ಚೀನಾದ ಮರ್ಯಾದೆ ಮೂರು ಕಾಸಿನ ಹರಾಜಿಗೆ ಇಟ್ಟ ಪಾಕ್.. ತನಗೂ ಸೇಫ್ಔಟ್​, ಆಪ್ತ ಮಿತ್ರನಿಗೂ ಮುಖ ಇಲ್ಲ..!

ಭಾರತ ಮತ್ತು ಪಾಕಿಸ್ತಾನ ನಡುವಿನ ಯುದ್ಧ ಬಿಕ್ಕಟ್ಟು ಮತ್ತೊಂದು ಲೇವೆಲ್​ಗೆ ಹೋಗ್ತಿದೆ. ಎರಡೂ ದೇಶಗಳ ನಡುವಿನ ಘೋರ ಸಂಘರ್ಷ ದೊಡ್ಡ ಅಪಾಯದ ಸೂಚನೆ ನೀಡುತ್ತಿದೆ. ಈ ಬೆನ್ನಲ್ಲೇ ಪಾಕಿಸ್ತಾನದ ಆಪ್ತಮಿತ್ರ ಚೀನಾ, ಶಾಂತಿಯ ಮಂತ್ರವನ್ನು ರವಾನಿಸಿದೆ. ಹಿಂದಿನಿಂದ ಪಾಕಿಸ್ತಾನವನ್ನು ಛೂ ಬಿಟ್ಟು ಭಾರತದ ವಿರುದ್ಧ ಕತ್ತಿ ಮಸೆಯುವ ಬುದ್ಧಿ ಚೀನಾದ್ದು. ಇದು, ಡ್ರ್ಯಾಗನ್ ದೇಶದ ನಿನ್ನೆ-ಮೊನ್ನೆಯ ಕತೆಯಲ್ಲ! ತನ್ನ ಬೆನ್ನ ಹಿಂದೆ ಚೀನಾ ಇದೆ. ಏನೇ ಮಾಡಿದರೂ ಗೆಲ್ಲಬಹುದು ಎಂಬ ಲೆಕ್ಕಾಚಾರದಲ್ಲಿ ನರಿಬುದ್ದಿ ತೋರಿಸುವ ಪಾಕಿಸ್ತಾನ, ಆಗಾಗ ಸ್ನೇಹಿತನ ಮರ್ಯಾದೆಯನ್ನ ಮೂರು ಕಾಸಿಗೆ ಹರಾಜು ಹಾಕುತ್ತಿದೆ.

ಪಹಲ್ಗಾಮ್ ದಾಳಿಯ ನಂತರ ಆಗಿದ್ದೂ ಅದೇ. ಪಹಲ್ಗಾಮ್​ನಲ್ಲಿ ಉಗ್ರರು 26 ಅಮಾಯಕ ಪ್ರವಾಸಿಗರ ಹಣೆಗೆ ಗುಂಡಿಟ್ಟು ಪೈಶಾಚಿಕ ಕೃತ್ಯ ಮೆರೆದರು. ನಂತರದ ಬೆಳವಣಿಗೆಯಲ್ಲಿ ಎನ್​ಐಎ ಅಲ್ಲಿಗೆ ಭೇಟಿ ನೀಡಿತ್ತು. ತನಿಖೆಯಲ್ಲಿ ಉಗ್ರರು ಕೃತ್ಯ ನಡೆಸಲು ಚೀನಾದ Covert Device ಗಳನ್ನು ಬಳಸಿರೋದು ಸಾಬೀತಾಯಿತು. ಈ ಡಿವೈಸ್​ಗಳನ್ನು ಉಗ್ರರು ಪಾಕಿಸ್ತಾನಿ ಸೇನೆಯಿಂದ ಪಡೆದುಕೊಂಡಿದ್ದಾರೆ ಎಂಬ ಮಾತಿದೆ.

ಇದನ್ನೂ ಓದಿ: ಪಾಕ್​ಗೆ ಮೊಗೆ ಮೊಗೆದು ಅಸ್ತ್ರಗಳ ಕೊಟ್ಟು, ಈಗ ಭಾರತಕ್ಕೆ ಬಿಟ್ಟಿ ಸಲಹೆ ರವಾನಿಸಿದ ಚೀನಾ..!

ಇನ್ನು, ಪಹಲ್ಗಾಮ್ ದಾಳಿಯ ನಂತರ ಭಾರತ ಪಾಕಿಸ್ತಾನದತ್ತ ಬೊಟ್ಟು ಮಾಡಿದಾಗ ಉಗ್ರ ಪೋಷಕ ಪಾಕ್, ಹಿಂದೂಸ್ತಾನ್​​ ಮೇಲೆ ಅಣ್ವಸ್ತ್ರ ದಾಳಿಯ ಬೆದರಿಕೆ ಹಾಕಿತು. ಮೊಂಡು ಬೆದರಿಕೆಗೆ ಬಗ್ಗದ ಭಾರತ, ಆಪರೇಷನ್ ಸಿಂಧೂರ್ ಮೂಲಕ ಉಗ್ರರಿಗೆ ಪಾಠ ಕಲಿಸಿತು. ಇದರಿಂದ ಕೆರಳಿದ ಪಾಕಿಸ್ತಾನ, ನಮ್ಮ ನಾಗರಿಕರನ್ನು ಗುರಿಯಾಗಿಸಿಕೊಂಡು ಚೀನಾ ನೀಡಿದ ಅಸ್ತ್ರಗಳನ್ನು ಪ್ರಯೋಗಿಸಿತು.

ಪಾಕ್​ಗೆ ವರವಾಗಲಿಲ್ಲ

ಆದರೆ ಇಲ್ಲಿ, ಚೀನಾದ ದೊಡ್ಡ ದೊಡ್ಡ ಶಸ್ತ್ರಾಸ್ತ್ರಗಳು ಪಾಕಿಸ್ತಾನದ ಪಾಲಿಗೆ ವರವಾಗಲಿಲ್ಲ. ಬದಲಾಗಿ ಶಾಪ ಆಗ್ತಿವೆ. ಆಪರೇಷನ್ ಸಿಂಧೂರ್ ದಾಳಿಗೆ ಪ್ರತಿಯಾಗಿ ಪಾಕಿಸ್ತಾನ ಪಠಾಣ್​ಕೋಟ್ ವಾಯುನೆಲೆ ಗುರಿಯಾಗಿಸಿ ಚೀನಾ ನೀಡಿದ್ದ ಕ್ಷಿಪಣಿಗಳನ್ನು ಭಾರತದತ್ತ ಬಿಟ್ಟಿತ್ತು. ಆದರೆ ಭಾರತದ ಸುದರ್ಶನ್ ಅಸ್ತ್ರ ಎಸ್-400, ಸುಲಭವಾಗಿ ಹೊಡೆದು ಹಾಕಿತು. ಅಮೃತಸರದ ಬಳಿ ಪುಡಿಪುಡಿಯಾಗಿ ಬಿದ್ದಿದ್ದ ಮಿಸೈಲ್​​ನ ಪರಿಶೀಲಿಸಿದಾಗ ಅದು ಚೀನಾ ನಿರ್ಮಿತ ಕ್ಷಿಪಣಿ ಅನ್ನೋದು ಸಾಬೀತಾಯಿತು. ಅಂದರೆ ಭಾರತದ ಅಸ್ತ್ರದ ಮುಂದೆ ಚೀನಾದ ಕ್ಷಿಪಣಿ ಇಲ್ಲಿ ಕೆಲಸ ಮಾಡಲೇ ಇಲ್ಲ.

ಪ್ರತೀಕಾರದ ದಾಳಿಯಾಗಿ ನಿನ್ನೆ ಪಾಕಿಸ್ತಾನದ ಮೇಲೆ ಭಾರತ ಡ್ರೋಣ್​ಗಳನ್ನು ಉಡಾಯಿಸಿತು. ಡ್ರೋಣ್ ದಾಳಿಯ ಮೂಲಕ ಪಾಕಿಸ್ತಾನದ ಪ್ರಮುಖ ಮಿಲಿಟರಿ ಬೇಸ್​ಗಳನ್ನು ಭಾರತ ಧ್ವಂಸ ಮಾಡಿತು. ವಿಶೇಷ ಅಂದರೆ ಚೀನಾ ನೀಡಿದ್ದ ಏರ್​ ಡಿಫೆನ್ಸ್ ಸಿಸ್ಟಮ್ HQ9 ಕೂಡ ಚಿಂದಿಚಿಂದಿಯಾಗಿದೆ. ಲಾಹೋರ್​​ನಲ್ಲಿ ಇನ್​ಸ್ಟಾಲ್​ ಆಗಿದ್ದ ಚೀನಾದ HQ9 ಸಿಸ್ಟಮ್​ಗೆ ಭಾರೀ ಪ್ರಮಾಣದಲ್ಲಿ​ ಹಾನಿಯಾಗಿದೆ. ಪರಿಣಾಮ ಲಾಹೋರ್​ ‘ಭದ್ರತೆಯ ನಿಯಂತ್ರಣ’ ಕಳೆದುಕೊಂಡಿದೆ. ಲಾಹೋರ್​ ಭದ್ರತೆಗೆ ಈಗ ಯಾವುದೇ ಕಂಟ್ರೋಲ್ ಇಲ್ಲ. ಆ ಮೂಲಕ ಚೀನಾಗೂ ಇಲ್ಲಿ ದೊಡ್ಡ ಮುಖಭಂಗವಾಗಿದೆ.

ಇದನ್ನೂ ಓದಿ: ಪಾಕಿಸ್ತಾನಕ್ಕೆ ಮತ್ತೊಂದು ಮರ್ಮಾಘಾತ; AWACS ಛಿದ್ರಛಿದ್ರ.. ಏನಿದು..?

ಈ ಎಲ್ಲಾ ಬೆಳವಣಿಗೆಗಳ ಮಧ್ಯೆ ಪಾಕಿಸ್ತಾನ ಸಂಜೆ ವೇಳೆಗೆ ಭಾರತದತ್ತ ಕಾಲ್ಕೆದರಿ ಯುದ್ಧಕ್ಕೆ ಬರುವ ಸೂಚನೆ ನೀಡಿತ್ತು. ಚೀನಾ ಕೊಟ್ಟಿದ್ದ ಕ್ಷಿಪಣಿಗಳನ್ನು ಭಾರತದ ಮೇಲೆ ಉಡಾಯಿಸಿತ್ತು. ಆ ಎಲ್ಲಾ ಕ್ಷಿಪಣಿಗಳನ್ನು ಎಸ್​-400 ಭಾರತದ ಗಡಿ ದಾಟದಂತೆ ನೋಡಿಕೊಂಡಿದ್ದು ಮಾತ್ರವಲ್ಲದೇ, ಆಕಾಶದಲ್ಲೇ ಅವುಗಳನ್ನ ನಿರ್ಮಾಮ ಮಾಡಿತು.

ಮಾತ್ರವಲ್ಲ, ಪಾಕಿಸ್ತಾನಕ್ಕೆ ಚೀನಾ ನೀಡಿದ್ದ ಯುದ್ಧ ವಿಮಾನಗಳು ಭಾರತದತ್ತ ನುಗ್ಗಿದ್ದವು. ಅವುಗಳನ್ನ ಚಕ-ಚಕನೆ ಹೊಡೆದುರುಳಿಸಿ ಸೇನೆ ಪರಾಕ್ರಮ ಮೆರೆದಿದೆ. ಪಾಕಿಸ್ತಾನ ಮತ್ತು ಚೀನಾ ಇಬ್ಬರು ಸೇರಿ ಅಭಿವೃದ್ಧಿಪಡಿಸಿದ್ದ JF 17 ಯುದ್ಧ ವಿಮಾನಗಳನ್ನು ಹೊಡೆದು ಹಾಕಿದೆ ನಮ್ಮ ಸೇನೆ. ಪಾಕಿಸ್ತಾನದಿಂದ ಬಂದಿದ್ದ 50 ಮಿಸೈಲ್​​ಗಳು, 60 ಡ್ರೋಣ್​​ಗಳನ್ನೂ ಫಿನಿಶ್ ಮಾಡಲಾಗಿದೆ.

ಹಾಗೆ ನೋಡಿದ್ರೆ ಪಾಕ್ ಬತ್ತಳಿಕೆಯಲ್ಲಿ ಮಿಸೈಲ್​ಗಳು, ಡ್ರೋಣ್​ಗಳು ಇರೋದಕ್ಕೆ ಪ್ರಮುಖ ಕಾರಣವೇ ಚೀನಾ. ಚೀನಾ-ಪಾಕಿಸ್ತಾನ ಸೇರಿ ನಿರ್ಮಿಸಿದ ಡ್ರೋಣ್ ಮತ್ತು ಮಿಸೈಲ್​​ಗಳೇ ಪಾಕ್​ನಲ್ಲಿ ಹೆಚ್ಚಿವೆ. ನಮ್ಮ ಬಳಿ ಚೀನಾದ ವೆಪನ್ಸ್​ಗಳಿವೆ ಎಂದು ಭಾರತದತ್ತ ನುಗ್ಗಿಸಿ ಪಾಕ್, ತನ್ನ ಮರ್ಯಾದೆ ಕಳೆದುಕೊಳ್ಳುವುದರ ಜೊತೆಗೆ, ಚೀನಾಗೂ ಸೇಫ್​ಔಟ್ ಮಾಡ್ತಿದೆ. ಅಲ್ಲದೇ ಅನೇಕ ಬಾರಿ ಉಗ್ರರ ಕಾರ್ಯಾಚಣೆ ವೇಳೆ ಸಿಕ್ಕಿರೋ ಅಸ್ತ್ರಗಳೆಲ್ಲ ಪಾಕಿಸ್ತಾನ ಮತ್ತು ಚೀನಾ ಮೂಲದ್ದಾಗಿವೆ.

ಇದನ್ನೂ ಓದಿ: 3 ಯುದ್ಧ ವಿಮಾನ, 50 ಮಿಸೈಲ್​ ಢಮಾರ್​.. ಪಾಕಿಸ್ತಾನ ನಿನ್ನೆ ಏನೆಲ್ಲ ಕಳೆದುಕೊಂಡಿತು..?

ಶೇಕಡಾ 81 ರಷ್ಟು ಪಾಕ್​ಗೆ ಪೂರೈಕೆ..!

ಎಸ್​ಐಪಿಆರ್​ಐ (Stockholm International Peace Research Institute) ವರದಿ ಪ್ರಕಾರ, ಪಾಕಿಸ್ತಾನಕ್ಕೆ ಚೀನಾ ಶೇಕಡಾ 81 ರಷ್ಟು ಶಸ್ತ್ರಾಸ್ತ್ರಗಳನ್ನು ಪೂರೈಕೆ ಮಾಡ್ತಿದೆ. ಪಾಕ್​ಗೆ ಬೇಕಾಗಿರುವ ಮಿಲಿಟರಿ ಹಾರ್ಡ್​​ವೇರ್​ಗಳನ್ನ ಪೂರೈಕೆ ಮಾಡೋದೇ ಚೀನಾ. ಉಳಿದಂತೆ ನೆದರ್ಲೆಂಡ್ ಶೇಕಡಾ 5.5 ರಷ್ಟು ಮಿಲಿಟರಿ ಅಸ್ತ್ರಗಳನ್ನ ನೀಡಿದ್ರೆ, ಮತ್ತೊಬ್ಬ ಸ್ನೇಹಿತ ಟರ್ಕಿ ಶೇಕಡಾ 3.5 ರಷ್ಟು ಶಸ್ತ್ರಾಸ್ತ್ರಗಳನ್ನ ನೀಡತ್ತಿದೆ.

ಚೀನಾ ಪಾಕ್​ಗೆ ಏನೆಲ್ಲ ನೀಡ್ತಿದೆ..?

2019-2023 ಅವಧಿಯಲ್ಲಿ ಪಾಕಿಸ್ತಾನವು ಚೀನಾದಿಂದ ಶೇಕಡಾ 60 ರಷ್ಟು ಶಸ್ತ್ರಾಸ್ತ್ರಗಳನ್ನು ಆಮದು ಮಾಡಿಕೊಂಡಿದೆ. ಚೀನಾ-ಪಾಕಿಸ್ತಾನ ಮಿಲಿಟರಿ ಕೋ-ಆಪರೇಷನ್ ಅಡಿಯಲ್ಲಿ ಪಾಕ್​​ಗೆ JF-17 ಥಂಡರ್ ಫೈಟರ್ ಜೆಟ್​ಗಳನ್ನು ನೀಡಿದೆ. 2015ರಲ್ಲಿ 8 Type-041 Yuan-class ಯುದ್ಧ ಹಡಗುಗಳನ್ನು ಪಡೆದಿದೆ. ಪಾಕಿಸ್ತಾನದಲ್ಲಿರೋ SH-15 155mm ಗನ್​ಗಳು ಕೂಡ ಚೀನಾದ್ದೇ ಆಗಿದೆ.

ಇನ್ನು ಪಹಲ್ಗಾಮ್ ದಾಳಿ ಬಳಿಕ ನಡೆದ ಬೆಳವಣಿಗೆ ಗಮನಿಸಿದ ಚೀನಾ ತರಾತುರಿಯಲ್ಲಿ long-range PL-15 ಕ್ಷಿಪಣಿಗಳನ್ನು ನೀಡಿತ್ತು. ಅದರ ಜೊತೆಗೆ PL-15 are BVR ಕ್ಷಿಪಣಿಗಳನ್ನೂ ಒದಗಿದೆ. ಹಾಗೆಯೇ ಮಲ್ಟಿ ರೋಲ್ J-10C ಯುದ್ಧ ವಿಮಾನಗಳನ್ನೂ ಪಾಕಿಸ್ತಾನಕ್ಕೆ ಕೊಟ್ಟಿದೆ. ಆದರೆ, ಚೀನಾದ ಆಯುಧಗಳನ್ನು ತೆಗೆದುಕೊಂಡು ಭಾರತದತ್ತ ನುಗ್ಗುವ ಪಾಕ್​ಗೆ ಭಾರೀ ಮುಖಭಂಗ ಆಗ್ತಿದೆ.

ಇದನ್ನೂ ಓದಿ: ಚೀನಾ ನಂಬಿ ಕೆಟ್ಟ ಪಾಕಿಸ್ತಾನ.. ಭಾರತ-ರಷ್ಯಾ ಬಾಂಧವ್ಯಕ್ಕೆ ಅತಿ ದೊಡ್ಡ ಯಶಸ್ಸು; ಮೀಮ್ಸ್ ವಿಡಿಯೋ ವೈರಲ್‌!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ