್ ಎಂದು ಹೇಳಲಾಗುತ್ತಿದೆ.

ಹೈದರಾಬಾದ್​ ಮೂಲದ ಯುವ ಆಟಗಾರ ನಿತೀಶ್​ ಕುಮಾರ್ ರೆಡ್ಡಿ ಬಾರ್ಡರ್​ ಗವಾಸ್ಕರ್ ಟೂರ್ನಿಯಲ್ಲಿ ಉತ್ತಮವಾದ ಪ್ರದರ್ಶನ ನೀಡಿದ್ದಾರೆ. ಆದರೆ 4ನೇ ಪಂದ್ಯವನ್ನು ಟೀಮ್ ಇಂಡಿಯಾದ ಫೈನಲ್ ಹಾದಿಯನ್ನು ನಿರ್ಧರಿಸಲಿದೆ. ಹೀಗಾಗಿ ಈ ಮ್ಯಾಚ್​ನಲ್ಲಿ ನಿತೀಶ್​ ಕುಮಾರ್ ಬದಲಿಗೆ ವಾಷಿಂಗ್ಟನ್ ಸುಂದರ್ ಆಡುವ ಸಾಧ್ಯತೆ ಹೆಚ್ಚಾಗಿದೆ. ಏಕೆಂದರೆ ಮೆಲ್ಬೋರ್ನ್​ ಸ್ಟೇಡಿಯಂ ಪಿಚ್ ಸ್ಪಿನ್ ಸ್ನೇಹಿ ಆಗಿದ್ದರಿಂದ ಆಲ್​​ರೌಂಡರ್​ ಸುಂದರ್​ಗೆ ಅವಕಾಶ ಕೊಡಲಾಗುತ್ತದೆ ಎನ್ನಲಾಗಿದೆ.

ಇದನ್ನೂ ಓದಿ:ಟೀಮ್ ಇಂಡಿಯಾದ ಓಪನಿಂಗ್​ ಬ್ಯಾಟಿಂಗ್​ನಲ್ಲಿ ದೊಡ್ಡ ಬದಲಾಣೆ.. ಕನ್ನಡಿಗ KL ರಾಹುಲ್​​ಗೆ ಬಿಗ್ ಶಾಕ್

ನಿತೀಶ್​ ಕುಮಾರ್ ಬಾರ್ಡರ್​​ ಗವಾಸ್ಕರ್ ಟ್ರೋಫಿಯ ಐದು ಇನ್ನಿಂಗ್ಸ್​​ನಲ್ಲಿ 179 ರನ್‌ ಗಳಿಸಿದ್ದು 44ಕ್ಕಿಂತ ಹೆಚ್ಚು ಸರಾಸರಿ ಜೊತೆಗೆ 72 ಸ್ಟ್ರೈಕ್ ರೇಟ್‌ ಹೊಂದಿದ್ದಾರೆ. ತಂಡದಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದರೂ 4ನೇ ಅತಿ ಹೆಚ್ಚು ರನ್ ಗಳಿಸಿದವರಲ್ಲಿ ಒಬ್ಬರಾಗಿದ್ದಾರೆ. ಅಲ್ಲದೇ ಟೆಸ್ಟ್​ನಲ್ಲಿ 27 ಓವರ್‌ಗಳು ಬೌಲ್ ಮಾಡಿ ಮೂರು ವಿಕೆಟ್​ಗಳನ್ನು ಕಬಳಿಸಿದ್ದಾರೆ.

ಟೀಮ್ ಇಂಡಿಯಾದಲ್ಲಿ ಓಪನರ್ ಬ್ಯಾಟರ್ ಆಗಿ ರೋಹಿತ್ ಶರ್ಮಾ ಹಾಗೂ ಯಶಸ್ವಿ ಜೈಸ್ವಾಲ್ ಕ್ರೀಸ್​ಗೆ ಬರುವುದು ಫಿಕ್ಸ್ ಆಗಿದೆ. ಬಳಿಕ ಕೆ.ಎಲ್ ರಾಹುಲ್, ವಿರಾಟ್ ಕೊಹ್ಲಿ, ರಿಷಬ್ ಪಂತ್ ಬ್ಯಾಟಿಂಗ್​​ಗೆ ಬರುತ್ತಾರೆ. ಆದರೆ ಗಿಲ್ ಯಾವ ಹಂತದಲ್ಲಿ ಬರುತ್ತಾರೆ ಎನ್ನುವುದು ಕನ್​ಫರ್ಮ್ ಆಗಿಲ್ಲ. ಅಲ್ಲದೇ ಪಿಚ್ ಸ್ಪಿನ್​ ಬೌಲಿಂಗ್​​ಗೆ ಹೆಚ್ಚು ಸಹಕಾರಿ ಆಗಿದ್ದರಿಂದ ರವೀಂದ್ರ ಜಡೇಜಾ ಜೊತೆಗೆ ಸುಂದರ್ ಆಡುತ್ತಾರೆ. ಹೀಗಾಗಿ ನಿತೀಶ್​ ಕುಮಾರ್​ ಅವರನ್ನು ಡ್ರಾಪ್ ಮಾಡಲಾಗುತ್ತದೆ ಎಂದು ಹೇಳಲಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ