ಈ ದೇಶಕ್ಕೆ ಇರೋದು ಒಂದೇ ಒಂದು ಬ್ಯಾಂಕ್​.. ಹುಡುಕಿದರೂ ಸಿಗೋದಿಲ್ಲ ಎಟಿಎಂ; ಕಾರಣವೇನು?

ಜಗತ್ತಿನ ಎಲ್ಲ ದೇಶಗಳಿಗೂ ಬ್ಯಾಂಕ್ ಎನ್ನುವುದು ಒಂದು ಅತ್ಯಗತ್ಯ ವಿಚಾರ. ನೀವು ಭಾರತದಿಂದ ಹಿಡಿದು ಯಾವುದೇ ದೇಶಗಳನ್ನು ತೆಗೆದುಕೊಳ್ಳಿ ಹಲವಾರು ಬ್ಯಾಂಕ್​ಗಳು ದೇಶಾದ್ಯಂತ ಹಲವಾರು ಶಾಖೆಗಳನ್ನು ತೆರೆದು ವ್ಯವಹಾರ ನಡೆಸುತ್ತವೆ. ಪ್ರತಿ ಬ್ರ್ಯಾಂಚ್ ಕೂಡ ತನ್ನ ಬ್ಯಾಂಕ್​ ಪಕ್ಕವೇ ಒಂದು ಎಟಿಎಂ ಕೂಡ ಹೊಂದಿರುತ್ತವೆ. ಕೇವಲ ನಗರ ಮತ್ತು ಪಟ್ಟಣಗಳಲ್ಲಿ ಮಾತ್ರವಲ್ಲ, ಇತ್ತೀಚೆಗೆ ಬ್ಯಾಂಕ್​ಗಳು ತಮ್ಮ ಎಟಿಎಂಗಳ ವಿಸ್ತರಣೆಯನ್ನು ಹಳ್ಳಿಗಳಿಗೂ ಕೂಡ ವಿಸ್ತರಿಸಿವೆ.

ಇದನ್ನೂ ಓದಿ:ಅಮೆರಿಕಾಗೇ ತಿರುಗುಬಾಣ ಆಯ್ತು ಟ್ರಂಪ್ ಸುಂಕ.. ಅಗ್ರ 500 ಶ್ರೀಮಂತರ ಜೇಬಿಗೆ ಕತ್ತರಿ..!

ಇಂತಹ ಕಾಲಮಾದನದಲ್ಲಿ ಜಗತ್ತಿನಲ್ಲಿ ಒಂದು ರಾಷ್ಟ್ರವಿದೆ. ಆ ರಾಷ್ಟ್ರದಲ್ಲಿ ಇರೋದು ಕೇವಲ ಒಂದೇ ಒಂದು ಬ್ಯಾಂಕ್​. ಈ ಬ್ಯಾಂಕ್ ಹಲವು ಬ್ರ್ಯಾಂಚ್​ಗಳನ್ನು ಹೊಂದಿದೆ. ಆದ್ರೆ, ಇಡೀ ದೇಶ ಹುಡುಕಿದರೂ ಕೂಡ ಆ ಬ್ಯಾಂಕ್​ನ ಒಂದೇ ಒಂದು ಎಟಿಎಂ ಕೇಂದ್ರ ನಿಮಗೆ ಕಾಣಲು ಸಿಗುವುದಿಲ್ಲ. ಇಲ್ಲಿ ಪ್ರತಿ ವ್ಯವಹಾರವು ನಡೆಯುವುದು ಕೇವಲ ಕ್ಯಾಶ್​ನಲ್ಲಿಯೇ. ಯಾವುದು ಆ ದೇಶ ಅಂತ ನಿಮಗೆ ಆಶ್ಚರ್ಯವಾಗಬಹುದು.

ಈ ಬ್ಯಾಂಕ್​ನ ಹೆಸರು ನ್ಯಾಷನಲ್ ಬ್ಯಾಂಕ್ ಆಫ್​ ತುವಾಲು. ತುವಾಲು ವಿಶ್ವದ ಅತ್ಯಂತ ಪುಟ್ಟ ರಾಷ್ಟ್ರಗಳಲ್ಲಿ 4ನೇ ಸ್ಥಾನದಲ್ಲಿದೆ. ದಕ್ಷಿಣ ಪೆಸಿಫಿಕ್ ಸಾಗರದಲ್ಲಿರುವ ಈ ಪುಟ್ಟ ದ್ವೀಪ ರಾಷ್ಟ್ರದಲ್ಲಿ ಇರೋದು ಕೇವಲ 11 ರಿಂದ 12 ಸಾವಿರದಷ್ಟು ಜನಸಂಖ್ಯೆ. ಇಡೀ ದೇಶಕ್ಕೆ ಇರೋದು ಒಂದೇ ಒಂದು ಬ್ಯಾಂಕ್, ಅದು ನ್ಯಾಷನಲ್ ಬ್ಯಾಂಕ್ ಆವಲ್​ ತುವಾಲು. ಇನ್ನೂ ಒಂದು ಆಸಕ್ತಿದಾಯಕ ಮಾಹಿತಿ ಅಂದ್ರೆ ತುವಾಲುವಿನ ಇಂಟರ್ನೆಟ್​ ಡೊಮೈನ್ ಟಿವಿಗೆ ವಿಶ್ವದಲ್ಲಿಯೇ ಅತಿಹೆಚ್ಚು ಬೇಡಿಕೆ ಇದೆ. ಇದರ ಮಾರಾಟದಿಂದಲೇ ತುವಾಲು ಅತಿಹೆಚ್ಚು ಆದಾಯ ಗಳಿಸುತ್ತದೆ.

ತುವಾಲು ಒಟ್ಟು 9 ಸಣ್ಣ ಹವಳದ ದ್ವೀಪಗಳನ್ನು ಒಳಗೊಂಡಿದೆ. ಇದರ ಉತ್ತರರ ಭಾಗ ಹವಾಯಿ ದ್ವೀಪಕ್ಕೆ ಮತ್ತು ದಕ್ಷಿಣ ಭಾಗ ಆಸ್ಟ್ರೇಲಿಯಾದ ನೈರುತ್ಯ ಭಾಗಕ್ಕೆ ತಾಗುತ್ತದೆ. ಈ ತುವಾಲು ದ್ವೀಪದ ಒಟ್ಟು ವಿಸ್ತಾರ 26 ಸ್ಕ್ವೇರ್ ಕಿಲೋ ಮೀಟರ್ ಎಂದು ಹೇಳಲಾಗುತ್ತದೆ. ಇಲ್ಲಿಯ ಜನರ ಪ್ರಮುಖ ಆದಾಯ ಮೀನುಗಾರಿಗೆ, ವಿದೇಶಿಗಳೊಂದಿಗಿರುವ ವ್ಯಾಪಾರ ಒಪ್ಪಂದ ಮತ್ತು ಇಂಟರ್​ನೆಟ್​ ಡೊಮೈನ್​​ ಟಿವಿಯ ರಫ್ತಿನಿಂದ ಗಳಿಸುತ್ತದೆ.

ಇದನ್ನೂ ಓದಿ:ವಿಶ್ವದಲ್ಲಿ ಅತ್ಯಂತ ದುಬಾರಿ ಏರ್‌ಲೈನ್ಸ್‌.. ಏನಿದರ ವಿಶೇಷ? ಒಂದು ಟಿಕೆಟ್​ ಬೆಲೆ ಕೇಳಿದ್ರೆ ಶಾಕ್ ಆಗ್ತೀರಾ!

ಈ ದೇಶ ಈಗಾಗಲೇ ಹೇಳಿದಂತೆ ಕೇವಲ ಒಂದೇ ಒಂದು ಬ್ಯಾಂಕ್​ ಹೊಂದಿದೆ. ನ್ಯಾಷನಲ್ ಬ್ಯಾಂಕ್ ಆಫ್​ ತುವಾಲು 1980ರಲ್ಲಿ ಸ್ಥಾಪನೆಯಾಗಿದೆ. ಇದು ದ್ವೀಪರಾಷ್ಟ್ರದಾದ್ಯಂತ ತನ್ನ ಶಾಖೆಗಳನ್ನು ಹೊಂದಿದೆ. ಆಸ್ಟ್ರೇಲಿಯನ್ ಡಾಲರ್​ಗಳು ಈ ರಾಷ್ಟ್ರದ ಪ್ರಮುಖ ಕರೆನ್ಸಿ. ತುವಾಲು ತನ್ನದೇ ದೇಶದ ನಾಣ್ಯಗಳನ್ನು ಕೂಡ ಬಿಡಗಡೆ ಮಾಡುತ್ತದೆ. ಆದರೆ ಏಕೈಕ ಬ್ಯಾಂಕ್​​ನ ಎಲ್ಲಾ ಶಾಖೆಗಳಲ್ಲೂ ಕೇವಲ ಕ್ಯಾಶ್​ನಲ್ಲಿ ವ್ಯವಹಾರ ನಡೆಯುತ್ತದೆ. ಯಾವುದೇ ಎಟಿಎಂ, ಡಿಜಿಟಲ್ ವ್ಯವಹಾರಗಳ, ನಮ್ಮ ದೇಶದಲ್ಲಿರುವಂತ ಯುಪಿಐ ವ್ಯವಸ್ಥೆ ಇದ್ಯಾವುದು ಕೂಡ ಇಲ್ಲ. ಜಗತ್ತಿನಲ್ಲಿ ಎಟಿಎಂ ಕೇಂದ್ರಗಳಿಲ್ಲದೇ ಕೇವಲ ಕ್ಯಾಶ್​ನಲ್ಲಿ ವ್ಯವಹರಿಸುವ ಏಕೈಕ ಬ್ಯಾಂಕ್ ಅಂದ್ರೆ ಅದು ತುವಾಲುದ ನ್ಯಾಷನಲ್ ಬ್ಯಾಂಕ್ ಆಫ್ ತುವಾಲು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ