ಚಾಂಪಿಯನ್ಸ್​ ಟ್ರೋಫಿಯಲ್ಲಿ KL ರಾಹುಲ್​​​​ಗೆ ಜಾಗವೇ ಇಲ್ಲ.. ಯಾಕೆಂದರೆ..

ಚಾಂಪಿಯನ್ಸ್​ ಟ್ರೋಫಿ ತಂಡದಲ್ಲಿ ಕನ್ನಡಿಗ ಕೆ.ಎಲ್.ರಾಹುಲ್​ಗೆ ಸ್ಥಾನ ಸಿಗೋದು ಬಹುತೇಕ ಡೌಟ್​. ಒಂದು ವೇಳೆ ಚಾನ್ಸ್​​ ಸಿಕ್ರೂ ಪ್ಲೇಯಿಂಗ್​ ಇಲೆವೆನ್​ನಲ್ಲಿ ಸ್ಥಾನ ಅನುಮಾನ.

ರಾಹುಲ್​​​ಗಿಲ್ವಾ ಸ್ಥಾನ..?

ಚಾಂಪಿಯನ್ಸ್​ ಟ್ರೋಫಿ ತಂಡದ ಆಯ್ಕೆ ಸಿದ್ಧತೆ ನಡೀತಿರೋದ್ರ ನಡುವೆ ದೊಡ್ಡ ಸುದ್ದಿ ಹೊರಬಿದ್ದಿದೆ. ಚಾಂಪಿಯನ್ಸ್​ ಟ್ರೋಫಿ ತಂಡದಲ್ಲಿ ಕೆ.ಎಲ್.ರಾಹುಲ್​ಗೆ ಸ್ಥಾನ ಸಿಗೋದು ಬಹುತೇಕ ಅನುಮಾನವಾಗಿದೆ. ಇದಕ್ಕೆ ಕಾರಣ ಫಸ್ಟ್​ ಚಾಯ್ಸ್​ ವಿಕೆಟ್ ಕೀಪರ್ ರಿಷಭ್ ಪಂತ್ ಎಂಟ್ರಿ. ಡೆಡ್ಲಿ ಬ್ಯಾಟರ್ ರಿಷಭ್ ಪಂತ್​ ಆಗಮನ ಕನ್ನಡಿಗನ ಸ್ಥಾನಕ್ಕೆ ಕುತ್ತು ತಂದಿದೆ.

ಇದನ್ನೂ ಓದಿ: Prabhas Marriag: ಪ್ರಭಾಸ್ ಮದ್ವೆ ಬಗ್ಗೆ ದೊಡ್ಡ ಸುಳಿವು ಬಿಟ್ಟುಕೊಟ್ಟ ಸ್ನೇಹಿತ ರಾಮ್​ ಚರಣ್..!

ಕೆ.ಎಲ್.ರಾಹುಲ್​ಗೆ ಸ್ಥಾನ ಕಷ್ಟ

ಕೆ.ಎಲ್.ರಾಹುಲ್.. ವಿಕೆಟ್ ಕೀಪರ್ ಆ್ಯಂಡ್ ಮಿಡಲ್ ಆರ್ಡರ್ ಬ್ಯಾಟರ್​ ಆಗಿ ಆಯ್ಕೆ ಆಗ್ತಾರೆ ಎನ್ನಲಾಗಿತ್ತು. ಆದ್ರೀಗ ವಿಕೆಟ್​ ಕೀಪರ್​​ ಸ್ಥಾನಕ್ಕೆ ಪಂತ್​ ಎಂಟ್ರಿ ಕೊಟ್ಟಿದ್ದಾರೆ. 5ನೇ ಸ್ಲಾಟ್​ನಲ್ಲಿ ಪಂತ್​ ಬ್ಯಾಟ್​ ಬೀಸೋದು ಫಿಕ್ಸಾಗಿದೆ. ಮಿಡಲ್ ಆರ್ಡರ್​ನಲ್ಲಿ 4ನೇ ಸ್ಲಾಟ್​ನಲ್ಲಿ ಆಡಲು ಸಾಲಿಡ್ ಫಾರ್ಮ್​ನಲ್ಲಿರೋ ಶ್ರೇಯಸ್ ಅಯ್ಯರ್ ರೆಡಿಯಾಗಿದ್ದಾರೆ. 6ನೇ ಸ್ಲಾಟ್​​ನಲ್ಲಿ ಆಲ್​​ರೌಂಡರ್​ ಹಾರ್ದಿಕ್ ಪಾಂಡ್ಯ ಕಣಕ್ಕಿಳಿಯಲಿದ್ದಾರೆ. ಸಂಜು ಸ್ಯಾಮ್ಸನ್, ಇಶಾನ್ ಕಿಶನ್, ಧ್ರುವ್ ಜುರೇಲ್​ ಕೂಡ ಮಿಡಲ್​ ಆರ್ಡರ್​ನಲ್ಲಿ ಸ್ಥಾನಕ್ಕೆ ಪೈಪೋಟಿಯಲ್ಲಿದ್ದಾರೆ.

ಹೀಗಾಗಿ ಮಿಡಲ್ ಆರ್ಡರ್​ನಲ್ಲಾಗಲಿ ಅಥವಾ ವಿಕೆಟ್ ಕೀಪರ್ ಸ್ಥಾನದಲ್ಲಾಗಲಿ ಕೆ.ಎಲ್.ರಾಹುಲ್ ಸ್ಥಾನ ಪಡೆಯೋದು ಕಷ್ಟವೆನಿಸಿದೆ.
ಮಿಡಲ್ ಆರ್ಡರ್​ನಲ್ಲಿ ವಿಕೆಟ್ ಕೀಪರ್​​​​​​ ಕೋಟಾದಲ್ಲಿ ಇಲ್ದಿದ್ರೆ ಏನು? ಆರಂಭಿಕನಾಗಿ ಕೆ.ಎಲ್.ರಾಹುಲ್ ಆಡ್ತಾರೆ ಅಂದ್ರೆ ಈ ಸ್ಲಾಟ್​ನಲ್ಲೂ ಪೈಪೋಟಿ ಜೋರಾಗಿದೆ. ರೋಹಿತ್ ಜೊತೆಗೆ ಇನ್ನಿಂಗ್ಸ್​ ಆರಂಭಿಸಲು ಸಾಲು ಸಾಲು ಆಟಗಾರರಿದ್ದಾರೆ. ಗಿಲ್, ಯಶಸ್ವಿ ಜೈಸ್ವಾಲ್, ಈಗಾಗಲೇ ಟವೆಲ್ ಹಾಕಿದ್ದಾರೆ. ಗಾಯಕ್ವಾಡ್, ಇಶಾನ್ ಕಿಶನ್ ಕೂಡ ಒಂದೇ ಒಂದು ಅವಕಾಶಕ್ಕಾಗಿ ಕಾಯ್ತಿದ್ದಾರೆ. ಹೀಗಾಗಿ ಕೆ.ಎಲ್.ರಾಹುಲ್​ಗೆ ಆರಂಭಿಕನಾಗಿ ಸ್ಥಾನ ಸಿಗೋದು ಕಷ್ಟ.

ಇದನ್ನೂ ಓದಿ: ನೀವು ಸೇದುವ ಸಿಗರೇಟ್ ಕೂಡ ನಕಲಿ; ಧೂಮಪಾನಿಗಳಿಗೆ ಬಿಗ್ ಶಾಕ್..!

ಪೈಪೋಟಿ ಒಂದೆಡೆಯಾದ್ರೆ ಪರ್ಫಾಮೆನ್ಸ್​ ಕೂಡ ರಾಹುಲ್​ ಪಾಲಿಗೆ ವಿಲನ್​ ಆಗಿದೆ. ಕಳೆದ ವರ್ಷ ಆಡಿದ ಎರಡೂ ಏಕದಿನ ಪಂದ್ಯದಲ್ಲಿ ರಾಹುಲ್​ ಫೇಲ್​ ಆಗಿದ್ದಾರೆ. ಇದು ಸಹಜವಾಗೇ ರಾಹುಲ್​ ಅಗತ್ಯತೆ ತಂಡಕ್ಕಿದ್ಯಾ ಎಂಬ ಪ್ರಶ್ನೆ ಹುಟ್ಟಿಸಿದೆ.

ಲಂಕಾ ಸರಣಿಯಲ್ಲಿ ರಾಹುಲ್

ಕಳೆದ ವರ್ಷ 2 ಏಕದಿನ ಪಂದ್ಯಗಳನ್ನಾಡಿರುವ ಕೆ.ಎಲ್.ರಾಹುಲ್ 15ರ ಬ್ಯಾಟಿಂಗ್ ಅವರೇಜ್​ನಲ್ಲಿ 31 ರನ್ ಗಳಿಸಿದ್ದಾರೆ. ಅದು ಕೂಡ 68.88ರ ಕಳಪೆ ಸ್ಟ್ರೈಕ್​ರೇಟ್​ನಲ್ಲಾಗಿದೆ. ಇದು ಸಹಜವಾಗೇ ಕೆ.ಎಲ್.ರಾಹುಲ್​ಗೆ ಮುಳ್ಳಾಗುವ ಸಾದ್ಯತೆ ಇದೆ. ಪ್ಲೇಯಿಂಗ್​ ಇಲೆವೆನ್​ನಲ್ಲಿ ಕೆ.ಎಲ್.ರಾಹುಲ್​ಗೆ ಸ್ಥಾನ ಸಿಗೋದು ಸದ್ಯಕ್ಕಂತೂ ಅನುಮಾನ. ಒಂದು ವೇಳೆ ಚಾಂಪಿಯನ್ಸ್​ ಟ್ರೋಫಿ ತಂಡದಲ್ಲಿ ಸ್ಥಾನ ಪಡೆದ್ರೂ ಬ್ಯಾಕ್ ಆಪ್ ಆಟಗಾರನಾಗಿ ಇರಬೇಕಾಗುತ್ತೆ. ಯಾರಾದ್ರೂ ಇಂಜುರಿಗೆ ತುತ್ತಾದ್ರೆ ಅಥವಾ ಕಳಪೆ ಪ್ರದರ್ಶನ ನೀಡಿದ್ರೆ, ಚಾನ್ಸ್​ ಸಿಗೋ ಸಾಧ್ಯತೆಯಿದೆ.

ಇದನ್ನೂ ಓದಿ: ಕ್ಯಾಪ್ಟನ್ ರೋಹಿತ್ ಶರ್ಮಾ ಕರಿಯರ್​​ ಅಂತ್ಯಕ್ಕೆ ಮುಹೂರ್ತ ಫಿಕ್ಸ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್