ಹೊಸ ಕೋಚ್ ನೇಮಿಸಿಕೊಂಡ ಆರ್​ಸಿಬಿ; ತಂಡಕ್ಕೆ ಬಂತು ಮತ್ತಷ್ಟು ಶಕ್ತಿ..!

IPL 2025ರ ಮೆಗಾ ಹರಾಜಿನ ಮೊದಲೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ದೊಡ್ಡ ಹೆಜ್ಜೆಯನ್ನಿಟ್ಟಿದೆ. ತಂಡದ ಬೌಲಿಂಗ್ ಕೋಚ್ ಆಗಿ ಓಂಕಾರ್ ಸಾಲ್ವಿ (Omkar Salvi) ಅವರನ್ನು ನೇಮಿಸಿದೆ.

ಓಂಕಾರ್ ಅವರು ಈ ಮೊದಲ ಕೋಲ್ಕತ್ತಾ ನೈಟ್ ರೈಡರ್ಸ್‌ನಲ್ಲಿ ಕೆಲಸ ಮಾಡಿದ ಅನುಭವ ಇದೆ. ವಿಶೇಷ ಅಂದರೆ ಅವರೊಬ್ಬ ಉತ್ತಮ ಟ್ರೈನರ್​. ದೇಶೀಯ ಕ್ರಿಕೆಟ್‌ನಲ್ಲಿ ಮುಂಬೈ ತಂಡದ ಮುಖ್ಯ ಕೋಚ್ ಆಗಿದ್ದಾರೆ. 2023-24ರ ರಣಜಿ ಟ್ರೋಫಿಯಲ್ಲಿ ಅವರ ನೇತೃತ್ವದ ಮುಂಬೈ ತಂಡ ಒಳ್ಳೆಯ ಸಾಧನೆ ಮಾಡಿತ್ತು. ಆರ್‌ಸಿಬಿಗೆ ಅವರ ಆಗಮನದಿಂದ ಬೌಲರ್‌ಗಳಿಗೆ ಹೆಚ್ಚಿನ ಲಾಭವಾಗಲಿದೆ.

ಇದನ್ನೂ ಓದಿ: ಟೆಸ್ಟ್​ ಸ್ಪೆಷಲಿಸ್ಟ್ಸ್​​ ಮೇಲೆ ಫ್ರಾಂಚೈಸಿ ಪ್ರೀತಿ.. ಆರ್​ಸಿಬಿಯದ್ದೂ ಅದೇ ಕತೆ.. ಯಾಕೆ ಹೀಗೆ..?

ಮೆಗಾ ಹರಾಜಿಗೂ ಮುನ್ನ ಆರ್‌ಸಿಬಿ ಕೇವಲ ಮೂವರು ಆಟಗಾರರನ್ನು ಉಳಿಸಿಕೊಂಡಿದೆ. 21 ಕೋಟಿ ಸಂಭಾವನೆ ನೀಡಿ ಕೊಹ್ಲಿಯನ್ನು, 11 ಕೋಟಿ ನೀಡಿ ರಜತ್ ಪಾಟಿದಾರ್ ಅವರನ್ನು ಹಾಗೂ 5 ಕೋಟಿ ರೂಪಾಯಿ ನೀಡಿ ಯಶ್ ದಯಾಳ್ ಅವರನ್ನು ಉಳಿಸಿಕೊಂಡಿದೆ. ನವೆಂಬರ್ 24-25 ರಂದು ನಡೆಯುವ ಮೆಗಾ ಹರಾಜಿಗಾಗಿ ಮ್ಯಾನೇಜ್ಮೆಂಟ್ ಕಾಯುತ್ತಿದೆ.

ಮೆಗಾ ಹರಾಜಿನಲ್ಲಿ 574 ಆಟಗಾರರನ್ನು ಅಂತಿಮಗೊಳಿಸಲಾಗಿದೆ. ಒಟ್ಟು 204 ಆಟಗಾರರನ್ನು ಖರೀದಿಸಬೇಕಿದೆ. ಇದರಲ್ಲಿ 70 ವಿದೇಶಿ ಆಟಗಾರರಿರುವುದು ಅಗತ್ಯವಾಗಿದೆ. 10 ತಂಡಗಳು ಒಟ್ಟು 46 ಆಟಗಾರರನ್ನು ಉಳಿಸಿಕೊಂಡಿವೆ.

ಇದನ್ನೂ ಓದಿ:ಚಹಾಲ್ ಮತ್ತೆ ಆರ್​​ಸಿಬಿಗೆ ಎಂಟ್ರಿ.. ಮ್ಯಾನೇಜ್ಮೆಂಟ್​ನಲ್ಲಿ ಭಾರೀ ಲೆಕ್ಕಾಚಾರ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್