ಹರಾಜಿಗೆ ಮುನ್ನ RCB ಮಹಾ ಎಡವಟ್ಟು; ಒಂದೇ ಒಂದು ವಿಕೆಟ್​ ಪಡೆದವನಿಗೆ ಬೌಲಿಂಗ್​​ ಕೋಚ್ ಹುದ್ದೆ​​

2025ರ ಇಂಡಿಯನ್ ಪ್ರೀಮಿಯರ್‌ ಲೀಗ್ ಮೆಗಾ ಹರಾಜಿಗೆ ಕೇವಲ 4 ದಿನಗಳ ಮಾತ್ರ ಬಾಕಿ ಇದೆ. ಈ ಮೆಗಾ ಹರಾಜು ಪ್ರಕ್ರಿಯೆ ಮೇಲೆ ಕ್ರಿಕೆಟ್‌ ಅಭಿಮಾನಿಗಳ ಕಣ್ಣು ನೆಟ್ಟಿದೆ. ಮುಂದಿನ ಸೀಸನ್​​ಗಾಗಿ ಬಲಿಷ್ಠ ತಂಡ ಕಟ್ಟಲು ಎಲ್ಲಾ ತಂಡಗಳು ಭರ್ಜರಿ ತಯಾರಿ ಮಾಡಿಕೊಳ್ಳುತ್ತಿವೆ. ಈ ಮಧ್ಯೆ ಆರ್​​ಸಿಬಿ ತಂಡ ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ.

ಆರ್‌ಸಿಬಿ ವಿರಾಟ್ ಕೊಹ್ಲಿ, ರಜತ್ ಪಾಟಿದಾರ್ ಮತ್ತು ಯಶ್ ದಯಾಳ್ ಅವರನ್ನು ಮಾತ್ರ ರಿಟೈನ್ ಮಾಡಿಕೊಂಡು ಉಳಿದ ಎಲ್ಲರನ್ನು ರಿಲೀಸ್​ ಮಾಡಿದೆ. ಮೆಗಾ ಹರಾಜಿನಲ್ಲಿ ಬಲಿಷ್ಠ ಆಟಗಾರರ ಖರೀದಿಗೆ ಆರ್​​ಸಿಬಿ ಸಜ್ಜಾಗಿದೆ. ಇದಕ್ಕೂ ಮುನ್ನ ಆರ್‌ಸಿಬಿ ತಂಡಕ್ಕೆ ಹೊಸ ಬೌಲಿಂಗ್ ಕೋಚ್ ನೇಮಕ ಆಗಿದ್ದಾರೆ.

ಹೊಸ ಬೌಲಿಂಗ್​ ಕೋಚ್​ ಯಾರು?

ಆರ್​​ಸಿಬಿ ತಂಡದ ಅಧಿಕೃತ ಖಾತೆಯಿಂದಲೇ​ ಆರ್​​ಸಿಬಿ ಹೊಸ ಬೌಲಿಂಗ್​​ ಕೋಚ್​ ಹೆಸರು ಘೋಷಣೆ ಮಾಡಲಾಗಿದೆ. ಈ ಮೂಲಕ ಹೇಗಾದ್ರೂ ಮಾಡಿ ಕಪ್​ ಗೆಲ್ಲಲೇಬೇಕು ಎಂದು ಜಿದ್ದಿಗೆ ಬಿದ್ದಿರೋ ಆರ್​​ಸಿಬಿ ಭಾರೀ ಸ್ಟ್ರಾಟರ್ಜಿ ಮಾಡಿಕೊಂಡಿದೆ.
ಇದರ ಭಾಗವಾಗಿ ಆರ್‌ಸಿಬಿ ಹೊಸ ಬೌಲಿಂಗ್ ಕೋಚ್ ನೇಮಕ ಮಾಡಿಕೊಂಡಿದೆ. ಈ ಬೌಲಿಂಗ್ ಕೋಚ್ ಬೇರೆ ಯಾರು ಅಲ್ಲ, ಓಂಕಾರ್ ಸಾಲ್ವಿ. ಮುಂಬೈ ರಣಜಿ ತಂಡದ ಕೋಚ್ ಆಗಿದ್ದ ಓಂಕಾರ್ ಸಾಲ್ವಿ ಅವರು ತಂಡವನ್ನು ಚಾಂಪಿಯನ್ ಮಾಡುವಲ್ಲಿ ಪ್ರಮುಖ ಪಾತ್ರವಹಿಸಿದ್ರು. ಕೆಕೆಆರ್​ ತಂಡದ ಜತೆಗೂ ಸಾಲ್ವಿ ಸಹಾಯಕ ಕೋಚ್ ಆಗಿ ಕೆಲಸ ಮಾಡಿದ್ರು.

ಯಾರು ಈ ಓಂಕಾರ್ ಸಾಲ್ವಿ?

ಟೀಮ್ ಇಂಡಿಯಾದ ಮಾಜಿ ಕ್ರಿಕೆಟರ್​ ಅವಿಷ್ಕರ್ ಸಾಲ್ವಿ. ಇವರ ಸಹೋದರ ಓಂಕಾರ್ ಸಾಲ್ವಿ. ಓಂಕಾರ್ ಸಾಲ್ವಿ ಕೋಚ್​ ಆಗಿದ್ದಾಗ ಮುಂಬೈ ತಂಡ ರಣಜಿ ಟ್ರೋಫಿ ಗೆದ್ದಿತ್ತು. ಸಾಲ್ವಿ 2005ರಲ್ಲಿ ಮಧ್ಯಪ್ರದೇಶ ವಿರುದ್ಧ ರೈಲ್ವೇಸ್‌ಗಾಗಿ ಲಿಸ್ಟ್ ಎ ಆಟ ಆಡಿದ್ರು.

ಒಂದೇ ಒಂದು ವಿಕೆಟ್​ ಪಡೆದ ಈತ ಬೌಲಿಂಗ್​ ಕೋಚ್​​

ತಮ್ಮ ವೃತ್ತಿಜೀವನದಲ್ಲಿ ಓಂಕಾರ್ ಸಾಲ್ವಿ ಪಡೆದಿರುವುದು ಒಂದೇ ಒಂದು ವಿಕೆಟ್​ ಮಾತ್ರ. ಕೆಕೆಆರ್​​ ಜೊತೆಗೆ ಒಪ್ಪಂದ ಮುಗಿದ ನಂತರ ಸಾಲ್ವಿ ಅವರನ್ನು ಮುಂಬೈ ರಾಜ್ಯ ತಂಡದ ಕೋಚ್ ಆಗಿ ನೇಮಿಸಲಾಯಿತು. ಈ ಒಪ್ಪಂದ 2025ರ ಮಾರ್ಚ್​​ಗೆ ಅಂತ್ಯವಾಗಲಿದೆ.

ಮ್ಯಾನೇಜ್ಮೆಂಟ್​ ವಿರುದ್ಧ ಫ್ಯಾನ್ಸ್ ಆಕ್ರೋಶ

ಈಗಾಗಲೇ ಆರ್​​ಸಿಬಿ ಬ್ಯಾಟಿಂಗ್​ ಕೋಚ್​ ಮತ್ತು ಮೆಂಟರ್​ ಆಗಿ ದಿನೇಶ್​ ಕಾರ್ತಿಕ್​ ಅವರನ್ನು ಆಯ್ಕೆ ಮಾಡಲಾಗಿದೆ. ಇವರು ಮೆಗಾ ಹರಾಜಿನಲ್ಲಿ ಯಾರನ್ನು ಖರೀದಿ ಮಾಡಬೇಕು ಎಂದು ಭರ್ಜರಿ ಕಾರ್ಯತಂತ್ರ ರೂಪಿಸುತ್ತಿದ್ದಾರೆ. ಈಗ ನೂತನ ಬೌಲಿಂಗ್ ಕೋಚ್‌ ಆಗಿ ನೇಮಕಗೊಂಡಿರುವ ಓಂಕಾರ್ ಸಾಲ್ವಿ ಅವರು ದಿನೇಶ್​ ಕಾರ್ತಿಕ್​ ಅವರೊಂದಿಗೆ ಆರ್​​ಸಿಬಿ ತಂಡವನ್ನು ಚಾಂಪಿಯನ್​ ಮಾಡಲು ಕೆಲಸ ಮಾಡಲಿದ್ದಾರೆ ಎನ್ನಲಾಗುತ್ತಿದೆ. ಆದರೆ, ಒಂದೇ ಒಂದು ವಿಕೆಟ್​ ಪಡೆದ ಈತ ಕ್ವಾಲಿಟಿ ಬೌಲರ್​ಗಳನ್ನು ಹೇಗೆ ಆಯ್ಕೆ ಮಾಡಲಿದ್ದಾರೆ ಎಂದು ಟೀಕಿಸುತ್ತಿದ್ದಾರೆ.

ಇದನ್ನೂ ಓದಿ: RCB ಹಿಂದಿನ ಮಾಸ್ಟರ್​ ಮೈಂಡ್​ DK​; ಹರಾಜಿಗೆ ಮುನ್ನ ಮಹತ್ವದ ಹೆಜ್ಜೆ ಇಟ್ಟ ಬೆಂಗಳೂರು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ