ಆರೆಂಜ್​​ ಕ್ಯಾಪ್​ಗಾಗಿ ರನ್ ​ವಾರ್.. 4 ದಿನದಲ್ಲಿ ಮೂವರ ಪಾಲು..!

ಇಂಡಿಯನ್ ಪ್ರೀಮಿಯರ್​ ಲೀಗ್​ನಲ್ಲಿ ಗೆಲುವಿಗಾಗಿ ಎಲ್ಲಾ ತಂಡಗಳು ಹೋರಾಟ ನಡೆಸ್ತಿವೆ. ನಾನಾ, ನೀನಾ? ಎಂಬಂತೆ ಜಿದ್ದಿಗೆ ಬಿದ್ದು ಪ್ಲೇ ಆಫ್ ಟಿಕೆಟ್​ಗಾಗಿ ಬಡಿದಾಡ್ತಿವೆ. ಈ ತಂಡಗಳ ಫೈಟ್​​ನ ಜೊತೆ ಜೊತೆಗೆ ತಂಡದಲ್ಲಿರೋ ಆಟಗಾರರ ನಡುವೆ ರನ್ ವಾರ್ ಕೂಡ ಜೋರಾಗಿ ನಡೀತಿದೆ.

ಸೀಸನ್​​-18ರ ಐಪಿಎಲ್ ಅಂತ್ಯಕ್ಕೆ ಬಂದಾಗಿದೆ. ಪ್ಲೇ ಆಫ್ ಸ್ಥಾನ ಕನ್ಫರ್ಮ್ ಮಾಡಿಕೊಳ್ಳಲು ತಂಡಗಳು ಇನ್ನಿಲ್ಲದ ಹೋರಾಟ ನಡೆಸ್ತಿವೆ. ಟಿ20 ಅನ್ನೋ ಬ್ಯಾಟರ್​​ಗಳ ಗೇಮ್​ನಲ್ಲಿ ರನ್ ಹೊಳೆಯನ್ನೇ ಹರಿಸ್ತಿರುವ ಬ್ಯಾಟ್ಸ್​ಮನ್​, ಬೌಲರ್​ಗಳ ಮೇಲೆ ಕರುಣೆ ತೋರದೇ ಹಿಗ್ಗಾಮುಗ್ಗಾ ಬಾರಿಸ್ತಿದ್ದಾರೆ. ಒಂದೆಡೆ ತಂಡದ ಗೆಲುವಿಗೆ ಎದುರಾಳಿಗಳ ಜೊತೆ ಫೈಟ್​ ನಡೆಸ್ತಿರೋ ಆಟಗಾರರು, ಇನ್ನೊಂದೆಡೆ ತಮ್ಮ ಗೆಲುವಿಗೆ ತಂಡದಲ್ಲಿರೋ ಆಟಗಾರರ ಜೊತೆಗೆ ಕಾಂಪಿಟೇಶನ್​ ನಡೆಸ್ತಿದ್ದಾರೆ.

ಇದನ್ನೂ ಓದಿ: ಸತತ 6 ಎಸೆತದಲ್ಲಿ 6 ಸಿಕ್ಸರ್​.. ಸ್ಟಾರ್​​ ಬೌಲರ್​​​ನ ತೊಳೆದು ಹಾಕಿದ ರಿಯಾನ್ ಪರಾಗ್..!

ಒಂದೊಂದು ದಿನ ಒಬ್ಬೊಬ್ಬರ ಪಾಲು ಆರೆಂಜ್ ಕ್ಯಾಪ್

ಆರೆಂಜ್​ ಕ್ಯಾಂಪ್​ಗಾಗಿ ಸೀಸನ್​-18ರ ಐಪಿಎಲ್​​​ನಲ್ಲಿ ತೀವ್ರ ಪೈಪೋಟಿ ಶುರುವಾಗಿದೆ. ನಾನಾ ನೀನಾ ಅಂತಾ ಹೋರಾಡ್ತಿರುವ ಆಟಗಾರರು, ರನ್​ಭೂಮಿಯಲ್ಲಿ ರನ್​ ಹೊಳೆಯನ್ನೇ ಹರಿಸ್ತಿದ್ದಾರೆ. ಗರಿಷ್ಠ ರನ್ ಸ್ಕೋರರ್​ಗೆ​ ನೀಡುವ ಈ ಆರೆಂಜ್ ಕ್ಯಾಪ್, ದಿನಕ್ಕೊಬ್ಬರ ಪಾಲಾಗ್ತಿದೆ. ಈ ಆರೆಂಜ್ ಕಿರೀಟಕ್ಕಾಗಿ 5 ಮಂದಿಯ ನಡುವೆ ಟಫ್ ಕಾಂಪಿಟೇಷನ್ ನಡೀತಿದೆ. ದಿನಕ್ಕೊಬ್ಬರ ಪಾಲಾಗ್ತಿದೆ ಆರೆಂಜ್ ಕ್ಯಾಪ್​. ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​​, ಕಳೆದ 4 ದಿನಗಳಿಂದ ಮೂವರ ಪಾಲಾಗಿರುವುದು.

ಮತ್ತೆ ಕೊಹ್ಲಿ ಮುಕುಟಕ್ಕೇರಿದ ಆರೆಂಜ್ ಕ್ಯಾಪ್

ಐಪಿಎಲ್​ನಲ್ಲಿ ಸಾಲಿಡ್ ಪ್ರದರ್ಶನ ನೀಡ್ತಿರುವ ವಿರಾಟ್, ಚೆನ್ನೈ ಎದುರು ಅಬ್ಬರಿಸಿ ಬೊಬ್ಬೆರೆದರು. 33 ಎಸೆತಗಳಲ್ಲಿ 5 ಸಿಕ್ಸರ್, 5 ಬೌಂಡರಿ ಒಳಗೊಂಡ 62 ರನ್ ಗಳಿಸಿದ ಕೊಹ್ಲಿ, 505 ರನ್ ಕಲೆಹಾಕುವ ಮೂಲಕ ಸಾಯಿ ಸುದರ್ಶನ್​​ರನ್ನ ಹಿಂದಿಕ್ಕೆ ಆರೆಂಜ್ ಕ್ಯಾಪ್ ತಮ್ಮದಾಗಿಸಿಕೊಂಡರು.

ಆರೆಂಜ್ ಕ್ಯಾಪ್​ ಮೇಲೆ ಗುಜರಾತ್​ ಟಾಪ್ ಆರ್ಡರ್ ಕಣ್ಣು

ಗುಜರಾತ್ ಟೈಟನ್ಸ್​ ಐಪಿಎಲ್​ನಲ್ಲಿ ಸಾಲಿಡ್ ಆಟವಾಡ್ತಿದೆ. ಗೆಲುವಿನ ನಾಗಲೋಟ ನಡೆಸ್ತಿರುವ ಗುಜರಾತ್, ಪ್ಲೇ ಆಫ್ ಅಂಚಿನಲ್ಲಿದೆ. ಗುಜರಾತ್ ಟೈಟನ್ಸ್ ತಂಡದ ಸಕ್ಸಸ್​ಗೆ ಟಾಪ್ ಆರ್ಡರ್​ನ ಆಟ ಪ್ರಮುಖ ಕಾರಣ. ಎದುರಾಳಿಗಳ ಮೇಲೆ ದಂಡಯಾತ್ರೆ ನಡೆಸ್ತಿರುವ ಸಾಯಿ ಸುದರ್ಶನ್, ಶುಭ್​ಮನ್ ಗಿಲ್, ಜೋಸ್ ಬಟ್ಲರ್ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸ್ತಿದ್ದಾರೆ. ಅಬ್ಬರದ ಆಟದಿಂದ ತಂಡವನ್ನ ಗೆಲ್ಲಿಸ್ತಿರೋ, ಇವ್ರ ನಡುವೆ ಆರೆಂಜ್​ ಕ್ಯಾಪ್​ಗಾಗಿ ರೇಸ್​ ಎರ್ಪಟ್ಟಿದೆ.

ಇದನ್ನೂ ಓದಿ: ಐಪಿಎಲ್ ಪಾಯಿಂಟ್ಸ್​ ಟೇಬಲ್​​ನಲ್ಲಿ ಭಾರೀ ಏರಿಳಿತ.. ಪ್ಲೇ-ಆಫ್​ಗಾಗಿ ಪೈಪೋಟಿ ಹೇಗಿದೆ..?

ಆಡಿರೋ 10 ಪಂದ್ಯಗಳಿಂದ ಸಾಯಿ ಸುದರ್ಶನ್, 50.40ರ ಬ್ಯಾಟಿಂಗ್ ಅವರೇಜ್​ನಲ್ಲಿ 504 ರನ್ ಗಳಿಸಿದ್ದಾರೆ. 5 ಅರ್ಧಶತಕ ಸಿಡಿಸಿರುವ ಸುದರ್ಶನ್​​, 154.12ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ. ಜೋಸ್ ಬಟ್ಲರ್ 78.33ರ ಬ್ಯಾಟಿಂಗ್ ಅವರೇಜ್​ನಲ್ಲಿ 470 ರನ್ ಸಿಡಿಸಿದ್ದಾರೆ. 5 ಅರ್ಧಶತಕ ಗಳಿಸಿರುವ ಇಂಗ್ಲೆಂಡ್ ಬ್ಯಾಟರ್​, 169.06ರ ಬ್ಯಾಟಿಂಗ್ ಸ್ಟ್ರೈಕ್​ರೇಟ್ ಹೊಂದಿದ್ದಾರೆ. ಗುಜರಾತ್ ಟೈಟನ್ಸ್ ನಾಯಕ ಶುಭ್​ಮನ್ ಗಿಲ್, 465 ರನ್ ಸಿಡಿಸಿದ್ದಾರೆ. ಈ ಪೈಕಿ 5 ಅರ್ಧಶತಕ ಸಿಡಿಸಿರುವ ಶುಭ್​ಮನ್, 162.02ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ.

ಸೂರ್ಯ-ಜೈಸ್ವಾಲ್​​ ಪೈಪೋಟಿ.!

ಪಾಯಿಂಟ್ಸ್​​ ಟೇಬಲ್​ನಂತೆ ಆರೆಂಜ್ ಕ್ಯಾಪ್​ ಕೂಡ ಹಾವು ಏಣಿ ಆಟ ವಾಡ್ತಿದೆ. ಆರೆಂಜ್ ಕ್ಯಾಂಪ್​ಗಾಗಿ ಸೂರ್ಯಕುಮಾರ್ ಯಾದವ್ ಪೈಪೋಟಿಗಿಳಿದಿದ್ದಾರೆ. ಮುಂಬೈ ಇಂಡಿಯನ್ಸ್ ಪರ ಅದ್ಬುತ ಪ್ರದರ್ಶನ ನೀಡ್ತಿರುವ ಸೂರ್ಯ, 11 ಪಂದ್ಯಗಳಿಂದ 475 ರನ್ ಗಳಿಸಿದ್ದಾರೆ. 172.72ರ ಸ್ಟ್ರೈಕ್​ರೇಟ್​ನಲ್ಲಿ ರನ್ ಗಳಿಸ್ತಿರುವ ಸೂರ್ಯ ಟಾಪ್​ ಸ್ಕೋರರ್​​ ಪಟ್ಟದ ಮೇಲೆ ಕಣ್ಣಿಟ್ಟಿದ್ದಾರೆ.

ಸೂರ್ಯ ಮಾತ್ರವಲ್ಲ.. ರಾಜಸ್ಥಾನ್ ರಾಯಲ್ಸ್​ ತಂಡದ ಜೈಸ್ವಾಲ್​ ಕೂಡ ರೇಸ್​ನಲ್ಲಿದ್ದಾರೆ. ಟೂರ್ನಿಯಲ್ಲಿ ಉಳಿದೆರಡು ಪಂದ್ಯಗಳನ್ನು ಮಾತ್ರವೇ ಆಡಲಿರುವ ಜೈಸ್ವಾಲ್, ಈ ರೇಸ್​ನಲ್ಲಿ ಉಳಿಯೋದು ಅನುಮಾನವೇ ಆಗಿದೆ. ಟೂರ್ನಿ ಆರಂಭದಲ್ಲಿ ಆರೆಂಜ್ ಕ್ಯಾಪ್ ತಮ್ಮದಾಗಿಸಿಕೊಂಡಿದ್ದ ಡೇಂಜರಸ್ ನಿಕೋಲಸ್ ಪೂರನ್ ಸಹ ರೇಸ್​ನಲ್ಲಿದ್ದಾರೆ ಅನ್ನೋದನ್ನ ಮರೆಯುವಂತಿಲ್ಲ. ಟಿ20 ಬ್ಯಾಟಲ್​ನಲ್ಲಿ ಹೋರಾಡುತ್ತ ತಂಡದ ಗೆಲುವುಗಳಲ್ಲಿ ಮಹತ್ವದ ಪಾತ್ರ ವಹಿಸ್ತಿರುವ ಇವರ ಪೈಕಿ ಯಾರಿಗೆ ಆರೆಂಜ್ ಕ್ಯಾಪ್ ದಕ್ಕುತ್ತೆ ಅನ್ನೋದನ್ನು ಕಾದು ನೋಡೋಣ.

ಇದನ್ನೂ ಓದಿ: ಕೊಹ್ಲಿಯ ಅದೊಂದು ನಿರ್ಧಾರದಿಂದ ಟೀಂ ಇಂಡಿಯಾಗೆ ಬಿಗ್ ಲಾಸ್.. ತಪ್ಪು ಮಾಡಿಬಿಟ್ರಾ ವಿರಾಟ್..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ