KL ರಾಹುಲ್​ಗೆ ಬಿಗ್​ ಶಾಕ್.. ಐಪಿಎಲ್​ನಲ್ಲಿ ಕನ್ನಡಿಗನ ಕೈ ತಪ್ಪುತ್ತಾ ಕ್ಯಾಪ್ಟನ್ ಸ್ಥಾನ?

ಐಪಿಎಲ್​ 2025 ಆರಂಭವಾಗಲು ಕೇವಲ ಎರಡು ತಿಂಗಳು ಮಾತ್ರ ಬಾಕಿ ಉಳಿದಿದೆ. ಈ ಎರಡು ತಿಂಗಳ ಅಂತರದಲ್ಲೇ ಕೆಲ ಐಪಿಎಲ್​ ಫ್ರಾಂಚೈಸಿಗಳು ತಮ್ಮ ತಮ್ಮ ಟೀಮ್​​ನ ಕ್ಯಾಪ್ಟನ್ ಯಾರು ಎಂದು ಘೋಷಣೆ ಮಾಡಬೇಕಿದೆ. ರಾಯಲ್ ಚಾಲೆಂಜರ್ಸ್​ ಬೆಂಗಳೂರು, ಕೋಲ್ಕತ್ತಾ, ಡೆಲ್ಲಿ, ಲಕ್ನೋ ಹಾಗೂ ಪಂಜಾಬ್ ತಂಡದ ನಾಯಕ ಯಾರು ಎಂಬುದು ಅಧಿಕೃತವಾಗಿಲ್ಲ. ಆದರೆ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ನಾಯಕನ ಸ್ಥಾನಕ್ಕೆ ಕನ್ನಡಿಗ ಕೆ.ಎಲ್ ರಾಹುಲ್ ಬದಲಿಗೆ ಬೇರೆ ಪ್ಲೇಯರ್ ಹೆಸರು ಕೇಳಿ ಬಂದಿದೆ.

ಇಂಡಿಯನ್ ಪ್ರಿಮೀಯರ್ ಲೀಗ್ ಸೀಸನ್ 18 ಮಾರ್ಚ್​ನಿಂದ ಆರಂಭಗೊಳ್ಳಲಿದೆ. ಕನ್ನಡಿಗ ಕೆ.ಎಲ್ ರಾಹುಲ್ ಅವರು ಲಕ್ನೋ ಪ್ರಾಂಚೈಸಿಯಿಂದ ಹೊರ ಬಂದು ಮೆಗಾ ಆಕ್ಷನ್​ಗೆ ಬಂದಿದ್ದರು. ಈ ವೇಳೆ ಡೆಲ್ಲಿ ಕ್ಯಾಪಿಟಲ್ಸ್​ ರಾಹುಲ್ ಅವರನ್ನು 14 ಕೋಟಿ ಹಣ ಕೊಟ್ಟು ಖರೀದಿ ಮಾಡಿತ್ತು. ಆದರೆ ಇಷ್ಟು ದಿನ ನಾಯಕನ ಸ್ಥಾನ ಕೊಡಲಾಗುತ್ತದೆ ಎಂದು ಹೇಳಲಾಗುತ್ತಿತ್ತು. ಆದರೆ ಈಗ ಆ ಸ್ಥಾನಕ್ಕೆ ಯುವ ಆಲ್​ರೌಂಡರ್ ಅಕ್ಷರ್ ಪಟೇಲ್ ಹೆಸರನ್ನು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಕರ್ನಾಟಕ ವಿರುದ್ಧ ಫೈನಲ್​ಗೆ ಯಾರಿಗೆ ಚಾನ್ಸ್​.. ಎದುರಾಳಿಗೆ ಬೃಹತ್ ಟಾರ್ಗೆಟ್ ಕೊಟ್ಟ ವಿದರ್ಭ

ಅಕ್ಷರ್ ಪಟೇಲ್​ ಸದ್ಯ ಕ್ರಿಕೆಟ್​ನಲ್ಲಿ ಉತ್ತಮ ಪರ್ಫಾಮೆನ್ಸ್ ನೀಡುತ್ತಿರುವ ಯಂಗ್ ಆಲ್​ರೌಂಡರ್ ಆಗಿದ್ದಾರೆ. ಅಲ್ಲದೇ ಈ ಸಲ ಡೆಲ್ಲಿ ಕ್ಯಾಪಿಟಲ್ಸ್​ 16.5 ಕೋಟಿ ರೂಪಾಯಿ ಕೊಟ್ಟು ರಿಟೈನ್ ಮಾಡಿಕೊಂಡಿದೆ. ಹೀಗಾಗಿ ಡೆಲ್ಲಿ ತಂಡದ ಭರವಸೆ ಆಟಗಾರ ಎನ್ನುವ ಹೆಸರು ಕೂಡ ಇದೆ. ನಾಯಕನ ಸ್ಥಾನಕ್ಕಾಗಿ ಡೆಲ್ಲಿ ರಾಹುಲ್​ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿತ್ತು ಎಂದು ಹೇಳಲಾಗುತ್ತಿತ್ತು. ಆದರೆ ಈಗ ಇದಕ್ಕೆ ಫುಲಿಸ್ಟಾಪ್ ಬೀಳುವಂತೆ ಕಾಣುತ್ತಿದೆ.

ಡೆಲ್ಲಿ ಕ್ಯಾಪ್ಟನ್ ಸ್ಥಾನದ ರೇಸ್​ನಲ್ಲಿ ಅಕ್ಷರ್ ಪಟೇಲ್ ಮುಂಚೂಣಿಯಲ್ಲಿದ್ದಾರೆ. 2019 ರಿಂದ ಫ್ರಾಂಚೈಸಿಯಲ್ಲಿರುವ ಅಕ್ಷರ್ ಪಟೇಲ್ ಈ ಹಿಂದೆ ಐಪಿಎಲ್​ ಋತುಗಳಲ್ಲಿ ಕೆಲವು ಪಂದ್ಯಗಳಲ್ಲಿ ಕ್ಯಾಪಿಟಲ್ಸ್ ಅನ್ನು ಮುನ್ನಡೆಸಿದ ಅನುಭವ ಇದೆ. ನಂಬಿಕೆಯ ಆಟಗಾರನು ಆಗಿದ್ದಾರೆ. ಹೀಗಾಗಿ ಫ್ರಾಂಚೈಸಿ ಕೆ.ಎಲ್ ರಾಹುಲ್‌ಗಿಂತ ಅಕ್ಷರ್ ಪಟೇಲ್ ಅವರಿಗೆ ಖಾಯಂ ನಾಯಕನ ಸ್ಥಾನ ನೀಡುವ ಸಾಧ್ಯತೆ ಹೆಚ್ಚಾಗಿದೆ ಎಂದು ಹೇಳಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ