ಪೈಪೋಟಿಗೆ ಬಿದ್ದು ಸ್ಟಾರ್​​ ಆಟಗಾರನ ಖರೀದಿ ಮಾಡಿದ ಆರ್​​ಸಿಬಿ; ಯಾರು ಈ ಪ್ಲೇಯರ್​?

ಬಹುನಿರೀಕ್ಷಿತ 2025ರ 2ನೇ ದಿನದ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜಿನಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಶ್ರೀಲಂಕಾ ತಂಡದ ಸ್ಟಾರ್​ ಬೌಲರ್​​ಗೆ ಮಣೆ ಹಾಕಿದೆ. ಶ್ರೀಲಂಕಾ ಕ್ರಿಕೆಟ್​ ತಂಡದ ನುವಾನ್ ತುಷಾರ ಅವರನ್ನು ಖರೀದಿ ಮಾಡಿದೆ. ಇವರು 1.60 ಕೋಟಿ ರೂ.ಗೆ ಆರ್​​ಸಿಬಿ ತಂಡ ಸೇರಿದ್ರು.

ನುವಾನ್ ತುಷಾರ ಅವರನ್ನು ಮೊದಲು ಪಂಜಾಬ್​ ತಂಡ ಬಿಡ್​ ಮಾಡಿತು. ಬಳಿಕ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು, ರಾಜಸ್ಥಾನ್​ ರಾಯಲ್ಸ್​, ಪಂಜಾಬ್​ ಮಧ್ಯೆ ಇವರಿಗಾಗಿ ಪೈಪೋಟಿ ನಡೆಯಿತು. ಕೊನೆಗೆ ಆರ್​​ಸಿಬಿ 1.60 ಕೋಟಿ ರೂ. ನೀಡಿ ನುವಾನ್ ತುಷಾರ ಅವರನ್ನು ಬಿಡ್​ ಮಾಡಿದೆ.

ಯಾರು ಈ ನುವಾನ್ ತುಷಾರ?

ಇಂಡಿಯನ್​ ಪ್ರೀಮಿಯರ್​ ಲೀಗ್​​ನಲ್ಲಿ ನುವಾನ್ ತುಷಾರ ಅವರು ಮುಂಬೈ ಇಂಡಿಯನ್ಸ್​ ತಂಡದ ಭಾಗವಾಗಿದ್ರು. ಇವರು ಮುಂಬೈ ಇಂಡಿಯನ್ಸ್​ ಪರ ಆಡಿರೋ 7 ಪಂದ್ಯಗಳಲ್ಲಿ 8 ವಿಕೆಟ್​ ಪಡಿದಿದ್ದಾರೆ. ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಶ್ರೀಲಂಕಾ ಪರ ನುವಾನ್ ತುಷಾರ 15 ಪಂದ್ಯ ಆಡಿದ್ದು, 24 ವಿಕೆಟ್​ ಕಬಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ