ಬರೀ ‘‘MAYDAY.. MAYDAY’ ಅಲ್ಲ.. ಪತನದ ಕೊನೆ ಕ್ಷಣದಲ್ಲಿ ಪೈಲಟ್ ಹೇಳಿದ್ದೇನು? ಥ್ರಸ್ಟ್ ಅಂದರೇನು..?

ವಿಮಾನ ದುರಂತ ನಡೆದ ಮೇಘನಿ ನಗರವೀಗ ಸ್ಮಶಾನ ಮೌನ ಆವರಿಸಿದೆ. ಒಂದೊಂದು ಫೋಟೋಗಳು ಭೀಕರತೆಗೆ ಸಾಕ್ಷ್ಯ ಹೇಳುತ್ತಿವೆ. ಕನಸುಗಳ ಮೂಟೆ ಹೊತ್ತು ಪ್ರಯಾಣ ಹೊರಟವರು ಘೋರ ಅಂತ್ಯದಲ್ಲಿ ಉಸಿರು ನಿಲ್ಲಿಸಿದ್ದಾರೆ. ಈ ಒಂದು ದುರಂತದಿಂದ ಇಡೀ ವಿಶ್ವವೇ ಬೆಚ್ಚಿಬಿದ್ದಿದೆ.
ಬರೋಬ್ಬರಿ 274 ಜನರ ಜೀವ ತೆಗೆದ ಈ ದುರಂತ ಕಾರಣ ಏನು ಎಂಬುದರ ಬಗ್ಗೆ ಚರ್ಚೆ ನಡೆಯುತ್ತಿದೆ. ಪೈಲಟ್‌ ತಪ್ಪೋ? ತಾಂತ್ರಿಕ ದೋಷವೋ? ಇಂಜಿನ್‌ ವೈಫಲ್ಯವೇ? ಅಥವಾ ಬಾಹ್ಯ ಕಾರಣಗಳಿಂದ ವಿಮಾನ ಪತನವಾಗಿದೆಯಾ ಎಂಬ ನಾನಾ ಪ್ರಶ್ನೆಗಳು ಕಾಡುತ್ತಿದೆ.

ಇದನ್ನೂ ಓದಿ:ಜೇನುನೊಣ ನುಂಗಿ ಜೀವ ಬಿಟ್ಟ ಸಂಜಯ್ ಕಪೂರ್.. ಇಡೀ ಕಪೂರ್​ ಫ್ಯಾಮಿಲಿ, ಶಾರುಖ್​​ಗಿಂತ ದೊಡ್ಡ ಶ್ರೀಮಂತ!

ಇದೆಲ್ಲದರ ನಡುವೆಯೇ ಇದೀಗ ದುರಂತಕ್ಕೀಡಾದ ಏರ್​ ಇಂಡಿಯಾ ವಿಮಾನದ ಪೈಲಟ್‌ ಹಾಗೂ ಎಟಿಸಿ ನಡುವಿನ ಕೊನೆಯ ಸಂಭಾಷಣೆ ರಿವೀಲ್‌ ಆಗಿದ್ದು, ಸಂಚಲನವನ್ನು ಸೃಷ್ಟಿಸಿದೆ. ಗುಜರಾತ್​ನ ಅಹಮದಾಬಾದ್​ ಏರ್​ಪೋರ್ಟ್​ನಿಂದ ಟೇಕಾಫ್​ ಆದ ಏರ್​ ಇಂಡಿಯಾ 171 ವಿಮಾನ 2 ಕಿ.ಮೀ. ದೂರದಲ್ಲೇ ಜನವಸತಿ ಪ್ರದೇಶದ ಮೇಲೆ ಬಿದ್ದು ಪತನವಾಗಿತ್ತು. ಪತನಕ್ಕೂ ಮುನ್ನ ಪೈಲಟ್​ ಸುಮಿತ್‌ ಸಬರ್‌ವಾಲ್‌ ಎಟಿಸಿಗೆ ಮೇಡೇ, ಮೇಡೇ, ಮೇಡೇ ಎಂದು ಸಂದೇಶ ರವಾನಿಸಿದ್ರು. ಅವರು ಕಳುಹಿಸಿ 4 ರಿಂದ 5 ಸೆಕೆಂಡ್‌ಗಳ ಸಂದೇಶದಲ್ಲಿ ಆ ನಾಲ್ಕು ವಾಕ್ಯಗಳು ದುರಂತದ ತನಿಖೆಗೆ ಬೇರೆಯದ್ದೇ ಆಯಾಮ ನೀಡಲಿದೆ.

ಏರ್ ಇಂಡಿಯಾ ಪೈಲಟ್ ಗಳು ಎಟಿಸಿಗೆ ನೀಡಿದ ಸಂದೇಶವೇನು?

ವಿಮಾನವು ನಿಗದಿಯಂತೆ ಥ್ರಸ್ಟ್​ ಅನ್ನು ತಲುಪಲು ಸಾಧ್ಯವಾಗಿಲ್ಲ. ಈ ಕಮ್ಯೂನಿಕೇಷನ್​​ ಲೈನ್​ ಬಹಳ ವೀಕ್​ ಆಗಿದೆ. ವಿಮಾನವು ಬೀಳುತ್ತಿದೆ. ಮೇಡೇ ಮೇಡೇ ಎಂದು ಎಟಿಸಿಗೆ ಪೈಲಟ್​​ ತಮ್ಮ ಕೊನೆಯ ಸಂದೇಶವನ್ನು ರವಾನಿಸಿದ್ದರು.

ಥ್ರಸ್ಟ್ ಅಂದರೇನು?

ಹೆಚ್ಚಿನ ಶಕ್ತಿಯೊಂದಿಗೆ ವಿಮಾನ ಎತ್ತರಕ್ಕೆ ಹಾರಿ ಮುನ್ನುಗ್ಗುವ ಸಾಮರ್ಥ್ಯಕ್ಕೆ ಥ್ರಸ್ಟ್​ ಎಂದು ಕರೆಯುತ್ತಾರೆ. ವಿಮಾನದ ಮೇಲೆತ್ತುವಿಕೆಯು ವೇಗಕ್ಕೆ ನಿಕಟವಾದ ಸಂಬಂಧ ಹೊಂದಿದೆ. ಮೇಲೆತ್ತುವಿಕೆಯಲ್ಲಿ ಯಾವುದೇ ವೈಫಲ್ಯವು ವಿಮಾನದ ಕುಸಿತಕ್ಕೆ ಕಾರಣವಾಗಬಹುದು. ವಿಮಾನದ ಇತರ ಭಾಗಗಳಿಗೆ ಬಲ ವರ್ಗಾಯಿಸಲು ರೆಕ್ಕೆಗಳು ಸಹಾಯ ಮಾಡುತ್ತವೆ. ಏರ್​ ಇಂಡಿಯಾದಲ್ಲಿ ಥ್ರಸ್ಟ್ ಅನ್ನು ನಿಗದಿಯಂತೆ ತಲುಪಲು ಸಾಧ್ಯವಾಗಿಲ್ಲ. ಆದ್ದರಿಂದ ವಿಮಾನಕ್ಕೆ ಮೇಲಾರಲಿ ಸರಿಯಾಗಿ ಶಕ್ತಿ ಅಥವಾ ಥ್ರಸ್ಟ್ ಸಾಧಿಸಲಾಗದ ಕಾರಣ ವಿಮಾನ ಪತನ ಅನುಮಾನ ದಟ್ಟವಾಗುತ್ತಿದೆ.

ಮೃತರ ಕುಟುಂಬಕ್ಕೆ ಏರ್​ ಇಂಡಿಯಾದಿಂದ ಹೆಚ್ಚುವರಿ ಪರಿಹಾರ

ದುರಂತ ಸಂಭವಿಸಿದ ದಿನವೇ ಏರ್ ಇಂಡಿಯಾ, ಸಂತ್ರಸ್ತ ಕುಟುಂಬಗಳಿಗೆ ತಲಾ 1 ಕೋಟಿ ರೂಪಾಯಿಗಳ ಪರಿಹಾರವನ್ನು ಘೋಷಿಸಿತ್ತು. ಈಗ ಘಟನೆಯ ದಿನಕ್ಕೆ, 1 ಕೋಟಿ ರೂಪಾಯಿಗಳಿಗೆ ಹೆಚ್ಚುವರಿಯಾಗಿ 25 ಲಕ್ಷ ರೂಪಾಯಿಗಳನ್ನು ಒದಗಿಸಲು ನಿರ್ಧರಿಸಿದೆ. ಸಂತ್ರಸ್ತ ಕುಟುಂಬಗಳಿಗೆ ತಕ್ಷಣವೇ ಮಧ್ಯಂತರ ಪರಿಹಾರವಾಗಿ 25 ಲಕ್ಷ ರೂಪಾಯಿಗಳನ್ನು ಬಿಡುಗಡೆ ಮಾಡಲು ವ್ಯವಸ್ಥೆ ಮಾಡಲಾಗಿದೆ ಎಂದು ಏರ್​ ಇಂಡಿಯಾ ಸಂಸ್ಥೆ ಮಾಹಿತಿ ನೀಡಿದೆ. ಇನ್ನು, ಟಾಟಾ ಗ್ರೂಪ್​ಗೆ ಇದೊಂದು ಕಪ್ಪು ಚುಕ್ಕೆ ಆಗಿದ್ದು, ಇನ್ಮುಂದೆ ಏರ್​ ಇಂಡಿಯಾದ 171 ಹೆಸರನ್ನು ಬದಲಿಸಲು ಚಿಂತನೆ ನಡೆಸಿದೆ.
ಒಟ್ಟಾರೆ.. ಏರ್​ ಇಂಡಿಯಾ ವಿಮಾನದ ದುರಂತ ಪ್ರಕರಣವನ್ನು ಕೇಂದ್ರ ಸರ್ಕಾರ ಗಂಭೀರವಾಗಿ ಪರಿಗಣಿಸಿದ್ದು, ತನಿಖೆಯನ್ನು ಚುರುಕುಗೊಳಿಸಿದೆ. ಇದೇ ವೇಳೆ ಪೈಲೆಟ್​ ನೀಡಿದ ಕೊನೆಯ ಸಂದೇಶವು ಮಹತ್ವ ಪಡೆದುಕೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ