ಜಪಾನ್​​ನಲ್ಲಿ ಕನಸು ಕಂಡು ಭಾರತಕ್ಕೆ ಬಂದರು.. ಸಾಮಾನ್ಯ ಜನರ 4 ಚಕ್ರದ ಆಸೆ ಈಡೇರಿಸಿದ ಸ್ಫೂರ್ತಿಯ ಕತೆ

ಆಟೋ ಮೊಬೈಲ್​ ಇಂಡಸ್ಟ್ರಿಯಲ್ಲಿ ಒಂದು ಕ್ರಾಂತಿ ತಂದ ವ್ಯಕ್ತಿ ಇವರು.. ಮಧ್ಯಮ ವರ್ಗದ ಜನರಿಗೆ, ನೀವೂ ಕೂಡ ಕಾರ್​ ಖರೀದಿ ಮಾಡಬಹುದು ಅಂತ ತೋರಿಸಿಕೊಟ್ಟ ಧೀಮಂತ. ಭಾರತದ ಜನರಿಗೆ ಆಟೋ ಮೊಬೈಲ್​ ಕ್ಷೆತ್ರದಲ್ಲಿ ಉದ್ಯೋಗ ಸೃಷ್ಟಿ ಮಾಡಿದಾತ. ಹಾಗಂತ ಇವರು ನಮ್ಮ ದೇಶದವರಲ್ಲ. ಬದಲಿಗೆ ಜಪಾನ್​ನವರು. ಆದರೂ ನಮ್ಮ ದೇಶದ ಬಗ್ಗೆ ವಿಶೇಷ ಕಾಳಜಿ, ಮುತುವರ್ಜಿ ಅದೆಲ್ಲಕ್ಕಿಂತ ಹೆಚ್ಚಾಗಿ ಪ್ರಿತಿ. ಅವರೇ ಮಾರುತಿ ಸುಜುಕಿಯ ಮಾಜಿ ಛೇರ್​ಮೇನ್ ಆದ ಒಸಾಮು ಸುಜುಕಿ.. (Osamu Suzuki).

1958ರಲ್ಲಿ ಸುಜುಕಿ ಕಂಪನಿಗೆ ಸೇರಿಕೊಂಡು 1978ರಲ್ಲಿ ಅದೇ ಕಂಪನಿಗೆ ಅಧ್ಯಕ್ಷರಾಗುತ್ತಾರೆ. ನಂತರ ಅವರಿಗೆ ಒಂದು ಕನಸು ಚಿಗುರೊಡೆಯುತ್ತೆ. ಸುಜುಕಿ ಕಂಪನಿಯನ್ನು ವಿಶ್ವದ ಮಾರುಕಟ್ಟೆಯಲ್ಲಿ ವಿಸ್ತರಿಸಬೇಕು ಅನ್ನೋ ಆಸೆ. ಆಗ ಆಯ್ಕೆ ಮಾಡಿಕೊಂಡಿದ್ದೇ ಭಾರತ. ಆ ಕಾಲದಲ್ಲಿ ಭಾರತದಲ್ಲಿ ಶ್ರೀಮಂತರಿಗೆ ಮಾತ್ರವೇ ಕಾರುಗಳು ಸೀಮಿತವಾಗಿದ್ದವು. ಅದನ್ನು ಸುಳ್ಳು ಮಾಡಿದ್ದೇ ಈ ಒಸಾಮು ಸುಜುಕಿ.

ಇದನ್ನೂ ಓದಿ:ಈ ಸ್ಮಾರ್ಟ್​​ ಗ್ಲಾಸ್ ಧರಿಸಿದ್ರೆ ಫೋನ್ ಟಚ್ ಮಾಡುವ ಅವಶ್ಯಕತೆ ಇಲ್ಲ.. ಮೆಟಾ ಹೊಸ ಸಂಚಲನ..!

ಭಾರತದ ಸರ್ಕಾರದ ಜೊತೆ ಪಾಟ್ನರ್​ಶಿಪ್​​ನೊಂದಿಗೆ ಕೆಲಸ ಮಾಡೋಕೆ ಶುರು ಮಾಡ್ತಾರೆ. ಹಾಗೇ ಮಾರುತಿ ಉದ್ಯೋಗ್ ಸ್ಥಾಪನೆ ಮಾಡಿ 1982ರಂದು ಮಾರುಕಟ್ಟೆಗೆ ಪರಿಚಯಿಸಿದರು. ಮಾರುತಿ 800.. ಈ ಚಿಕ್ಕ ಕಾರ್ ಅದೆಷ್ಟರ ಮಟ್ಟಿಗೆ ಹಿಟ್ ಆಯ್ತು ಅಂದ್ರೆ, ಒಬ್ಬ ಸಾಮಾನ್ಯ ಮಧ್ಯಮ ವರ್ಗದ ಕಾರ್​ ಅಂತಾನೇ ಫೇಮಸ್ ಆಯ್ತು. ಫಿಲ್ಮ್​ನಲ್ಲೂ ಇದೇ ಕಾರ್​, ಫಂಕ್ಷನ್​​ಗಳಲ್ಲೂ ಇದೇ ಕಾರ್​. ಎಲ್ಲಿ ನೋಡಿದ್ರೂ ಕೂಡ ಮಾರುತಿ 800ದ್ದೇ ಹವಾ. ಜೊತೆಗೆ ಇಡೀ ಭಾರತೀಯ ಆಟೋಮೊಬೈಲ್ ಕ್ಷೇತ್ರದಲ್ಲಿ ಒಂದು ಕ್ರಾಂತಿಯನ್ನು ಮಾಡಿದರು.

ಜಂಟಿಯಾಗಿ ಮಾರುತಿ ಉದ್ಯೋಗ್​ (Maruti Udyog) ಕಂಪನಿ ಅನೇಕ ಕಾರುಗಳನ್ನು ಪರಿಚಯಿಸ್ತು. 2007ರಲ್ಲಿ ಸರ್ಕಾರ ಪಾಲುದಾರಿಕೆಯಿಂದ ಹಿಂದೆ ಸರಿದಾಗ ಇದೇ ಮಾರುತಿ ಉದ್ಯೋಗ್​ ಅಂತ ಇದ್ದ ಕಂಪನಿ ತನ್ನ ಹೆಸರನ್ನು ಮಾರುತಿ ಸುಜುಕಿ ಆಗಿ ಬದಲಾಯಿಸಿಕೊಂಡಿತು. ಆಗಲೂ ಸುಜುಕಿ ಅವರಿಗೆ ಭಾರತದ ಮೇಲಿನ ಪ್ರೀತಿ ಕಡಿಮೆ ಆಗಲಿಲ್ಲ. ಅವರ ಪ್ರಕಾರ ಭಾರತ ಇಡೀ ಜಗತ್ತಿನಲ್ಲೇ ಆಟೋ ಮೊಬೈಲ್​ ಕ್ಷೇತ್ರದಲ್ಲಿ ಶ್ರೇಷ್ಟ ಸಾಧನೆ ಮಾಡುತ್ತೆ, ಮುಂಚೂಣಿಯಲ್ಲಿರುತ್ತೆ ಅನ್ನೋದನ್ನು ಅರಿತಿದ್ದರು. ಆಗ ನಮ್ಮ ದೇಶದಲ್ಲಿ ಈಗಿರೋ ಹಾಗೇ ಓಪನ್ ಮಾರ್ಕೆಟ್​ ಇರಲಿಲ್ಲ. ಅಂತಹ ಕಾಲದಲ್ಲಿ ಸುಜುಕಿಯವರು ಅಂತಹ ನಿರ್ಧಾರ ತೆಗೆದುಕೊಂಡಿದ್ರು.

ಇದನ್ನೂ ಓದಿ:ಗುಡ್ ನ್ಯೂಸ್‌.. ರಿಲಯನ್ಸ್ ಫೌಂಡೇಷನ್ ವಿದ್ಯಾರ್ಥಿ ವೇತನಕ್ಕೆ ಕರ್ನಾಟಕದ 590 ವಿದ್ಯಾರ್ಥಿಗಳು ಆಯ್ಕೆ

ಅದಕ್ಕೆ ಕಾರಣ.. ಅವರಿಗೆ ಭಾರತದ ಮೇಲಿದ್ದ ಪ್ರೀತಿ.. ಹೀಗೆ ಜಪಾನ್​ನಲ್ಲಿ ನಮ್ಮ ದೇಶದಲ್ಲಿ ಹಾಗೂ ವಿಶ್ವದ ಅನೇಕ ದೇಶಗಳಲ್ಲಿ ಮಾರುತಿ ಸುಜುಕಿ ಕಂಪನಿ ತನ್ನ ಛಾಪನ್ನು ಮೂಡಿಸಿದೆ. ಆದ್ರೆ ಇವತ್ತು 4 ದಶಕಗಳ ಕಾಲ ಈ ಬೃಹತ್​ ಹಾಗೂ ದೈತ್ಯ ಕಂಪನಿಯನ್ನು ಕಟ್ಟಿ, ಬೆಳೆಸಿ, ಮುನ್ನಡೆಸಿದ ಒಸಾಮು ಸುಜುಕಿ ಇಹಲೋಕ ತ್ಯಜಿಸಿದ್ದಾರೆ. LYMPHOMA ಕಾಯಿಲೆಯಿಂದ ಅವರು ಸಾವನ್ನಪ್ಪಿದ್ದಾರೆ. ಮಾರುತಿ ಸುಜುಕಿ ಒಂದು ಪ್ರತಿಷ್ಟಿತ ಕಾರ್​ ಕಂಪನಿಯಾಗೋದ್ಕಕೆ ಅವರ ಕೊಡುಗೆ ನಿಜಕ್ಕೂ ಶ್ಲಾಘನೀಯ. ಅದರ ಜೊತೆಗೆ ನಿಜಕ್ಕೂ ನಮ್ಮ ದೇಶದ ಬಡವನ ಹಾಗೂ ಮರ್ಧಯಮ ವರ್ಗದ ಜನರ ನಾಲ್ಕು ಚಕ್ರದ ಆಸೆ, ಈಡೇರೋ ಹಾಗೇ ಮಾಡಿದ ಒಸಾಮು ಸುಜುಕಿಗೆ ನಿಜಕ್ಕೂ ಗ್ರೇಟ್!

ಇದನ್ನೂ ಓದಿ:IND vs AUS ಸಿರಾಜ್ ಸುತ್ತ ಮತ್ತೊಂದು ವಿವಾದ.. ಥರ್ಡ್​ ಅಂಪೈರ್​ ವಿರುದ್ಧ ರೊಚ್ಚಿಗೆದ್ದ ಪ್ಯಾಟ್ ಕಮ್ಮಿನ್ಸ್​..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ