7-6, 6-3, 7-5 ನೇರ ಸೆಟ್​ಗಳಿಂದ ಮಣಿಸಿದ ಜೊಕೊವಿಕ್‌

4 ಮಾದರಿಯ ಗ್ರ್ಯಾಂಡ್​​ ಸ್ಲ್ಯಾಂ 3 ಬಾರಿ ಗೆದ್ದ ಏಕೈಕ ಆಟಗಾರ

ಈ ಬಾರಿ ರಾಫೆಲ್ ನಡಾಲ್ ಏಕೆ ಆಡಲಿಲ್ಲ ಗೊತ್ತಾ..?

ಟೆನಿಸ್ ದಂತಕತೆ, ಸರ್ಬಿಯಾದ 36 ವರ್ಷದ ನೊವಾಕ್‌ ಜೊಕೊವಿಕ್‌ 2023ರ ಸಾಲಿನ ಫ್ರೆಂಚ್‌ ಓಪನ್‌ ಟೂರ್ನಿಯಲ್ಲಿ ಕಿರೀಟಕ್ಕೆ ಮುತ್ತಿಡುವ ಮೂಲಕ ಐತಿಹಾಸಿಕ ಸಾಧಣೆ ಮಾಡಿದ್ದಾರೆ. ವೃತ್ತಿಬದುಕಿನ 23ನೇ ಗ್ರ್ಯಾಂಡ್​​ ಸ್ಲ್ಯಾಮ್​​ ತಮ್ಮದಾಗಿಸಿಕೊಂಡ ಏಕೈಕ ಟೆನಿಸ್​ ದಿಗ್ಗಜ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಜೊತೆಗೆ ಫ್ರೆಂಚ್‌ ಓಪನ್‌ ಅಂಗಳದಲ್ಲಿ 3ನೇ ಕರೀಟವನ್ನು ತಮ್ಮದಾಗಿಸಿಕೊಂಡಿದ್ದಾರೆ. ನಾಲ್ಕೂ ಮಾದರಿಯ ಗ್ರ್ಯಾಂಡ್‌ ಸ್ಲ್ಯಾಮ್‌ ಟೂರ್ನಿಗಳಲ್ಲಿ ಕನಿಷ್ಠ 3 ಟ್ರೋಫಿ ಗೆದ್ದ ವಿಶ್ವದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. 24 ವರ್ಷದ ಕ್ಯಾಸ್ಪರ್‌ ರುಡ್‌ ಅವರನ್ನು 7-6, 6-3, 7-5 ನೇರ ಸೆಟ್​ಗಳಿಂದ ಮಣಿಸುವ ಮೂಲಕ ಐತಿಹಾಸಿಕ ಸಾಧನೆ ಮಾಡಿದರು.

ಭಾನುವಾರ ಪ್ರಸಿದ್ಧ ಫಿಲಿಪ್‌ ಚಾರ್ಟಿಯರ್‌ ಸೆಂಟರ್‌ ಕೋರ್ಟ್‌ನಲ್ಲಿ ಪುರುಷರ ಸಿಂಗಲ್ಸ್‌ ಫೈನಲ್‌ ಪಂದ್ಯ ನಡೆದಿತ್ತು. ಜೊಕೊವಿಕ್‌ ಈ ಗೆಲುವಿನೊಂದಿಗೆ ಸ್ಪೇನ್ ಆಟಗಾರ ರಾಫೆಲ್‌ ನಡಾಲ್​ ಅವರನ್ನು ಹಿಂದಿಕ್ಕಿದ್ದಾರೆ. ಕಳೆದ ಬಾರಿ ನಡೆದ ಟೂರ್ನಿಯಲ್ಲಿ ನಡಾಲ್ 22ನೇ ಗ್ರ್ಯಾಂಡ್​​ ಸ್ಲ್ಯಾಮ್ ಗೆದ್ದಿದ್ದರು. ಈ ಬಾರಿಯ ಟೂರ್ನಿಯಲ್ಲಿ ನಡಾಲ್ ಗಾಯದ ಸಮಸ್ಯೆಯಿಂದ ಆಡಿರಲಿಲ್ಲ.

Many congrats on this amazing achievement @DjokerNole
23 is a number that just a few years back was imposible to think about, and you made it!
Enjoy it with your family and team! 👏🏻

— Rafa Nadal (@RafaelNadal) June 11, 2023

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ