ಮತ್ತೆ ಬಾಲ ಬಿಚ್ಚಿದ ಪಿಸಿಬಿ; ಟೀಂ ಇಂಡಿಯಾ ಮ್ಯಾಚ್​ಗೂ ಮೊದಲೇ ಕಿರಿಕ್​..!

ಭಾರತ ಮತ್ತು ಪಾಕಿಸ್ತಾನ ಕ್ರಿಕೆಟ್ ತಂಡಗಳ ನಡುವೆ ನಾಳೆ ಜಿದ್ದಾಜಿದ್ದಿನ ಪಂದ್ಯ ನಡೆಯಲಿದೆ. ದುಬೈನಲ್ಲಿ ನಡೆಯಲಿರುವ ಪಂದ್ಯವನ್ನು ಕಣ್ತುಂಬಿಕೊಳ್ಳಲು ಕ್ರಿಕೆಟ್ ಅಭಿಮಾನಿಗಳು ಎಕ್ಸೈಟ್ ಆಗಿದ್ದಾರೆ. ಈ ಮಧ್ಯೆ ಪಾಕಿಸ್ತಾನ ದೂರುಗಳನ್ನು ಹೊತ್ತು ಅಂತಾರಾಷ್ಟ್ರಿಯ ಕ್ರಿಕೆಟ್ ಮಂಡಳಿ ಮೊರೆ ಹೋಗಿದೆ.

ಆಗಿದ್ದೇನು..?

ಫೆಬ್ರವರಿ 20 ರಂದು ಭಾರತ ಮತ್ತು ಬಾಂಗ್ಲಾದೇಶ ತಂಡಗಳ ನಡುವೆ ಪಂದ್ಯ ನಡೆಯಿತು. ಪಂದ್ಯದ ನೇರ ಪ್ರಸಾರದ ವೇಳೆ ಟಿವಿ ಮತ್ತು ಆ್ಯಪ್​​ನಲ್ಲಿ ಪಾಕಿಸ್ತಾನದ ಹೆಸರು ಇಲ್ಲದಿರೋದಕ್ಕೆ ಕಿಡಿಕಾರಿದೆ. ಉಳಿದ ಚಾಂಪಿಯನ್ಸ್ ಟ್ರೋಫಿ ಪಂದ್ಯದ ನೇರ ಪ್ರಸಾರದ ವೇಳೆ ‘ಚಾಂಪಿಯನ್ಸ್​ ಟ್ರೋಫಿ-2025 ಪಾಕಿಸ್ತಾನ’ ಎಂದು ಬರೆಯಲಾಗಿತ್ತು. ಆದರೆ ಭಾರತ ಮತ್ತು ಬಾಂಗ್ಲಾ ನಡುವಿನ ಪಂದ್ಯದಲ್ಲಿ ‘ಚಾಂಪಿಯನ್ಸ್​ ಟ್ರೋಫಿ-2025’ ಎಂದಷ್ಟೇ ಬರೆಯಲಾಗಿತ್ತು.

ಇದರಿಂದ ಕೋಪಿಸಿಕೊಂಡಿರುವ ಪಿಸಿಬಿ, ಅದರ ಬಗ್ಗೆ ವಿವರಣೆ ಕೇಳಿದೆ. ಅಲ್ಲದೇ ಐಸಿಸಿಗೆ ದೂರು ನೀಡಿರುವ ಪಾಕ್, ಮುಂದಿನ ಪಂದ್ಯಗಳಲ್ಲಿ ಕಡ್ಡಾಯವಾಗಿ ಪಾಕಿಸ್ತಾನದ ಹೆಸರು ಇರುವಂತೆ ಆಶ್ವಾಸನೆ ಪಡೆದುಕೊಂಡಿದೆ ಎನ್ನಲಾಗಿದೆ.

ಇದನ್ನೂ ಓದಿ: Champions Trophy; ತಂಡ ಸೇಫ್​ ಆಗಿರಬೇಕು ಎಂದ್ರೆ ಕೊಹ್ಲಿ, ರೋಹಿತ್ ಹೀಗೆ ಮಾಡಬಾರದು!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್