WCLನಲ್ಲಿ ವಿಂಟೇಜ್ ಎಬಿಡಿ ದರ್ಶನ.. 2 ವಿಸ್ಫೋಟಕ ಶತಕ.. ಹೇಗಿತ್ತು ಖದರ್​​..?

ಎಬಿಡಿ ಎಂಬ ವಿಧ್ವಂಸಕಾರಿ ಬ್ಯಾಟ್ಸ್​ಮನ್​ ಕ್ರಿಕೆಟ್​​ ಅಂಗಳದಿಂದ ಹೊರಗಿದ್ರು. ಈ ದಿಗ್ಗಜ ಪ್ಯಾಡ್​ ಕಟ್ಟಿ ವರ್ಷಗಳೇ ಉರುಳಿವೆ. ಬ್ಯಾಟಿಂಗ್​ ಖದರ್ ಮಾತ್ರ ಕಿಂಚಿತ್ತು ಮಾಸಿಲ್ಲ. ಬಹು ದಿನಗಳ ಬಳಿಕ ಪ್ಯಾಡ್​ ಕಟ್ಟಿರೋ ಮಿಸ್ಟರ್​ 360 ಬ್ಯಾಟರ್​ ವಿಸ್ಫೋಟಕ ಸೆಂಚುರಿ ಸಿಡಿಸಿದ್ದಾರೆ. ಈ ಆಟ ನೋಡಿದ ಮೇಲೆ ಎಬಿಡಿ ಕಾಂಪಿಟೇಟಿವ್ ಕ್ರಿಕೆಟ್​ಗೆ ಮರಳ್ತಾರಾ ಅನ್ನೋ ಪ್ರಶ್ನೆ ಹುಟ್ಟಿದೆ.

ಮೈದಾನದ ಅಷ್ಟದಿಕ್ಕಿಗೂ ಚೆಂಡಿನ್ನ ಚೆಂಡಾಡ್ತಿದ್ದ ಈ ಡಿವಿಲಿಯರ್ಸ್​ ಕ್ರಿಕೆಟ್​ ಅಂಗಳದಿಂದ ದೂರ ಸರಿದು, ಸರಿ ಸುಮಾರು 4 ವರ್ಷಗಳೇ ಆಗಿತ್ತು. ಇದೀಗ ಮತ್ತೆ ಪ್ಯಾಡ್​ ಕಟ್ಟಿ ಕ್ರಿಕೆಟ್​ ಫೀಲ್ಡ್​ಗೆ ಇಳಿದಿರುವ ಮಿಸ್ಟರ್​ 360,ಹಳೇ ಖದರ್​​ನಲ್ಲಿ ಬೌಲರ್ಸ್​​ನ ರುಬ್ಬಿದ್ದಾರೆ. ಸ್ಫೋಟಕ ಸೆಂಚುರಿ ಸುರಿಮಳೆ ಗೈದಿದ್ದಾರೆ.

ಇದನ್ನೂ ಓದಿ: ನೋಡೋಕೆ ಸಾಧು ಅಂತೆ ಕಂಡರೂ ಈತ ಅಂತಿಂಥ ಮನುಷ್ಯ ಅಲ್ಲ.. 3 ವರ್ಷದ ಬಳಿಕ ಸಿಕ್ಕಿಬಿದ್ದ..!

4 ವರ್ಷಗಳ ಬಳಿಕ ಕಮ್​ಬ್ಯಾಕ್​..

11 ಅಕ್ಟೋಬರ್ 2021.. ಶಾರ್ಜಾ ಸ್ಟೇಡಿಯಂನಲ್ಲಿ ಕೊಲ್ಕತ್ತಾ ನೈಟ್​ ರೈಡರ್ಸ್​ ಎದುರು ಆರ್​ಸಿಬಿ ಪರ ಆಡಿದ್ದ ಪಂದ್ಯವೇ ಕೊನೆ. ಆ ಬಳಿಕ ಕ್ರಿಕೆಟ್​ ಮೈದಾನದಿಂದ ದೂರ ಉಳಿದ ಎಬಿಡಿ, ಮೊನ್ನೆಯ ತನಕ ಬ್ಯಾಟ್ ಹಿಡಿದಿರಲಿಲ್ಲ. ಇದೀಗ 4 ಬಳಿಕ ಬ್ಯಾಟ್ ಹಿಡಿದಿರೋ ಎಬಿಡಿ, ವಿಂಟೇಜ್ ಎಬಿಡಿಯ ದರ್ಶನ ಮಾಡಿಸಿದ್ದಾರೆ. ಇಂಥ ವಿಂಟೇಜ್ ದರ್ಶನಕ್ಕೆ ಸಾಕ್ಷಿಯಾಗಿದ್ದು ವರ್ಲ್ಡ್ ಚಾಂಪಿಯನ್‌ಶಿಪ್ ಆಫ್ ಲೆಜೆಂಡ್ಸ್ ಟೂರ್ನಿ.

ಇದನ್ನೂ ಓದಿ: ನೋಡೋಕೆ ಸಾಧು ಅಂತೆ ಕಂಡರೂ ಈತ ಅಂತಿಂಥ ಮನುಷ್ಯ ಅಲ್ಲ.. 3 ವರ್ಷದ ಬಳಿಕ ಸಿಕ್ಕಿಬಿದ್ದ..!

39 ಎಸೆತಗಳಲ್ಲೇ ಸ್ಫೋಟಕ ಶತಕ..

ವರ್ಲ್ಡ್ ಚಾಂಪಿಯನ್‌ಶಿಪ್ ಆಫ್ ಲೆಜೆಂಡ್ಸ್ ಲೀಗ್​​​ನಲ್ಲಿ ಎಲ್ಲರನ್ನ ಎಬಿಡಿ ಮಂತ್ರ ಮುಗ್ಧರಾಗಿಸ್ತಿದ್ದಾರೆ. ಅಬ್ಬರ ಬ್ಯಾಟಿಂಗ್​ನಿಂದ ಎದುರಾಳಿ ಬೌಲರ್​​ಗಳನ್ನು ನಿದ್ದೆಯಲ್ಲೂ ಕಾಡ್ತಿದ್ದಾರೆ. ಇದಕ್ಕೆ ಲೇಟೆಸ್ಟ್ ಎಕ್ಸಾಂಪಲ್​ ಆಸ್ಟ್ರೇಲಿಯಾ ಲೆಜೆಂಡ್ಸ್ ಎದುರಿನ ಪಂದ್ಯ. ಆಸ್ಟ್ರೇಲಿಯಾ ಎದುರು ಅಷ್ಟ ದಿಕ್ಕುಗಳಿಗೆ ಬೌಂಡರಿ, ಸಿಕ್ಸರ್​​ಗಳ ಸುರಿಮಳೆ ಗೈದ ಎಬಿಡಿ, ಕೇವಲ 39 ಎಸೆತಗಳಲ್ಲಿ ಶತಕ ಸಿಡಿಸಿದ್ದಾರೆ. ಬ್ರೆಟ್ ಲೀ, ಪೀಟರ್ ಸಿಡ್ಲ್‌ರಂತ ದಿಗ್ಗಜ ಬೌಲರ್​ಗಳನ್ನೇ ಚೆಂಡಾಡಿದ ಎಬಿಡಿ, 46 ಎಸೆತಗಳಲ್ಲಿ 15 ಬೌಂಡರಿ, 8 ಸಿಕ್ಸರ್‌ ಒಳಗೊಂಡ 123 ರನ್ ಚಚ್ಚಿದ್ದಾರೆ.

41 ಎಸೆತಗಳಲ್ಲೇ ಸೆಂಚುರಿ..!

ಈ ಟೂರ್ನಿಯಲ್ಲಿ ಎಬಿ ಡಿವಿಲಿಯರ್ಸ್​ ವಿಶ್ವರೂಪ ತೋರಿಸಿದ್ದು ಇಂಗ್ಲೆಂಡ್​​ ಎದುರಾಗಿತ್ತು. ಚೇಸಿಂಗ್​ ವೇಳೆ ನಿರ್ಭಯವಾಗಿ ದಂಡಿಸಿದ ಡೆಡ್ಲಿ ಬ್ಯಾಟ್ಸಮನ್​, 41 ಎಸೆತಗಳಲ್ಲೇ ಶತಕ ಪೂರೈಸಿದರು. ಈ ಪಂದ್ಯದಲ್ಲಿ 51 ಎಸೆತಗಳನ್ನ ಎದುರಿಸಿದ ಎಬಿಡಿ 15 ಬೌಂಡರಿ, 7 ಸಿಕ್ಸರ್​ ಒಳಗೊಂಡ ಅಜೇಯ 116 ರನ್ ಚಚ್ಚಿದ್ರು. ಆ ಮೂಲಕ 12.3 ಓವರ್‌ಗಳಲ್ಲಿ ಪಂದ್ಯ ಮುಗಿಸಿದ್ರು.

30 ಎಸೆತಗಳಲ್ಲಿ ಅಜೇಯ 61 ರನ್​..

ಇಂಗ್ಲೆಂಡ್ ಎದುರೇ ಅಲ್ಲ. ಇಂಡಿಯಾ ಚಾಂಪಿಯನ್ಸ್ ಎದುರು ಸಹ ಎಬಿಡಿ ಆರ್ಭಟ ಜೋರಾಗಿತ್ತು. ತಾನೆದುರಿಸಿದ 30 ಎಸೆತಗಳಲ್ಲಿ 4 ಬೌಂಡರಿ, 3 ಸಿಕ್ಸರ್ ಒಳಗೊಂಡ 61 ರನ್ ಕೊಳ್ಳೆ ಹೊಡೆದ್ರು. ಈ ಟೂರ್ನಿಯುದ್ದಕ್ಕೂ ಎಬಿ ಡಿಲಿವಿಯರ್ಸ್​ನ ವೀರಾವೇಶ ಹೇಗಿತ್ತು ಅಂದ್ರೆ, ಫೀಲ್ಡರ್​​ಗಳೆಲ್ಲ ಪ್ರೇಕ್ಷಕರಾಗಿದ್ದರು. ಎಬಿಡಿ ಬ್ಯಾಟ್​ನಿಂದ ಸಿಡಿಯುತ್ತಿದ್ದ ಒಂದೊಂದು ಬಾಲ್, ಪ್ರೇಕ್ಷಕರ ಗ್ಯಾಲರಿಯಲ್ಲಿ ಬೀಳ್ತಿತ್ತು.

ಇದನ್ನೂ ಓದಿ: ಬಿಸಿಸಿಐ ವಿರುದ್ಧ ತಿರುಗಿಬಿದ್ದ ವಾಷಿಂಗ್ಟನ್ ಸುಂದರ್​ ತಂದೆ.. ಇವರ ಆಕ್ರೋಶಕ್ಕೆ ಕಾರಣ ಏನು..?

ಎಬಿ ಡಿವಿಲಿಯರ್ಸ್​ ಬ್ಯಾಟಿಂಗ್

ವರ್ಲ್ಡ್ ಚಾಂಪಿಯನ್‌ಶಿಪ್ ಆಫ್ ಲೆಜೆಂಡ್ಸ್​​ ಲೀಗ್​ನಲ್ಲಿ ಎಬಿ ಡಿವಿಲಿಯರ್ಸ್​ ಆಡಿದ 4 ಇನ್ನಿಂಗ್ಸ್​ಗಳಿಂದ ಬರೋಬ್ಬರಿ 303 ರನ್ ಚಚ್ಚಿದ್ದಾರೆ. 151.50ರ ಬ್ಯಾಟಿಂಗ್ ಅವರೇಜ್​ನಲ್ಲಿ ರನ್​ ಗಳಿಸಿರುವ ಎಬಿಡಿ, 34 ಬೌಂಡರಿ, 18 ಸಿಕ್ಸರ್ ಸಿಡಿಸಿದ್ದಾರೆ. 2 ಶತಕ, 1 ಅರ್ಧಶತಕ ದಾಖಲಿಸಿರುವ ಎಬಿಡಿ, 231.29 ಸ್ಟ್ರೈಕ್​​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ.

ಎಬಿಡಿ ಬ್ಯಾಟಿಂಗ್​​​​​​​​​​​​ನಲ್ಲಿ ಅದೇ ಖದರ್.. ಅದೇ ಪವರ್..!

ಎಬಿಡಿಯ ಬ್ಯಾಟಿಂಗ್ ನೋಡಿದ್ರೆ. ನಿಜಕ್ಕೂ ಈ ಯೋಚನೆ ಬರದಿರದು. 4 ವರ್ಷಗಳ ಬಳಿಕ ಬ್ಯಾಟ್​ ಹಿಡಿದರೂ, ಬ್ಯಾಟಿಂಗ್​​​​ನಲ್ಲಿನ ಗತ್ತು, ಗೈರತ್ತು ಕಿಂಚಿತ್ತೂ ಮಾಸಿಲ್ಲ. ಅದೇ ವಿಂಟೇಜ್ ಬ್ಯಾಟಿಂಗ್ ಖದರ್, ಅದೇ ಇನೋವೇಟಿವ್ ಶಾಟ್ಸ್​.. ತನ್ನದೇ ಆದ ಸ್ಟ್ರೈಲ್​​ನಲ್ಲಿ ಬ್ಯಾಟ್ ಬೀಸಿದ್ದಾರೆ. 41ರ ವಯಸ್ಸಿನಲ್ಲೂ ಹಳೇ ಎಬಿಡಿಯ ದರ್ಶನವನ್ನೇ ಮಾಡಿಸಿದ್ದಾರೆ. ಎಬಿಡಿಯ ಈ ಬ್ಯಾಟಿಂಗ್​ ವೈಭವ ನೋಡಿದ ಎಲ್ಲರಲ್ಲೂ ಕಾಂಪಿಟೇಟಿವ್​ ಕ್ರಿಕೆಟ್​ಗೆ ಎಬಿ ಡಿವಿಲಿಯನ್ಸ್​ ವಾಪಾಸ್ಸಾಗ್ತಾರಾ ಎಂಬ ಪ್ರಶ್ನೆ ಹುಟ್ಟಿದೆ.

ಸರಿ ಹೋಯ್ತಾ ಡಿವಿಲಿಯರ್ಸ್​ ದೃಷ್ಟಿ ದೋಷ?

ಎಬಿಡಿ ಕ್ರಿಕೆಟ್​ನಿಂದ ದೂರ ಸರಿಯಲು ಕಾರಣವೇ ದೃಷ್ಟಿದೋಷವಾಗಿತ್ತು. 2019ರಲ್ಲಿ ಕಣ್ಣಿನ ಸರ್ಜರಿಗೆ ಒಳಗಾಗಿದ್ದ ಡೆಡ್ಲಿ ಬ್ಯಾಟರ್​​ಗೆ ಒಂದು ಕಾಣ್ತಿರಲಿಲ್ಲ. ಹೀಗಾದ್ರೂ ಎರಡು ವರ್ಷ ಒಂದೇ ಕಣ್ಣಲ್ಲಿ ಆಡಿ ಎಲ್ಲರನ್ನ ಖುಷಿಪಡಿಸಿದ್ದ ಎಬಿಡಿ, 2021ರಲ್ಲಿ ಫ್ರಾಂಚೈಸಿ ಲೀಗ್​ನಿಂದಲೂ ದೂರ ಉಳಿದರು. ಆ ಬಳಿಕ ಸರ್ಜರಿಗೆ ಒಳಗಾಗಿದ್ರು. ಇದೀಗ ಎಬಿಡಿಯ ಬ್ಯಾಟಿಂಗ್ ಅಬ್ಬರ ನೋಡ್ತಿದ್ರೆ. ಡಿವಿಲಿಯರ್ಸ್​ ದೃಷ್ಟಿ ದೋಷಾ ಸರಿಯಾದಂತೆ ಕಾಣ್ತಿದೆ. ಹೀಗಾಗಿ ಎಬಿಡಿ ಮತ್ತೆ ಕಾಂಪಿಟೇಟಿವ್ ಕ್ರಿಕೆಟ್​​ ಮರಳಲಿ ಅನ್ನೋದು ಫ್ಯಾನ್ಸ್​ ಒತ್ತಾಸೆಯೂ ಆಗಿದೆ.

ಇದನ್ನೂ ಓದಿ: ಅಂತಿಂಥ ಭೂಕಂಪ ಅಲ್ಲವೇ ಅಲ್ಲ.. 4 ಖಂಡಗಳಲ್ಲಿ ಸುನಾಮಿ ಏಳುವ ಎಚ್ಚರಿಕೆ.. ಎಲ್ಲೆಲ್ಲಿ ತೀವ್ರತೆ ಹೇಗಿದೆ..?

ಎಬಿಡಿ ಬ್ಯಾಟಿಂಗ್ ನೋಡಿರುವ ಟಿ20 ಫ್ರಾಂಚೈಸಿಗಳು ಅಪ್ರೋಚ್ ಮಾಡಿದರೂ ಅಚ್ಚರಿ ಇಲ್ಲ. ಇದಕ್ಕೆ ಡಿವಿಲಿಯರ್ಸ್ ಒಪ್ಪುವರಾ ಅನ್ನೋದೇ ಪ್ರಶ್ನೆ. ಒಂದು ವೇಳೆ ಒಪ್ಪಿ ಕಮ್​​ಬ್ಯಾಕ್​ ಮಾಡಿದ್ರೆ ಆರ್​​ಸಿಬಿಗೆ ಬರಲಿ ಅನ್ನೋ ಆರ್​​ಸಿಬಿ ಫ್ಯಾನ್ಸ್​ ಫ್ರಾರ್ಥನೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ