ನೋ ಪಿಜ್ಜಾ, ನೋ ಮಟನ್, ಒನ್ಲಿ ಕ್ರಿಕೆಟ್​.. 14ರ ವೈಭವ್ ಸೂರ್ಯವಂಶಿ ಕಮಿಟ್​ಮೆಂಟ್​ ಹೇಗಿದೆ?

ಕೇವಲ 14 ವರ್ಷಕ್ಕೆ ಮಿಲಿಯನ್​ ಡಾಲರ್​ ಟೂರ್ನಿಗೆ ಡೆಬ್ಯೂ ಮಾಡಿರೋ ಯಂಗ್​ ವೈಭವ್​ ಸೂರ್ಯವಂಶಿ ಸದ್ಯ ಕ್ರಿಕೆಟ್​​ ಲೋಕದ ಸೆನ್ಸೇಷನ್​. ಒಂದೇ ಒಂದು ಇನ್ನಿಂಗ್ಸ್​​ ಬಾಲಕನನ್ನ ಸೂಪರ್​ ಸ್ಟಾರ್​ ಮಾಡಿದೆ. ಅಂದ್ಹಾಗೆ ಈ ಸೂಪರ್​ ಸ್ಟಾರ್​ ಪಟ್ಟ ಸುಖಾಸುಮ್ಮನೇ ಬಂದಿದ್ದಲ್ಲ. ಸೂರ್ಯವಂಶಿಯ ಜರ್ನಿಯೇ ರೋಚಕ.

ವೈಭವ್ ಸೂರ್ಯವಂಶಿ ಸದ್ಯ ಇಂಡಿಯನ್ ಕ್ರಿಕೆಟ್​ನ ಸೆನ್ಸೇಷನ್. ಐಪಿಎಲ್​​​​​​​ನ ನಯಾ ಹೀರೋ. 14 ವರ್ಷಕ್ಕೆ ಡೆಬ್ಯು ಮಾಡಿ ಐಪಿಎಲ್​ನಲ್ಲಿ ಹೊಸ ಇತಿಹಾಸ ಬರೆದಿದ್ದಾನೆ. ಲಕ್ನೋ ವಿರುದ್ಧ ಪಂದ್ಯದಲ್ಲಿ ರಾಜಸ್ಥಾನ್​ ಸೋತರೂ14 ವರ್ಷದ ವೈಭವ್ ಸೂರ್ಯವಂಶಿ ಹೊಡೆದ ಒಂದೊಂದು ಶಾಟ್​ ಕ್ರಿಕೆಟ್​ ಪ್ರೇಮಿಗಳ ಕಣ್ಣಿಗೆ ಕಟ್ಟಿದಂತಿದೆ.

ವೈಭವ್​​ ಸೂರ್ಯವಂಶಿಯ ವಯಸ್ಸು ಜಸ್ಟ್ 14 ವರ್ಷ ಮಾತ್ರ. ಆದ್ರೆ, ಆತನ ಬ್ಯಾಟಿಂಗ್ ಶೈಲಿ, ಮೊದಲ ಎಸೆತದಲ್ಲೇ ಸಿಡಿಸಿದ ಸಿಕ್ಸರ್,​ ಆತನ ಆತ್ಮವಿಶ್ವಾಸ, ಸ್ಟಾರ್​ ಬೌಲರ್​ಗಳು ಎಂಬ ಕಿಂಚಿತ್ತು ಅಳುಕಿಲ್ಲದೇ ನಡೆಸಿದ ಬ್ಯಾಟಿಂಗ್, ಆಕ್ರಮಣಕಾರಿ ಸ್ವಭಾವ ಇಂಟರ್​​ನ್ಯಾಷನಲ್​ ಕ್ರಿಕೆಟ್​ ಆಡಿದ ಅನುಭವಿ ಬ್ಯಾಟರ್​ನ ನೆನಪಿಸಿದ್ದು ಸುಳ್ಳಲ್ಲ. ಈತನ ಆಟ ಏಜ್ ಅನ್ನೋ ಜಸ್ಟ್​ ನಂಬರ್, ಅನ್ನೋದನ್ನ ಸಾರಿ ಸಾರಿ ಹೇಳುವಂತಿತ್ತು.

ವೈಭವ್​ ಸೂರ್ಯವಂಶಿ ಸದ್ಯ ಕ್ರಿಕೆಟ್​ ಲೋಕದ ನಯಾ ಸೂಪರ್​ ಸ್ಟಾರ್​​​. ಗೂಗಲ್​ ಸಿಇಒ ಸುಂದರ್​ ಪಿಚ್ಚೈಯಿಂದ ಹಿಡಿದು ಹಳ್ಳಿ ಹಳ್ಳಿಯ ಕ್ರಿಕೆಟ್​ ಪ್ರೇಮಿಗಳ ಬಾಯಲ್ಲಿ ಈತನ ಹೆಸರು ಓಡಾಡ್ತಿದೆ. ಕ್ರಿಕೆಟ್​ ಲೋಕ ಕಂಡ ಸೂಪರ್​ ಸ್ಟಾರ್​​ಗಳು ಈತನ ಆಟಕ್ಕೆ ಫಿದಾ ಆಗಿದ್ದಾರೆ. ಅಂದ್ಹಾಗೆ ಈ ಪ್ರಸಿದ್ಧಿ, ಸೂಪರ್​ ಸ್ಟಾರ್​ ಪಟ್ಟ ಸಖಾಸುಮ್ಮನೆ ಬಂದಿದ್ದಲ್ಲ. ಕಠಿಣ ಶ್ರಮವಿದೆ, ತಂದೆಯ ತ್ಯಾಗದ ಕಥೆಯಿದೆ. ಇದರ ಪ್ರತಿಫಲವೇ ಈ ಯಶಸ್ಸು.

14 ವರ್ಷದ ಬಾಲಕನ ತ್ಯಾಗಕ್ಕೆ ಸಿಕ್ತು ಪ್ರತಿಫಲ..!

ವಿಶ್ವ ಕ್ರಿಕೆಟ್​ನಲ್ಲಿ ಯಶಸ್ಸಿಗಾಗಿ ಅದೆಷ್ಟೋ ಕ್ರಿಕೆಟಿಗರು, ನೆಚ್ಚಿನ ಆಹಾರವನ್ನ ಬಿಟ್ಟಿದ್ದಿದೆ. ಆದ್ರೆ, ಕ್ರಿಕೆಟ್​ಗಾಗಿ 14 ವರ್ಷದ ಬಾಲಕನಿಗೆ ನೆಚ್ಚಿನ ಊಟ ಬಿಡು ಅಂದ್ರೆ ಕೇಳ್ತಾರಾ.? ಊಟ ಬಿಟ್ರೂ, ಹೊರಗಿನ ತಿಂಡಿಯಾದ್ರೂ ಬೇಕು ಅಂದೆ ಅಂತಾರೆ. ಆದ್ರೆ, ಈ ವೈಭವ್ ಸೂರ್ಯವಂಶಿ ಹಾಗಲ್ಲ. ಕ್ರಿಕೆಟ್​​ಗಾಗಿ ನೆಚ್ಚಿನ ಪಿಜ್ಜಾವನ್ನೇ ಬಿಟ್ರು. ಅವ್ರ ಕುಟುಂಬದವರೇ ಹೇಳೋ ಪ್ರಕಾರ ನಾನ್​ ವೆಜ್​ ಅದ್ರಲ್ಲೂ ಮಟನ್​​ ಅಂದ್ರೆ ಈ ವೈಭವ್​ ಪ್ರಾಣವಂತೆ. ಆದ್ರೆ, ಕ್ರಿಕೆಟ್​ರ್​ ಆಗಬೇಕು ಅನ್ನೋ ಕನಸ ಬೆನ್ನುಬಿದ್ದ ವೈಭವ್ ಕ್ರಿಕೆಟ್​ಗಾಗಿ ಅದನ್ನೂ ತ್ಯಾಗ ಮಾಡಿದ್ರು.

ಜಂಕ್ ಫುಡ್ ಹಾಗೂ ನಾನ್ ವೆಜ್​​​​ ಅನ್ನ ಸಂಪೂರ್ಣವಾಗಿ ಬಿಟ್ಟಿದ್ದ ವೈಭವ್, ಫಿಟ್​​ನೆಸ್​​​ ಕಡೆಗೆ ಗಮನ ಹರಿಸಿದರು. ಈ ಬಾರಿ ಐಪಿಎಲ್​ಗಂತೂ ಇನ್ನಿಲ್ಲದ ಕಸರತ್ತು ನಡೆಸಿದ್ರು. ರಾಜಸ್ಥಾನ್​​ ಕ್ಯಾಂಪ್​ನ ನೆಟ್​​​ ಸೆಷನ್​ಗಳಲ್ಲಿ ಬೆವರು ಹರಿಸುತ್ತಿದ್ದ ವೈಭವ್ ಸೂರ್ಯವಂಶಿ, ತಂಡದಲ್ಲಿರುವ ಸ್ಟಾರ್​ ಬೌಲರ್​ಗಳನ್ನೇ ಬೆಂಡೆತ್ತಿದ್ದರು. ಜೋಫ್ರಾ ಆರ್ಚರ್​ರಂಥ ಬೌಲರ್​​ಗಳ ದಾಳಿಯನ್ನೇ ಚಿಂದಿ ಉಡಾಯಿಸಿ ಗಮನ ಸೆಳೆದಿದ್ರು.

ದಾರಿ ತೋರಿಸಿದ ದ್ರಾವಿಡ್, ಆಕ್ರಮಣಕಾರಿ ಆಟ​​​..!

ಡೆಬ್ಯೂ ಮ್ಯಾಚ್​ನಲ್ಲೇ ವೈಭವ್ ಸೂರ್ಯವಂಶಿ ಸ್ಫೋಟಕ ಬ್ಯಾಟಿಂಗ್ ನಡೆಸಿದ್ದಾರೆ. ಈ ಆಕ್ರಮಣಕಾರಿ ಆಟದ ಹಿಂದೆ ರಾಜಸ್ಥಾನ್ ರಾಯಲ್ಸ್ ಹೆಡ್ ಕೋಚ್ ರಾಹುಲ್ ದ್ರಾವಿಡ್ ಪಾತ್ರವಿದೆ. ಹರಾಜಿನಲ್ಲಿ 14 ವರ್ಷದ ವೈಭವ್​ ಖರೀದಿಸಿದ ಬಳಿಕ ಹೆಡ್​ ಕೋಚ್​ ದ್ರಾವಿಡ್​ ಈತನ ಮೇಲೆ ವಿಶೇಷ ಆಸಕ್ತಿ ಹೊಂದಿದ್ರು. ತಂಡ ಸೇರಿದ ದಿನದಿಂದಲೂ ನೆಟ್​ ಸೆಷನ್​ ವೇಳೆ ಸ್ಪೆಷಲ್ ಟಾಸ್ಕ್​ ನೀಡುತ್ತಿದ್ದರು. 4 ಓವರ್​ಗೆ 40 ರನ್, 60 ರನ್​​ನಂತೆ ಟಾರ್ಗೆಟ್ ಸೆಟ್ ಮಾಡಿ ಟಾರ್ಗೆಟ್​ ರೀಚ್​ ಮಾಡುವಂತೆ ಹೇಳ್ತಾ ಇದ್ರು. ಡೆಬ್ಯೂ ಮ್ಯಾಚ್​​ನಲ್ಲಿ ಆರ್ಭಟಿಸಿಕೆ ಈ ಟಾಸ್ಕ್​​ಗಳು ಸಹಾಯ ಮಾಡಿದ್ದು ಸುಳ್ಳಲ್ಲ.

ಸುಳ್ಳಾಗಲಿಲ್ಲ ವೈಭವ್​ ತಂದೆಯ ನಂಬಿಕೆ.!

ವೈಭವ್ ಸೂರ್ಯವಂಶಿಗೆ ಅಪ್ಪನೇ ಮೊದಲ ಗುರು. ಕ್ರಿಕೆಟ್​ನ ಹುಚ್ಚು ಹತ್ತಿಸಿದ್ದೆ ಅಪ್ಪ ಸಂಜೀವ್​ ಸೂರ್ಯವಂಶಿ. ಆರಂಭದಲ್ಲಿ ತಂದೆಯ ಜೊತೆ ವೈಭವ್​​ ಕ್ರಿಕೆಟ್​ ಆಡುತ್ತಿದ್ರು. ಮಗನ ಉತ್ಸಾಹ ಕಂಡಿದ್ದ ಸಂಜೀವ್, ಆತನಿಗೆ 5ನೇ ವರ್ಷದಲ್ಲೇ ಮನೆ ಬಳಿ ನೆಟ್ಸ್​ ತಯಾರಿಸಿ ಅಭ್ಯಾಸಕ್ಕೆ ನೆರವಾಗಿದ್ರು. ಕೃಷಿಕರಾಗಿದ್ರು ಮಗನ ಕನಸಿಗೆ ನೆರವಾದ ತಂದೆ 9ನೇ ವರ್ಷದಲ್ಲಿ ಸಮೀಪದ ಸಮಸ್ತಿಪುರದ ಕ್ರಿಕೆಟ್ ಅಕಾಡೆಮಿಗೆ ಸೇರಿಸಿದರು.

ಇದನ್ನೂ ಓದಿ: CSKಗೆ ಹಿಗ್ಗಾಮುಗ್ಗಾ ಬಾರಿಸಿದ ರೋಹಿತ್, ಸೂರ್ಯಕುಮಾರ್.. ಧೋನಿಗೆ ಭಾರೀ ಅವಮಾನ!

ಮಗನನ್ನ ಕ್ರಿಕೆಟರ್​ ಮಾಡೋ ಪಣ ತೊಟ್ಟ ತಂದೆ ಹಣದ ಅಡಚಣೆಯಾದಾಗ ಇದ್ದ ಸ್ವಲ್ಪ ಕೃಷಿ ಜಮೀನನ್ನೆ ಮಾರಿದ್ರು. ಬಿಹಾರದ ಮಾಜಿ ಕ್ರಿಕೆಟಿಗ ಮನೀಷ್​ ಓಜಾ ಬಳಿ ಕೋಚಿಂಗ್​ಗೆ ಸೇರಿಸಿದ್ರು. ಅಕಾಡೆಮಿ ಸೇರಿದ ಮೊದಲ ದಿನವೇ ತಂದೆಯ ಋಣ ತೀರಿಸೋ ಪಣ ತೊಟ್ಟಿದ್ದ ವೈಭವ್, ಸಿಕ್ಕ ಪ್ರತಿ ಅವಕಾಶದಲ್ಲೂ ಸಾಮರ್ಥ್ಯ ಫ್ರೂವ್ ಮಾಡಿದ್ದರು. ಯಶಸ್ಸಿನ ಪಯಣದಲ್ಲಿ ಸಾಗಿದ್ದ ವೈಭವ್​ ವಿರುದ್ಧ ಏಜ್​ ಫ್ರಾಡ್​ ಆರೋಪವೂ ಕೇಳಿ ಬಂತು. ಈ ವೇಳೆ ಬಿಸಿಸಿಐ ನಿಯಮದಂತೆ ವೈಭವ್​, ಬೋನ್​​​ ಟೆಸ್ಟ್​ಗೆ ಒಳಗಾಗಿ, ತಾನು ತಪ್ಪು ಮಾಡಿಲ್ಲ ಅನ್ನೋದು ಪ್ರೂವ್​ ಮಾಡಿದ್ರು.

ಚಿಕ್ಕ ವಯಸ್ಸಿನಲ್ಲೇ ಯಶಸ್ಸಿನ ಮೆಟ್ಟಿಲು ಹತ್ತುತ್ತಿರುವ ವೈಭವ್​ಗೆ, ಕಠಿಣ ಪರಿಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗ್ತಿದೆ. ಆದ್ರೆ, ಸಕ್ಸಸ್​ನ ಅಮಲು ತಲೆಗೇರಿಸಿಕೊಳ್ಳದೆ ಸರಿಯಾದ ಹಾದಿಯಲ್ಲಿ ವೈಭವ್​​ ಮುನ್ನಡೆಯಲಿ ಅನ್ನೋದು ಕ್ರಿಕೆಟ್ ಅಭಿಮಾನಿಗಳ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ